Ẹmwata Ne Ima Hoo Ne Ima Gha Ma Emwa Ẹre

Jesu khare wẹẹ, emwa ni mwẹ ẹkoata gha miẹn ẹmwata, uhukpa ẹre iran ya rẹn ọnrẹn. (Jọn 10:​4, 27) Nọnaghiyerriọ, ẹghẹ ke ẹghẹ ne ima ya gu emwa guan, ma keghi hia ne ima ma iran ẹmwata eso ni rre Baibol ni ma lọghọ gbe na rẹn otọ re. U gha khian ru ọna, u sẹtin nọ iran wẹẹ: “U kue rẹn wẹẹ . . . ?” ra “Wẹ he ka họn wẹẹ . . . ?” Iyeke ọni, u ghi loo ako ọkpa ra ako eso vbe Ebe Nọhuanrẹn ya rhan otọ ẹmwata ne u hoo ne u ma iran ẹre. Uhiẹn, ọ ghaa re ẹmwata nọ ma lọghọ gbe na rẹn otọ re ẹre ima tama ọmwa, ma kọ ikpẹ ẹmwata ye ọmwa nii ekhọe nẹ, Osanobua gha vbe sẹtin yae waan!—1 Kọr 3:​6, 7.

• Emwi Ni Khian Sunu Vbe Odaro

• Ẹgbẹe

• Osanobua

• Erhunmwu

• Jesu

• Arriọba Osanobua

• Usẹ

• Uwu

• Ugamwẹ

EMWI NI KHIAN SUNU VBE ODARO

1. 1. Emwi ni sunu vbe ẹghẹ na kevbe uyinmwẹ ne emwa ghi yin rhie ẹre ma wẹẹ, emwi hia gha rherhe fi werriẹ.—Mat 24:​3, 7, 8; Luk 21:​10, 11; 2Tim 3:​1-5.

2. 2. Ẹ i mwẹ ẹghẹ ọkpa ne uhunmwu otagbọn na khian ya guọghua.—Psm 104:5; Asan 1:4.

3. 3. Uhunmwu otagbọn na gha dọlegbe gha ye vbene ọ ka gha ye vbe a yi ẹre.—Aiz 35:​1, 2; Arhie 11:18.

4. 4. A i khian ghi gha miẹn ọmwa nọ khuọnmwi.—Aiz 33:24; 35:​5, 6.

5. 5. U gha sẹtin yin agbọn na vbe etẹbitẹ.—Psm 37:29; Mat 5:5.

ẸGBẸE

1. 6. Ọ khẹke ne ọdọ “hoẹmwẹ ọvbokhan rẹn zẹvbe nọ hoẹmwẹ egbe ẹre.”—Ẹfis 5:33; Kọl 3:19.

2. 7. Ọ khẹke ne amwẹ kakabọ gha rhie ọghọ ne ọdọ ẹre.—Ẹfis 5:33; Kọl 3:18.

3. 8. Ọ ma khẹke ne ọdọ vbe amwẹ sẹ egbe rae, ra ne ọkpa vbe iran fi owẹ ye oha.—Mal 2:16; Mat 19:​4-6, 9; Hib 13:4.

4. 9. Te agbọn maan emọ ni rhie ọghọ ne evbibiẹ iran, ni vbe họn ẹmwẹ ne iran.—Itan 1:​8, 9; Ẹfis 6:​1-3.

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

OSANOBUA

1. 10. Osanobua mwẹ eni.—Psm 83:18; Jer 10:10.

2. 11. Osanobua keghi gu ima guan.—2Tim 3:​16, 17; 2 Pit 1:​20, 21.

3. 12. Obọ ọkpa ẹre Osanobua ya mu emwa hia.—Diut 10:17; Iwinna 10:​34, 35.

4. 13. Osanobua hoo nọ ru iyobọ ne ima.—Psm 46:1; 145:​18, 19.

ERHUNMWU

1. 14. Osanobua hoo ne ima gha na erhunmwu gie irẹn.—Psm 62:8; 65:2; 1 Pit 5:7.

2. 15. E Baibol ma ima vbene a ya na erhunmwu hẹ.—Mat 6:​7-13; Luk 11:​1-4.

3. 16. Ọ khẹke ne ima gha na erhunmwu vbe ẹghẹ hia.—Mat 7:​7, 8; 1 Tẹs 5:17.

JESU

1. 17. Ọmwa nọ gua ma ọmwa emwi ẹre Jesu ghaa khin; avbe ẹmwẹ nọ tae nọ ya bu emwa ude wa ye mwẹ iyobọ nọkhua nọ ye vbe ẹdẹnẹrẹ.—Mat 6:​14, 15, 34; 7:12.

2. 18. Jesu ka ta emwi hia ni sunu vbe ẹdẹnẹrẹ yotọ nẹ.—Mat 24:​3, 7, 8, 14; Luk 21:​10, 11.

3. 19. Ovbi Osanobua ẹre Jesu khin.—Mat 16:16; Jọn 3:16; 1 Jọn 4:15.

4. 20. Jesu i re Osanobua ne Oghodua.—Jọn 14:28; 1 Kọr 11:3.

Based on NASA/Visible Earth imagery

ARRIỌBA OSANOBUA

1. 21. Arriọba nọ gele rrọọ ẹre Arriọba Osanobua khin, ẹrinmwi ẹre ọ ye.—Dan 2:44; 7:​13, 14; Mat 6:​9, 10; Arhie 11:15.

2. 22. Arriọba Osanobua gha guọghọ arriọba emwa nagbọn rua, ọ ghi rhie ihe iran.—Psm 2:​7-9; Dan 2:44.

3. 23. Arriọba Osanobua ọkpa ẹre ọ khian sẹtin sọfurre ye ọlọghọmwa ọghe emwa nagbọn.—Psm 37:​10, 11; 46:9; Aiz 65:​21-23.

USẸ

1. 24. Ẹ i re Osanobua ẹre ọ si ẹre ne ima na sẹ usẹ.—Diut 32:4; Jems 1:13.

2. 25. Esu ẹre ọ kha yan agbọn na.—Luk 4:​5, 6; 1 Jọn 5:19.

3. 26. Osanobua bẹghe usẹ nọ sẹ ruẹ, ọ vbe mu egbe nọ ya ru iyobọ nuẹn.—Psm 34:​17-19; Aiz 41:​10, 13.

4. 27. Osanobua gha rherhe kie ima oya.—Aiz 65:17; Arhie 21:​3, 4.

UWU

1. 28. Emwa ni wu nẹ ma ghi rẹn enaye; iran i vbe rri oya rhọkpa.—Asan 9:5; Jọn 11:​11-14.

2. 29. Emwa ni wu nẹ i khian sẹtin ru iyobọ ne ima, iran i khian vbe sẹtin kuan ima.—Psm 146:4; Asan 9:​6, 10.

3. 30. Emwa ima ni wu nẹ gha rhiọ kpaegbe.—Job 14:​13-15; Jọn 5:​28, 29; Iwinna 24:15.

4. 31. “Uwu i khian ghi gha rrọọ.”—Arhie 21:​3, 4; Aiz 25:8.

UGAMWẸ

1. 32. Ẹ i re ugamwẹ hia ẹre ọ yẹẹ Osanobua.—Jer 7:11; Mat 7:​13, 14, 21-23.

2. 33. Uyinmwẹ okeke i yẹẹ Osanobua.—Aiz 29:13; Mai 3:11; Mak 7:​6-8.

3. 34. Ahoẹmwọmwa ọghe ẹmwata ne emwa ni ga Osanobua mwẹ ẹre a ya rẹn wẹẹ, ugamwẹ ẹmwata ẹre iran ye.—Mai 4:3; Jọn 13:​34, 35.