Jesu Keghi “Ruẹ Vbene A Ya Họn Ẹmwẹ Hẹ”

Jesu ma he ẹmwẹ ye Jehova obọ ẹdẹ. (Jọn 8:29) Vbọ ghi zẹe ne Baibol na ghi kha wẹẹ: “Ọ keghi lekpa oya nọ re, ruẹ vbene a ya họn ẹmwẹ hẹ”?​—Hib 5:8.

Vbe Jesu rre uhunmwu otagbọn na, ọ keghi werriẹ aro daa emwi eso nẹi khian sẹtin sunu vbe ẹrinmwi. Evbibiẹ emọ ni ma gba, sokpan ni ya ekhọe hia ga e Jehova ẹre ọ koko ẹre waan. (Luk 2:51) Ẹ i re oya nekherhe ẹre ọ re vbe obọ avbe ọkaolotu ugamwẹ kevbe avbe emwa ni khaevbisẹ. (Mat 26:59; Mak 15:15) Ọ na vbe “mu egbe ẹre rriotọ, ọ na họn ẹmwẹ ne Osanobua ya sẹ ẹdẹ uwu,” uwu obalọ ẹre ọ wu.​—Fil 2:8.

Avbe emwi ne Jesu werriẹ aro daa na keghi ru iyobọ nẹẹn ya ruẹ vbene a ya họn ẹmwẹ hẹ vbe odẹ ọvbehe nọ lughaẹn ne nọ ka ruẹ vbe ẹrinmwi. Rhunmwuda ọni, ọ keghi sẹtin do gha re Ọba nọ gbae kevbe Ogie Ohẹn nọ rẹn emwi ne ima la gberra. (Hib 4:15; 5:9) E Jehova keghi do hoẹmwẹ e Jesu sayọ iyeke vbe ọ ghi lekpa oya nọ re, ruẹ vbene a ya họn ẹmwẹ hẹ. Ma gha vbe ya ekhọe hia họn ẹmwẹ ne Jehova vbe ima ghaa werriẹ aro daa ọlọghọmwa nọ wegbe, aro nọ ghaan ẹre Jehova khian ya gha ghee ima, ọ ghi vbe sẹtin loo ima vbe ugamwẹ ọnrẹn.​—Jems 1:4.