Genesis

3 Piksííksiinaawa isstohkanáíʼsimiaʼpssiwa ámoksska iʼsímiiksi iitáíksowáʼpaomaahkaiksi Iihtsipáítapiiyoʼpa Jehovah otáʼpistotakssiiksi. Iitómatapssitsipssatsiiwa aakííwa: “Iihtsipáítapiiyoʼpa kítaiitaʼpaanikka kitááhkssawohtsoyssoaawayi kanáíistsimiksi annó pisátsiʼnssimaani?” 2 Amá aakííwa iitáánistsiiwayi amí piksííksiinaawa: “Nitáakohkottohtsoyihpinnaana óyʼssataiksi miistsííksi annó pisátsiʼnssimaani. 3 Iihtsipáítapiiyoʼpa nóóhkohtsiʼpoyiwa ámohka óyʼssatawa miistsísi itssitókstsiiwa pisátsiʼnssimaani áániiwa: ʼMínohtsoyik, saa, míniksiinik, tsááhtaoʼ kitáaksiʼnihpoaawa.ʼ” 4 Amá piksííksiinaawa iitáánistsiiwayi aakíiwa: “Kimáátáaksi’nihpoaawa. 5 Iihtsipáítapiiyoʼpa issksínima ánni ksiistsikóyi áóʼohtsoyiiniki, koápsspiksoaawayi áakitsikáyinnaayaawa ki kitáakiʼtomaanistsspoaawa Iihtsipáítapiiyoʼpa, kitáakitssksiniiʼpoaaawa sokáʼpiiwa ki makáʼpiiwa.” 6 Ámohka aakííwa káátanistsssaʼtsima ámohka miistsísi otáakohkottohtsoyssi ki otayáíssaʼtsiʼsi iitsitotóítsiihtaawa, áa, iikááhsinaamma ámohka miistsísi. Stámohtsitoyʼssiwa ki iitohtómatapióoyiwa. Máátsiistapisamowa ohkáttohtsitsiisoyiiwa óomi stámohkáttohtomatapioóyiwa. 19 Kosstoksísi kitáakohtáísaikinnssi kitááhkáóhkooyssi napayíni kitáakonawáísskitapoowa ksááhkoyi, kitohtáʼpistotookoo. Ksááhkoyi kitanistápssi ki ksááhkoyi kitáaksskitapoowa.” 23 Iihtsipáítapiiyoʼpa Jehovah káátohtssáípoʼtoyiiwaiksi ánnihka matsowáʼpiʼnssimaani Eʼden ááhkitáípahkimiksiʼsi ksááhkoyi áóhtoʼtoohpi. 24 Nínaawa káátohtssáísskoyiiwa, ki ámoksska sspípoyiiksi naatoyítapiiksi iitsitsípoʼtoyiiwaiksi iihtsináápoohtsi ámohka iitáíʼnssimaoʼpi Eʼden ki ámohka áóʼtakohpiʼwa áóhpakoyiʼsoyiwa innísttoana iihtáísskskaʼtsiiʼpa iihtáómanistáípaitapiiyoʼpa miistsísi.