John

21 Martha iitáánistsiiwáyi Jesus: “Áókakihtsimawa, ikkamítaʼpaissiiniki, níʼsa máátáaksiʼniwa. 22 Nóóhkssksiniiʼpa ánnohk kitáókamanistahpi Iihtsipáítapiiyoʼpa, Iihtsipáítapiiyoʼpa kitáakohkokka.” 23 Jesus áánistsiiwáyi: “Kíʼsa áaksipowaoowa.” 24 Martha áánistsiiwáyi: “Nítssksiniiʼpa otáaksipowaoohsi áóʼtstsissi issksipáítapiiyssini ánnikaaki sakóíksistsikoyi.” 25 Jesus áánistsiiwáyi: “Niistowánnakaoʼka issksipáítapiiyssini ki ipáítapiiyssini. Ánnahka áwaiʼstamáttstohkiwa otsitáómaiʼtakssi niistówa, imáksiʼnisi, áakssksipáítapiiwa. 38 Jesus otáíʼtoʼtoohsi otsitáakihtsaahpi, máttsitsíítaakayaaminiwa. Anistápiiwa áátanoʼtsiiʼpi ááksiʼksaahkoyi, ki óóhkotoki iihtsóʼkiiʼpa. 39 Jesus áániiwa: “Aanistápiipoʼtsit óóhkotoki.” Annáma iʼníwa osskáni Martha áánistsiiwáyi: “Áókakihtsimawa, ánnohk ohtsisóíksistsikoyi ááhksikkáóksimimma.” 40 Jesus áánistsiiwáyi: “Kitáánistohpi ikkamitáómaiʼtakiiniki kitáakssksiniiʼpa Iihtsipáítapiiyoʼpa otánistsskonátaʼpsspi?” 41 Sotamáánistapiipoʼtsimiaawa óóhkotoki. Jesus iitsspsssápiwa ki iitáániiwa: “Nínna, nitsiikohtááhsiʼtaki kitsííyoohtookssi. 42 Niitsííwa, nítssksiniiʼpa kitááhsayoohtooki; nóóhkohtsiʼpoyi ámoksi akáítapiiksi iitáʼpaipoyiiksi, ááhkitomaiʼtsiʼsaawa kitssksksímokssi.” 43 Otáánistooʼsi ámostsska, iitssóhkowaaniiwa: “Laz′a·rus, saksít!” 44 Ámohka nínaawa iʼníwa iihtsisóómooniiʼpa ohkátsistsi ki oʼtsíistsi ki osstoksísi nááipisstsiwa. Jesus áánistsiiwaiksi: “Aapóʼtoos ki ipóʼtoos.”