John

17 Jesus iihtsí’poyiwa ámostsska, ki iitsitápsspsssapiwa sspóóhtsi, iitáániiwa: “Nínna, ákao’tstsiiwa o’takóóhsini. Iní’stotoos kohkówa, kohkòwa kitáakitssksipo’tsiní’stotooka, 2 ni’tóyi kitánistohkotáhsi ááhkáókakihtsimatahsi kanáítapii, ááhkitohkotáhsaiksi omanistáípaitapiiyssini ánniksska kitohkotahpiksi. 3 Ámohka anistápanissina omanistáípaitapiiyssini, kitááhkssksinoahsi, niʼtsitáíkamoʼtsitapiwa Iihtsipáítapiiyoʼpa, ki annáhka kitsskssksímawa, Jesus Christ. 4 Kitsítsini’stotoo annó ksááhkoyi, nitsíksistá’po’tsii’pa áʼpoʼtakssini kítohkokkihpi. 14 Nitohkotáyaawa kitsiʼpówahsini, ótapiʼsina noohkohtáíkaimmiiyaawa otssawáítsinssaawa otánistaʼpaissaawa ótapiʼsina, niʼtóyi máátohkattáítsinaʼpaisspa otánistaʼpaissaawa ótapiʼsina . 17 Iihtáátowaʼpistotoosaawa ikámoʼtapiiwa; kitsiʼpówahsini ikámoʼtapiiwa. 26 Nitohtsíínapsskoayaawa kitsínihkaʼsimi ki nitáakomanistohtáyiinapsskoayaawa, kitáakohkattsitáwaakomimmayaawa niʼtóyi kitánistáwaakomimmokihpi ki niistówa nitáakiʼtomanistáísskskaʼtakihpinnaana.”