Ka kɛ yen tuma bɛɛ, o ka ɲi sa!
1 San tan-tan caman kɔnɔ, an balimaw caman minnu bɛ Erɔpe kɔrɔn yanfan na, u tun balila kɛnɛ kan lajɛ la. I miiri u ka nisɔndiya la tuma min na sariyaw wulila, sariya minnu tun b’u bali k’o kɛ, ani k’u sera ka ɲɔgɔn lajɛ hɔrɔnya kɔnɔ!
2 Kafo lakɔlɔsibaga dɔ taara bɔ jɛkulu dɔ la. A y’a sɛbɛn ko: “Taratadon wuladafɛ, k’a sɔrɔ n’ tun setɔ bɛɛ tun don o yɔrɔ la, so kalayalan tiɲɛna. Kɛnɛ ma, nɛnɛ hakɛ tun bɛ fo 0 (fu) la Sɛlsus ka jate la, so kɔnɔ a hakɛ tun bɛ 5 ɲɔgɔn dɔrɔn na. Balimaw tun sigilen bɛ n’u ka nɛnɛfiniw, u ka disaw, u ka tɛgɛlakanafɛnw, u ka fugulaw ani u ka bɔtisabaraw ye. Mɔgɔ si tun tɛ se ka tɛmɛsiraw lajɛ Bibulu kɔnɔ, katuguni u si tun tɛ se k’a ɲɛw yɛlɛma. Ne jɔlen banbali kan ni n’ ka kɔnpilɛ ye, nɛnɛ bɛ ne na fo ka se n’ kolow ma. Ni ne tun bɛ kuma tuma o tuma, ne tun bɛ se ka n’ dafiɲɛ ye. Nka, min balala ne na kosɛbɛ, o ye ko makasi kuma hali kelen ma mɛn. Balimaw bɛɛ tun y’a fɔ k’a ka ɲi ani ko koɲuman don sa u ka kɛ lajɛ la!” A miiri yɛrɛ tun ma na o balima ninnu na ka lajɛw jɛ!
3 Yali an bɛ miiri o cogo de la wa? Cogo min b’an bolo k’an lajɛ hɔrɔnya kɔnɔ, yali an b’o cogo kanu wa? Walima an bɛ kɛ lajɛw la dɔrɔn tuma min na cogo ka ɲi wa? A bɛ se ka kɛ k’a man nɔgɔn ka kɛ lajɛw la tuma bɛɛ. Waati dɔw bɛ se ka kɛ ko dalilu bɛnnen b’an bolo min b’a to an tɛ kɛ lajɛ la. Nka, i kana ɲinɛ k’an cɛla mɔgɔw bɛ yen minnu n’u ka kɔrɔya bɛɛ, an’u ka bana juguw bɛɛ, n’u ka farikolo dɛsɛkow bɛɛ, n’u ka baarabolodali cogo gɛlɛnw bɛɛ, an’u ka jɔyɔrɔ baara bonya bɛɛ, u bɛ lajɛw nafa dɔn. Wa lajɛ minnu bɛ fɔ u kɔ, o lajɛw ka dɔgɔ kosɛbɛ. An bolo, olu ye ɲɛjirabaga ɲumanw ye tugu ka kan ka kɛ minnu kɔ dɛ!—A suma ni Luka 2:37nan ye.
4 An k’a kɛ an delinako ye ka bato kɔkɔrɔmadondo an kɛtɔ ka kɛ an ka Krecɛn lajɛw bɛɛ la, k’a ta gafe kalan kulu fitinin ma ka na jamalajɛbaw la. Ka kɛ lajɛw la, mun na an ka kan k’o ta sɛbɛko ye? Bawo, k’an lajɛ ɲɔgɔn fɛ, o ye Ala ka ci ye. Nka, kun nafama wɛrɛw bɛ yen. An bɛɛ mago b’a la ka kodumanw sɔrɔ kalan na min bɛ bɔ Ala yɔrɔ, ani hakili senu ka dɛmɛ na, an bɛ o minnu sɔrɔ lajɛw la (Mat. 18:20). An bɛɛ bɛ sabati an ka dusulamin fɛ, an bɛ o min kɛ an ni ɲɔgɔn cɛ tuma min na an n’an balimaw bɛ lajɛ ɲɔgɔn fɛ.—Heb. 10:24, 25.
5 Yesu cogo yɛlɛmani senfɛ, Piɛrɛ y’a fɔ ko: “Karamɔgɔ, an ka kɛ yan, o ka ɲi.” (Luk. 9:33) An ka kan k’o dusukunnata ɲɔgɔn de sɔrɔ ka ɲɛsin an ka Krecɛn lajɛw ma. Tiɲɛ na, koɲuman don dɛ ka kɛ lajɛw la tuma bɛɛ!