Baara teliman min ye kalandenw kɛli ye, o ɲɛtaa yecogo

¹ Sanni a ka bɔ dugukolo kan, Yesu ye ci fɔ a nɔfɛmɔgɔw ye k’u ka “taa siyaw bɛɛ kɛ kalandenw ye.” O b’a wajibiya u ma ka caman kɛ waajuli ni mɔgɔw kalanni na ani k’u ka baara lase dugukolo mɔgɔma yɔrɔ bɛɛ la. (Mat. 28:19, 20; Kɛw. 1:8) U ɲɛ na, yali nin ci tun ye doni girinmanba ye wa​—min tali ka gɛlɛn? Ayi, ka kɛɲɛ ni ciden Yuhana ka kuma ye. A kɛlen kɔ ka san 65 kɛ kalandenw kɛli la, a y’a sɛbɛn ko: “Ka Ala kanu o ye nin de ye, an ka a ka ci fɔlenw mara; A ka ciw man gɛlɛn.”​—1 Yuh. 5:3.

² Sɛbɛnniw ye dantigɛli kuma min kɛ Krecɛn fɔlɔw ka baara kan, o b’a jira k’u ye baara kɛ teliya la ka ɲɛsin u ka ci ma min ye ka kalandenw kɛ Yesu Krista ye. (2 Tim. 4:​1, 2) U m’o kɛ dɔrɔn ko u ka ci don, nka, u y’a kɛ k’a masɔrɔ a nege tun b’u la ka Ala tanu ni kanuya ye ani ka kisili jigi lase tɔw ma. (Kɛw. 13:47-49) Minnu bɛ kɛ kalandenw ye, u bɛɛ bɛ tila ka kɛ kalandenw kɛbagaw ye, o de kosɔn Krecɛnw ka jɛkulu bonyara joona san kɛmɛ fɔlɔ la.​—Kɛw. 5:14; 6:7; 16:5.

³ Kalanden-kɛli baara lateliyali: Tuma bɛɛ la kalanden-kɛli baaraw bɛɛ la belebele, o b’a la ka timɛ nin san kɛmɛ 20nan kɔnɔ! O de la, mɔgɔ miliyɔn yirika sɔnna kibaru duman na ani ka den. (Luka 8:15) Ikomi sisan kow sigicogo ka waati b’a la ka tɛmɛ joona, “jɔnkɛ dannamɔgɔ hakilima” ye minɛnw di an ma, minɛn minnu bɛ se k’a to dusu jɛlentigiw ka tiɲɛ dɔn joona.​—Mat. 24:⁠45.

⁴ San 1995nan kɔnɔna na, an ye La connaissance qui mène à la vie éternelle gafe sɔrɔ, o kɔ, Ala bɛ mun wajibiya an ma? gafenin tugura o la san 1996nan kɔnɔna na. San 1996 Zanwuyekalo tile 15 La Tour de Garde bɔko y’a fɔ Connaissance gafe ko la a ɲɛ 14nan ko: “Nin ɲɛ 192 gafe bɛ se ka kalan waati kuntaala surun kɔnɔ, wa mɔgɔ ‘minnu labɛnnen don balo banbali sɔrɔli kama’, olu bɛ se ka fɛn caman dɔn a kalanni fɛ walisa u k’u yɛrɛ latɛmɛ Jehowa ma ani ka batise.”​—Kɛw. 13:48, LK.

⁵ San 1996 Zuwɛnkalo Le Ministère du Royaume ka farankan, “Comment faire des disciples avec le livre Connaissance,” o tun ye nin kuntilenna di an ma ko: “Ka kɛɲɛ ni kow cogoyaw ni kalanden se ye, aw bɛ se ka masalakun damadɔw kɛ siɲɛ kelen na waati kelen ɲɔgɔn kɔnɔna na, k’a sɔrɔ kalan ma kɛ harabaharaba la. Kalandenw na taa ɲɛ koɲuman ni karamɔgɔ ni kalanden fila bɛɛ b’u ka ɲɔgɔn kunbɛn waati labato dɔgɔkun o dɔgɔkun kalan kama.” Barokun bɛ taa ɲɛ k’a fɔ ko: “Taalen ɲɛ, mɔgɔ min tilala Connaissance gafe kalanni na, sigi bɛ se ka kɛ n’a ye k’o tigi ka kɔnɔnajɛya ani a magodonni dunba Ala ka baara la, olu ka kan ka ye kɛnɛ kan.” Réponse à vos questions min bɛ sɔrɔ san 1996 Ɔkutɔburukalo ka Le Ministère du Royaume kɔnɔ, o b’a ɲɛfɔ ko: “Sigi kɛlen bɛ n’a ye ko waati kuntaala surun kɔnɔna, karamɔgɔ ɲuman na se ka kalanden hakili mankan tigi kɔnɔnajɛ dɛmɛ a ka dɔnniya sɔrɔ min bɛ bɔli kɛ walisa o k’a bila k’a sugandi ni hakilitigiya ye ka baara kɛ Jehowa ye.”

⁶ Nafa sɔrɔla Connaissance gafe la: Muso misɛn dɔ ka batɛmu senfɛ, a tun bɛ min miiri Connaissance gafe kalanni ko la, a y’o ɲɛfɔ. Waati jan tɛmɛnen dɔ kɔnɔna na, a tun ye Nyɛnamaya fɔ abada gafe kalan ani k’i wasa don a sɛgɛsɛgɛli la dɔɔnin dɔɔnin. Tuma min na Connaissance gafe bɔra, balimamuso min b’a ka kalan kɛ, o ye kalan yɛlɛma gafe kura kan. O yɔrɔnin bɛɛ la kalanden y’a ye k’o na ko latigɛ wajibiya a ma, ani a tun ye dusu sɔrɔ ka ɲɛtaawale telimanw kɛ o ko la. Muso misɛn in, sisan an balimamuso don, o ko: “Nyɛnamaya fɔ abada gafe ye ne dɛmɛ ka Jehowa kanu, nka Connaissance gafe ye ne dɛmɛ k’a latigɛ ka baara kɛ Jehowa ye.”

⁷ Muso wɛrɛ ye tiɲɛ dɔn joona cogo min na, a’ ye o kɔlɔsi. A ka kalan filanan kɔfɛ, a taara lajɛ la Masaya So kɔnɔ kafo lakɔlɔsibaga ka bɔnye senfɛ. O dɔgɔkun kɔnɔ, a ka kalan sabanan senfɛ, a y’a fɔ a ye k’a y’a latigɛ k’a yɛrɛ latɛmɛ Jehowa ma ani k’a b’a fɛ ka kɛ weleweledala batisebali ye. A ni maakɔrɔw ye ɲɔgɔnye kɛ, wa u jɛnn’ a ma a ka kɛ weleweledala ye, ani o kɔfɛ dɔgɔkun na a ye foro kɔnɔ baara daminɛ. Bibulu kalan diya kojugu kosɔn, a ye baarakɛbaliya yamaruya ta a ka baarakɛyɔrɔ la walisa a ka se ka kalan kɛ siɲɛ fila wala saba dɔgɔkun kɔnɔ ani ka waati caman kɛ cidenyabaara la. Balimamuso min tun b’a ka kalan kɛ, o tun tɛ sɔn ka kalan kɛ ni kalanden ye k’a sɔrɔ a ma jaabi kɔrɔci ani n’a ma kɔn ka sɛbɛnniw lajɛ. Siɲɛ dɔw la, u bɛ masalakun fila wala saba kɛ ɲɔgɔn fɛ. A ye ɲɛtaa telimanw kɛ a ka ɲɛnamaya kow bɛɛ la, ka Connaissance gafe ban dɔgɔkun naani kɔnɔ, ani k’a kunda batɛmu kan!

⁸ Balimamuso furukɛ b’a yɛrɛ kofɔ iko “furuɲɔgɔn dannabali tigitigi ye.” Don dɔ la, balimakɛ dɔ ye Bibulu kalan kofɔ a ye Connaissance gafe kan, ka tila k’a fɔ a ye k’a bɛ se k’a dabila kalan fɔlɔ kɔfɛ wala waati wɛrɛ la o kɔfɛ. Furukɛ sɔnna k’a sifilɛ, hali k’a sɔrɔ a ma kɛ kalanden ɲuman ye a ka denmisɛnya la, ani hali k’a sɔrɔ a ma diinɛ gafe si kalan kabini san 20. Mun bɔra a ka Connaissance gafe kalanni na? A ko: “Diya lakika don ka nin Bibulu dɛmɛnan in sɔrɔ min sɛbɛnnen don ni nin nɔgɔya sugu ye. Kunnafoniw dilen bɛ ni jɛlenya ye ani cogo faamuta la. O de kosɔn, sanni tuma jan cɛ ne tun bɛ kɔrɔtɔ kosɛbɛ an ka kalan nata la. Kalanden kɛcogo min dira Tɔn fɛ, n’ karamɔgɔ tugura o la ni kisɛya ye, ani Jehowa ka hakili ka dɛmɛ barika la, n’ batisera kalo naani o kɔfɛ. Tiɲɛ na n’ bɛ se k’a fɔ ko n’an bɛ kalanden kɛcogo kanuya yiriwa an dusukun na, ka taa’ fɛ ka dusu tilennen tigiw ɲini foro kɔnɔ cidenyabaara senfɛ, ka baara kɛ ni Connaissance gafe ye ka fara Bibulu dɛmɛnanw kan minnu dira Tɔn fɛ ani, min ka bon n’o bɛɛ ye, n’an bɛ delili kɛ Jehowa ka bilasirali ko la, kalanden kɛli baara dɛmɛni na kɛ an bolo bonya kɛrɛnkɛrɛnnenba ye.” O bɛɛ n’a ta, an bɔra ka min fɔ, o bɛɛ ye kabakow ye tiɲɛ na. An ka kalandenw na caman tɛ sɔn tiɲɛ na ni nin teliya sugu ye.

⁹ Kalandenw ka ɲɛtaa teliya hakɛ danfaralen don: A ka kan ka dɔn ko danfaraba de bɛ Ala ka Kuma karamɔgɔw n’a kalandenw fila bɛɛ semakow la. Ka mɔ hakili ta fan fɛ, o bɛ se ka diya wala ka goya. Kalanden dɔw bɛɛ waati janba min kɛ ka taa ɲɛ, dɔ wɛrɛw b’o kɛ kalo damadɔw dɔrɔn kɔnɔ. Ka mɔ hakili ta fan fɛ, o dɛnnen bɛ mɔgɔ ladamuli yɔrɔ la, ani a ka waleɲumandɔn hakɛ la ka ɲɛsin alako ma ka fara a nɔrɔli dunba kan Jehowa la. Mɔgɔ o mɔgɔ min bɛ kalan kɛ an fɛ olu bɛɛ tɛ Sɛbɛnniw kalan don o don “ni diyanye ye”, iko Berekaw tun y’a kɛ cogo min na ka kɛ dannabagaw ye.​—Kɛw. 17:11, 12.

¹⁰ O de kosɔn, san 1998 Awirilikalo ka An ka Masaya Cidenyabaara ka farankan, “Mago jɔlen bɛ Bibulu kalan caman na,” o bɛ nin kuntilenna di ko: “Tiɲɛ don, mɔgɔ minnu bɛ Bibulu kalan, olu bɛɛ tɛ ɲɛtaa sɔrɔ teliya hakɛ kelen na. Dɔw ka alako man bon wala u bɛ kalan min na u t’o faamuya joona. Dɔ wɛrɛw bɛ girin na u ka ɲɛnamaya kɔnɔ, o kosɔn laala u tɛ se ka waati sɔrɔ min bɛ labɔli kɛ walisa ka masalakun dafalen kalan dɔgɔkun o dɔgɔkun. O kama, tuma dɔw la masalakun dɔw bɛ se ka kalan siɲɛ caman ani gafe labanni bɛ se ka kalo caman wɛrɛw wajibiya.”

¹¹ Kalanden kɛbagaw bɛ ni hakilina bɛrɛmakɛɲɛnen ye: N’a bɛ an hakili la ka dɔ ka kalan laban joona, a wajibiyalen don ka kalan teliya hakɛ jateminɛ ka kɛɲɛ ni kow cogoyaw ni kalanden se ye. Ikomi a ɲininen b’an fɛ ka kalanw daminɛ Wajibiya gafenin kan, o bɛ se ka kalo fila wala saba ta sanni ka yɛlɛma Connaissance gafe kan. Hakilina minnu dira san 1996 Zuwɛnkalo Le Ministère du Royaume ka farankan kɔnɔ, n’an y’u bɛɛ sirataama, Connaissance gafe timɛli bɛ se ka kalo wɔɔrɔ fo kɔnɔntɔn ta. Ni kalan daminɛna Connaissance gafe kan ani n’a bɛ taa ɲɛ koɲuman, nafa bɛ se ka ye Wajibiya gafenin kalanni na gafe bannen kɔ, ka segin teliya la Ala ka Kuma kɔnɔ tiɲɛ jujɔmaw kan. Fan wɛrɛ fɛ, an t’a fɛ ka kalanden bali ka dɔnniya jɔnjɔn sɔrɔ teliya kojugu kosɔn. Kalanden kelen-kelen bɛɛ mago bɛ jujɔ kologɛlɛn na a ka limaniya kura ko la ka ɲɛsin Ala ka Kuma ma.

¹² An bɛ waati yɔrɔ min na sisan, ikomi o dɔnnen don an fɛ, tɔw dɛmɛni ka tiɲɛ kalan, o ye ko teliman ye ka tɛmɛ fɔlɔ kan. Ka fara o kan, k’an to delili la walisa ka Bibulu kalan kuraw daminɛ, an ka delili kɛ mɔgɔw ye an ni minnu bɛ Bibulu kalan na ka kɔrɔ. O kɔ, ka taa’ fɛ ka kalanden caman batise “don o don fo nin diɲɛ ka ban,” o na kɛ an bolo nisɔndiya ko ye.​—Mat. 28:20.