Lakɔlɔsibagaw bɛ ɲɛmɔgɔya ta—Baara lakɔlɔsibaga

¹ Baara lakɔlɔsibaga b’a mago don kosɛbɛ fɛn o fɛn na n’a sirilen don kibaru duman fɔli baara ka ɲɛtaa ma jɛkulu ka danyɔrɔ kalifalen na. O la, a bɛ jɔda ɲɛnama na min ye k’an dɛmɛ k’an jɔyɔrɔ fa kibaru duman waajuli la. Iko kibaru duman fɔbaga timinandi, a bɛ ɲɛmɔgɔya ta baara bɛɛ labɛnni kama, baara min ɲɛsinnen don waajuli ma. Iko karamɔgɔ senkola, a bɛ weleweledalaw bɛɛ kelen-kelen dɛmɛ ka dɔ fara u ka cidenyabaara ɲɛli kan.—Efe. 4:11, 12.

² O maakɔrɔ in de bɛ cidenyabaara magannaw ka ciya lakɔlɔsi, i n’a fɔ minnu bɛ gafew ni sɔn-ni-sɔn gafeninw ni danyɔrɔw kunna. Ale de ka jɔyɔrɔ don k’a dɔn ni gafew ni sɔn-ni-sɔn gafeninw ni sɛbɛnfuraw bɛ sɔrɔ kalo o kalo an mago ɲɛ kama. Siɲɛ kelen san kɔnɔ, a bɛ danyɔrɔ ka sɛbɛnw lajɛ ko kura; a bɛ sow bɛɛ lasaa, a tun fɔra an ye k’an kana taa bɔ yɔrɔ minnu na, o kɔ a b’u kalifa balimakɛ senkolaw ma u ka taa bɔ yen duw kɔnɔ.

³ Baara lakɔlɔsibaga de ka jɔyɔrɔ don ka waajuli cogo sugu caman lakɔlɔsi jagokɛyɔrɔw ni sirabaw kan ka fara nɛgɛjurusira fɛ waajuli kan. A cɛsirilen bɛ ka ɲɔgɔn-kunbɛn nɔgɔnmanw labɛn baarako lajɛw kama dɔgɔkun kɔnɔna na, hali sɛgɛnnafiyɛn donw na. A b’a jira ni kɔnɔnajɛya ye k’a b’a mago don Bibulu kalan baara la. A bɛ dabaliw ɲini ka alako dɛmɛ di mɔgɔw ma minnu kɛra basigibaliw ye wala walekɛbaliw ye cidenyabaara la. Tutigɛbagaw ka baara ye a kunkanko ye, ani a bɛ Tutigɛbagaw bɛ tɔw dɛmɛ bolodasira lakɔlɔsi.

⁴ Ikomi a ye Jɛkulu ka Baara Kulunin mɔgɔ ye, baara lakɔlɔsibaga bɛ yɛlɛmaw dajira, yɛlɛma minnu ka kan ka kɛ Jɛkulu ka Gafe Kalan kuluw la. Tuma min na a bɛ taa bɔ i ka kulu ye, i gɛlɛya ka kɛ jama la ani e n’ale k’aw ni don foro baara la ɲɔgɔn fɛ.

⁵ Jɛkulu kɔnɔ mɔgɔw bɛɛ ka kan k’a bɔ u yɛrɛ la ka jɛ-ka-baara kɛ ka bɛn baara lakɔlɔsibaga ka ɲɛmɔgɔya tali ma. O n’an dɛmɛ ka dɔ fara an ka senkolayali kan kalanden-kɛcogo baara la ani ka nisɔndiyaba sɔrɔ an ka cidenyabaara la.