Denbayatigiw-Aw ka delinako ɲumanw mara alako fan fɛ
1 A mɛnna cogo o cogo Babilɔnɛ ka bolibato n’a ka tolilenya cɛma, Daniɛl tun kodɔnna a ka “tuma bɛɛ” baara kosɔn Jehowa ye. (Dan.6:16, 20) A sera cogo di k’a ka alamɔgɔya mara? Bibulu b’a jira ko a ye alabato lakika baaraw kɛ a deliko ye, k’u sigi u nɔ na. Misali la, k’a to a ka sankanso kɔnɔ, a tun bɛ deli ka seli siɲɛ saba tile kɔnɔ. (Dan. 6:10) Siga t’a la, a tun ye alako tɔw fana kɛcogoya jɔnjɔn sigi, i n’a fɔ sariya kalanni. O cogo de la, tuma min na a ka ɲɛnamaya tun bɛ kojugu dafɛ, Daniɛl nɔrɔlen tora Jehowa la. A ka limaniya ma yigiyaga, wa a kisira o tɔɔrɔ ma dakabana cogoya la.—Dan. 6:4-22.
2 O cogo kelen fana na bi, an ka kan k’an jija ‘k’an ɲɛ jo ni timinandiya bɛɛ ye.’ (Efesekaw. 6:18) An bɛ diɲɛ min kɔnɔ, o “bɛ Sitanɛ fanga kɔrɔ.” (1 Yuhana 5:19) Banamini kow ni gɛlɛya bɛ se ka poyi, k’an ka limaniya bila kɔrɔbɔli la. Kasaraba tuma, Magog ka Gog bɛna Jehowa ka baarakɛlaw kɛlɛ, kɛlɛcogo bɛɛ la, fo a bɛ kɛ i n’a fɔ, tilacogo tɛ u bolo. A bɛna kɛ waajibi ye an ka dannaya dafalen ta ka ɲɛsin Jehowa ma o don.—Eze. 38:14-16.
3 “O dannaya sɔrɔcogo kɛrɛnkɛrɛnnen dɔ la kelen ye, Bibulu kalanjɛ ye, a n’a sɛgɛsɛgɛli, ani ka ɲɛfɔli baro kɛ deliko ye an ka denbaya kɔnɔ.” O kumaw tun bɛ sɔrɔ, san 1998 kafoba ka lajɛ kɔtɛba kuma fɔlɔw kɔnɔ. O kɔtɛba tɔgɔ tun ye ko: “Denbayaw—Aw ka don o don Bibulu kalan kɛ aw delinako ye!” Nin fana tun fɔra: “Denbayaw, n’aw tugura o kalan bolodalen sugu la tuma bɛɛ, k’o kɛ aw delinako ye; n’aw bɛ o kɛ cogo la min bɛ Ala ka kuma kɛ fɛn ɲɛnama ye, ka Bibulu sen don aw ka hadamadenya kɛcogo la don o don, aw bɛ se ka nafabaw sɔrɔ o kow la. Bibulu kalan matarafali bɛ dɔ fara an ka dɔnniya kan, ka an ka limaniya kologɛlɛya. A bɛ ɲɛjiralanw jira an na, an ka kan ka tugu minnu kɔ, lawale cɛw ni musow minnu ka limaniya tun ka bon kosɛbɛ. O mɔgɔ ninnu bɛ se ka dusu don an kɔnɔ, k’an bila an ka tiɲɛ lafasa.” Sisan, an bɛna a alamɔgɔya damadɔw lajɛ minnu bɛ se ka kɛ deliko ye. Denbayatigiw ka kan o la, ka yɔrɔ kelen wala fila jateminɛ, ka hakilijagabɔ kɛ o kan walisa ka faamu cogo min na o bɛ se ka u ka denbaya ka alamɔgɔya bolodalen yɔrɔw ɲɛ.
4 Aw ka Ala ka kuma mafilɛ don o don: “Tuma min Ala ka masaya bɛna a ka fanga boli, ka Ala sago kɛ dugukolo kan i na a fɔ a bɛ kɛ cogo min na sankolo la, k’a sɔrɔ mɔgɔ si m’i banamini a ɲɛ, o tuma la, kojugukɛla si— hali bagan si— ‘tɛna tɔɔrɔ wala tiyɛnni kɛ.’ (Esa. 11:9; Mat. 6:9, 10)” Nin kumaw bɛ sɔrɔ Examinons les Écritures chaque jour—san 2001 Sɛtanburukalo tile 11 ɲɛfɔliw kɔnɔ. Yali nin tun tɛ hakilijigin kuma ye, min bɛ mɔgɔ dusu saalo wa? Aw minnu ye denbaya ɲɛmɔgɔw ye, yali aw deliko don ka Bibulu tɛmɛsira ta, ka ɲɛfɔliw kalan ni aw ka denbaya ye wa? O nafa bonya tɛ fɔ ka ban. Ni a ka gɛlɛn, aw ma, k’o kɛ sɔgɔmada fɛ, aw bɛ se ka waati wɛrɛ sɔrɔ tile tɔ kɔnɔ. Denfa dɔ ye nin fɔ:“Surɔfana tuma ye waati bɛnnen ye an fɛ ka masala texte du jour kan.”
5 Ni deliko don ka masala texte du jour kan i ka denbaya kɔnɔ, i ka kan ka fo. Laala, i bɛ se ka dɔ fara o kan ni Bibulu yɔrɔ dɔ kalanni ye. Texte du jour bɛ bɔ suran min kɔnɔ, dɔw y’a kɛ u deliko ye ka o Bibulu suran bɛɛ kalan. Dɔw bɛ Bibulu fan dɔ sugandi, ka to k’o kalan ka taa a fɛ. Aw bɛ Bibulu kalan min kɛ don o don, o bɛna i ka denbaya dɛmɛ a ka alaɲɛsiran sɛnɛ a yɛrɛ la, ala-ɲɛsiran min bɛ mɔgɔ kisi. Ani fana, Ala-sago-kɛ nege min bɛ i ka denbaya mɔgɔw la, o nege barika bɛ bonya. —Dut. 17:18-20.
6 Don o don Bibulu kalan bolodalen ani texte du jour masalaw nafa bɛ se ka bonya ni aw bɛ sanga damadɔw labila walisa ka kuma, o kalanw kɔnɔkow sirataama cogo n’u nafa kan. École du ministère kitabu b’a fɔ, a ɲɛ 60 nan na ko:“Kalan min bɛ kɛ dɔgɔkun kɔnɔ, aw bɛ se ka . . . o tɛmɛsira dɔw sugandi, ka baro kɛ o kɔrɔ kan, ka tila ka ɲininkali dɔw lawuli, i n’a fɔ ko:‘Nin bɛ sira jira an na cogo di? An bɛ se ka nin tɛmɛsiraw ta ka baara kɛ n’u ye foro kɔnɔ cogo di? U bɛ mun jira an na Jehowa ko la? U bɛ mun jira an na a ka kow kɛcogo la? Cogo di o b’a to Jehowa kanu barika bɛ bonya ka sinsin an kɔnɔ?’ ” O ɲɔgɔnna alako-barow na denbaya mɔgɔ kelen-kelen bɛɛ dɛmɛ ka “taa a fɛ, u k’a faamuya Jehowa sago ye min ye.”—Eph. 5:17.
7 Denbaya ka Bibulu kalan bolodalen: Ka denbaya ka Bibulu kalan matarafa dɔgɔkun o dɔgɔkun, o ye kɛcogo ɲuman ye denbatigiw bolo. U b’a jira u denw la, ko alako bɛ ko tɔw bɛɛ ɲɛfɛ. Funankɛ dɔ hakili jiginna a la k’a fɔ ko: “Tuma dɔw la baaba sɛgɛn kojugu fɛ, ni a tun nana ka bɔ baara yɔrɔ la, a tun ma nɔgɔ a ma ka to ɲɛ na, o bɛɛ n’a ta kalan tun bɛ kɛ. O ye an dɛmɛ, k’a faamuya ko kalan ko in tun tɛ tulonkɛ ko ye.” Du denmisɛnniw bɛ se ka u jɔyɔrɔ fa walisa denbaya ka Bibulu kalan ka ɲɛ sɔrɔ. Misali la, den kɔnɔntɔn tun bɛ denbaya dɔ kɔnɔ. U tun bɛ deli ka wuli sɔgɔma joona, nɛgɛ kanɲɛ 5 la, walisa ka kalan kɛ ɲɔgɔn fɛ, bawo a tun tɛ se ka masɔrɔ waati wɛrɛ la.
8 Walisa denbaya ka Bibulu kalan bolodalen ka kɛ ko sabatilen ye, denbatigi ka kan, ‘k’a janto tuma bɛɛ a ka kalan kɛcogo la.’(1 Tim. 4:16.) École du ministère kitabu b’a fɔ a ɲɛ 32 nan na ko: “Cogo dɔ la a bɛ se ka fɔ, ko denbaya ka Bibulu kalan ko ɲuman bɛ daminɛ n’i denbaya mɔgɔw yɛrɛ sɛgɛsɛgɛli ye fɔlɔ, ka u magow dɔn alako ta fan fɛ. I ka denbaya kɔnɔmɔgɔw bɛ ka taa ɲɛ alamɔgɔya sira kan cogo di? . . . Tuma min na i n’i denw bɛ foro kɔnɔ waajuli la, yali a ka di u ye, k’u yɛrɛ jira u tɔɲɔgɔnw na iko Jehowa seerew wa? Yali aw ka denbaya ka Bibulu kalan bolodalen bɛ u nisɔndiya wa? Yali tiyɛn na, u bɛ ka Jehowa ka siraw kɛ u ka ɲɛnamaya taabolo ye wa? Ni a ye nin kow mafilɛ ni ɲɛmajɔ ye, denbayatigi bɛna a ye, a ka kan ka min kɛ walisa a ka denbaya kɔnɔmɔgɔ kelen-kelen bɛɛ ka alako ka basigi, k’a sinsin.
9 Jɛkulu ka lajɛw: Ka lajɛw labɛn ani ka na u la, o ka kan ka kɛ deliko nafaman ye dɔgɔkun kɔnɔ. (Heb. 10:24, 25) Tuma damadɔw de la, aw bɛ se ka denbaya dalajɛ ka lajɛw labɛn. Yanni aw ka waati laban kɔnɔ, mun na aw tɛ kɔn ka labɛn kɛ tuma jan? Ni o kɛcogoya kɛra deliko ye aw bolo, lajɛw labɛncogo bɛ kɛ ka ɲɛ ani fana nafa caman bɛ sɔrɔ ka bɔ u la.—Prov. 21:5.
10 Walisa alako ka ɲɛsɔrɔ i bolo, k’a kɛ deliko sabatilen ye, fo a ka kɛ ko ye, i bɛ min kɛ ka ɲɛ, tuma bɛɛ. Ni ko dɔw b’i bali dun ka lajɛw labɛn ka ɲɛ, i bɛ se ka mun kɛ? École du Ministère gafe bɛ nin fɔ, a ɲɛ 31 nan na: “I kana bin jan kɔnɔ, n’o ye, ka fɛn dɔ kɛ ten dɔrɔn, wala min ka jugu n’o fana ye, ka ban baara kɛli ma, ko i tɛ se k’a bɛɛ kɛ. Min ka fisa, o ye, k’a ɲini k’a dɔn min bɛ se ka kɛ sɛbɛ la, ani ka o kɛ ka ɲɛ. Baara kɛ o cogo la dɔgɔkun o dɔgɔkun. Waati sen fɛ, i jija ka dɔ fara i ka labɛnw hakɛ kan.”
11 Ni denbayaw bɛ kɔn ka na lajɛw la, o b’u dɛmɛ u hakili ka to, Jehowa tanuli la, ani u bɛ nafa bɔ a ka kalansiraw la. Yali o ye deliko ye i ka denbaya bolo wa? O tɛ kɛ labɛn koɲuman kɔ, wa bɛɛ ka kan k’i sen don o la. N’i y’a ye, k’i ka denbaya bɛ boli-boli la, waati bɛɛ, ko a bɛ sɛgɛn kosɛbɛ lajɛ kɛdon wulada fɛ, i tɛ kɔn ka yɛlɛma don i delikow la? Yali aw tɛ se, ka kɔn ka labɛn dɔw kɛ wa? Ni dɔ ka baara ka ca a yɛrɛ ma, yali tɔw bɛ se ka o tigi dɛmɛ wa? Yali ko min bɛ aw kɔnɔgan o bɛ nɔgɔya ni bɛɛ sera ka labɛn sanga damadɔ kɔnɔ yanni lajɛ-taa ka daminɛ wa? Kow kɛcogoɲuman bɛ bɛn sabati denbaya ani jɛkulu fila bɛɛ kɔnɔ.—1 Kɔr. 14:33, 40.
12 Foro baara: Ka waati kɛrɛnkɛrɛnnen labila wajuli kama o ye deliko ɲuman ye alako fan fɛ. Kamalennin dɔ tɔgɔ ko Giyɔmu, a hakili jiginna nin na: “An ka denbaya kɔnɔ, sibiri don tun bilara wajuli kama. O ɲɛ na ne ma haali, bawo ne y’a kɔlɔsi ko ni ne bɛ bɔ wajuli la ka caya, ne b’o nɔ ɲuman ye, ani o bɛ ne nisɔndiya.” Kerecɛn du, denmisɛn caman y’a kɔlɔsi ko ni waajulikɛ waati kɛrɛnkɛrɛnnen labilala dɔgɔkun kɔnɔ, o b’u dɛmɛ ka ɲɛtaa sɔrɔ.
13 I ka denbaya bɛ waati min labila cidenyabaara kama, dɔ bɛ se ka fara o waati diya n’a nafa kan, deliko ɲumanw sababu la. O bɛ se ka kɛ cogo jumɛn na? Zuluyekalo tile 1, san 1999 La Tour de Garde ɲɛ 21 nan la, kunnafoni bɛ a fɔ ko: “Yali tuma ni tuma, i ka denbaya ka Bibulu kalan waati , i bɛ to ka u dɛmɛ u ka dɔgɔkun wajuli kɛcogoya labɛn wa? Nafaba bɛ se ka sɔrɔ o la. (2 Timote 2:15) O bɛ se ka u dɛmɛ, u ka kun ye, u ka cidenyabaara la ani a ka yiriwa u bolo. Tuma ni tuma, aw bɛ se ka denbaya ka Bibulu kalan waati bɛ labila o labɛnni sugu kama. Nka, tuma caman na, aw bɛ se ka cidenyabaara kɛcogoyaw mafilɛ ɲɔgɔn fɛ baro kunkurunnin kɔnɔna na, denbaya ka Bibulu kalan laban na, walima waati wɛrɛ la dɔgɔkun kɔnɔ.” Yali i ka denbaya ye o lajɛ ka filɛ wa?
14 To ka taa ɲɛ : I ka denbaya ye ɲɛtaa sɔrɔ yɔrɔ minnu na, yali i ye olu jateminɛ wa? U tanu o la i k’i jija ka dɔ fara o ɲɛtaaw kan . Ni i y’a jateminɛ, k’a ye, ko i ka denbaya ka kan ka yɔrɔ caman baara, o yɔrɔ kelen, wala fila sugandi, u ka o baara fɔlɔ. Olu mana kɛ u delinakow ye tuma min na alako ta fan fɛ, yɔrɔ kelen wala fila sugandi kokura. A ɲini ka kow sigi sen kan ni hakili ye. (Filipekaw 4:4, 5) Delinako ɲumanw sabatili la i ka denbaya kɔnɔ alako ta fan fɛ, o tɛ taa cɛsiri ni jija kɔ, nka, o maganw kɛ kun bɛ, bawo Jehowa bɛ hakililatigɛ kuma fɔ an ye ko: “Min bɛ taama sira labɛnnen kan, ne na Ala ka kisili jira o la.”—Zaburu 50:23.