Ɲininkaliw Jaabi

◼ Waati jumɛn de la, a bɛnnen bɛ ka kan wɛrɛ fɔbagaw ka kulu sigi sen kan?

Ni a sɔrɔla ko kan dɔ fɔbagaw cayara jɛkulu dɔ ka waajulikɛyɔrɔ la, maakɔrɔw ka kan k’u seko bɛɛ kɛ ka waajuli boloda o kan na. (km 7/02 ɲ. 1; km 2/98 ɲ. 3-4) A bɛ se ka kɛ ko kan wɛrɛ fɔbagaw jɛnsɛnnen bɛ jɛkulu fila, wala jɛkulu caman ka waajulikɛyɔrɔ la. Ni a bɛ ten, kafo lakɔlɔsibaga (kelen, wala damadɔw) bɛ baarakɛsiraw cogo ɲɛfɔ o jɛkuluw ye, walisa u ka ɲɔgɔn dɛmɛ waajuli baara la. Tuma ni tuma, forobajɛmu, wala La Tour de Garde kalan bɛ se k’a kɛ o kan na, walisa k’a dɔn, ni a ko sigira, ka lajɛw kɛ o kan na, ni mɔgɔ caman bɛna na olu la.

Kan wɛrɛ fɔbagaw ka kulu bɛ se ka sigi sen kan ni nin cogow dafara: (1) Ni weleweledalaw, wala ni kibaru duman ka di mɔgɔ minnu ye, ni olu bɛ faamuyali sɔrɔ kosɛbɛ o kan de la. (2) Ni mɔgɔ bɛ sɔrɔ min bɛ se kosɛbɛ, a kɛra maakɔrɔ, wala cidenyabaara maganna dɔ ye, walisa ka kulu ɲɛmɔgɔya ta, ka lajɛ kelen ɲɔgɔn ɲɛminɛ dɔgɔkun kɔnɔ. (3) Ni maakɔrɔw kulu dɔ bɛ sɔn ka o kulu in kɔkɔrɔdon. Ni nin ko wajibiyalenw dafara, maakɔrɔw ka kan ka tɔn bolofara ladɔnniya walisa kulu ka sigi sen kan, ka lakodɔn tɔn fɛ.

Kuluw fanba sigili bɛ daminɛ ni dɔgɔkun gafe kalan ye. Kɔfɛ, maakɔrɔw bɛ yamaruya di walisa lajɛ wɛrɛw ka fara o kan, i na fɔ forobajɛmu, ani La Tour de Garde kalan. Kalansen 2 nan, 3 nan ni 4 nan minnu bɛ kɛ Ala-ka-marako Cidenyabaara Kalan na, olu bɛ se k’a kɛ kɛrɛfɛ, kalanso dɔ wɛrɛ kɔnɔ, ni a sɔrɔla ko maakɔrɔ dɔ, wala cidenyabaara maganna dɔ bɛ yen min bɛ o kan mɛn koɲuman, ni a bɛ se ka laadilikan di o kalan na. Nka, kulu bɛna fara jɛkulu kan, ka jɛmu kɛcogo ɲuman, kalansen fɔlɔ, Bibulu kalan nafamayɔrɔw, ani baara ka lajɛ lamɛn ɲɔgɔn fɛ. Foro baara lajɛw fana bɛ se ka kolabɛn kulu ye.

Kulu kɔnɔmɔgɔ bɛɛ bɛ jɛ ka baara kɛ ɲɔgɔn fɛ, maakɔrɔw kulu ka lakɔlɔsili kɔnɔ. Maakɔrɔw bɛna laadilikan bɛrɛkɛɲɛnnenw di, ka kow bɔ u yɛrɛ la walisa ka kulu mago ɲɛnabɔ. Tuma min na kafo lakɔlɔsibaga bɛna bɔ jɛkulu ye min bɛ o kulu sugu dɛmɛ, a bɛ kow labɛn ka se ka baara kɛ ni kulu kɔnɔmɔgɔw ye walisa k’u kologɛlɛya alako ta fan fɛ. Jehowa ka dubabu barika la, don dɔ la, kan wɛrɛ fɔbagaw ka kulu na se ka kɛ jɛkulu ye.