Waajuli bɛ ka kɛ Liberia jamana na, Mɔnrovia kɛrɛfɛ

Baro kɛcogo misaliw

●○○ ƝƆGƆNYE FƆLƆ

Ɲininkali: Yala nafa bɛ Bibulu la hali bi wa?

Tɛmɛsira: 2 Timote 3:16

Ɲininkali segin-ka-bɔnye nata kama: Bibulu cikan ye mun de ye?

○●○ SEGIN-KA-BƆNYE FƆLƆ

Ɲininkali: Bibulu cikan ye mun de ye?

Tɛmɛsira: Matiyu 6:10

Ɲininkali segin-ka-bɔnye nata kama: Ala ka Masaya bɛna mun kɛ?

○○● SEGIN-KA-BƆNYE FILANAN

Ɲininkali: Ala ka Masaya bɛna mun kɛ?

Tɛmɛsira: Daniɛl 2:44

Ɲininkali segin-ka-bɔnye nata kama: O bɛna nɔ jumɛn de bila dugukolo la?

K’a daminɛ nin kalo in na, Jiracogo misali suguya saba tɛna kɛ dɔgɔkun kɔnɔ lajɛ la tuguni. Nka, Baro kɛcogo misaliw de bɛna kɛ Krecɛnya ni waajulibaara lajɛ sɛbɛn kɔnɔ. O Baro kɛcogo misaliw kɔnɔ, an bɛ ɲininkali fɔlɔ sɔrɔ, tɛmɛsira, ani ɲininkali wɛrɛ, walasa ka segin-ka-bɔnye nata boloda. Baro kɛcogo misaliw wideyo kelen dɔrɔn de bɛna jira dɔgɔkun kɔnɔ. An bɛ kalan kɛ mɔgɔw kun ni gafe minnu ye, weleweledala kelen kelen bɛɛ bɛ se ka a latigɛ a bɛ baara kɛ ni min ye olu cɛla, ani a bɛ a jira waati min na—o kɛra Ɲɔgɔnye fɔlɔ la o walima Segin-ka-bɔnye la. Ka fara o kan, baro bɛ kɛ mɔgɔw fɛ cogo min na ka tugu ɲɔgɔn kɔ fo siɲɛ fila, o hakilina bɛna kɛ Lajɛ sɛbɛn kɔnɔ. O kɛcogo in bɛna an dɛmɛ an ka an sinsin an ka kuntilenna kan ni o ye ka mɔgɔw kalan “ɲɛnamaya banbali latigɛra minnu ye”.—Kɛwalew 13:48.

Lakɔliden ka baara kɛta: Ni kunnafoni wɛrɛw ma di, lakɔlidenw ka kan ka baara kɛ ni baro kɛcogo misaliw de ye walisa ka ɲɛjiraliw kɛ.