Bemat De Ba Kusu Be Te Ba Sene Ret?

PYE DE GWU BWOK-BASA DAGWI GWA YI

“Dagwi ê ba sene mwa bemat yi e reku.”​—Tomong Betom Yɛsu 24:15.

NTAA DE HWU SE YI NA TOK HEMO

Hwu se worok yi na Dagwi sire hwo bire mwat mo.​—2 Kɔrintɔs 1:​3, 4.

Hwu ka wok ne nyip reku wet.​—BeIbrani 2:15.

Tok sago wogo hwu te ve di bemat mo de baga kusu.​—Yohana 5:​28, 29.

WOT E TOK NONG SAGO DE PYE DE GWU BWOK-BASA DAGWI GWA HA A?

Ei, yaga pye tyat:

• E Dagwi we de e Nong nken. Gwu Bwok-basa Dagwi gwa yi e Jehova de “e nɔngɔs mwa bemat neken.” (Lɛlɛ 36:9; Tomong Betom Yɛsu 17:​24, 25) E Dagwi we de a nong nkyen, ku a te vok reto de a te sene mwat de a ku.

• E Raane Dagwi a kang’a sene bemat e yi reku. Gwu Bwok-basa Dagwi gwa dura bemat rwit (8) de ba sene hen e yi reku​—nnei, de bemabekuk, de beras de beha. Be hak ba se eji reku ki jeng tyong zong, ku hwak a ra polo nas eji sag!​—Yohana 11:​39-44.

• Dagwi a vok yei hosho de a ve sene bemat e yi reku. Jehova e simi reku wet; reku na si pye repugu e nuyel Dagwi. (1 Kɔrintɔs 15:26) A vok yei hosho de a yene de wu repugu, ku e te sene bemat de baga kusu, yaga de be ba sang’al eji jei yomo.​—Iyɔp 14:​14, 15.