Ðɛ Ɓě Nìà Gèɖèpɔ́ɔ̀ Wuɖuɔ̀ Múɛɛ Cɛ̃́-Cɛ̃́

Báɓòɔ̀ ɓéɖé Gèɖèpɔ́ɔ̀ wuɖu mɔɔ ɔ cuò-wùɖù ɓó à bìì zɛ̃̌ɛ̀. Ɔ tɛ̀mɛ̀ìn nyɔ kà à ké cĩ́ɛ nyu nɔ̀mɔ̀ dyíin nyɛ, kè kà à ké Gèɖèpɔ́ɔ̀ hwìɖǐi dèɛ̀ nyuɛ. Ké ɖeɛɛ, ɔ jǔ dyi-diè-ɖɛ̀ ɓě nìà kɛ gɔ̃̌:

KÀ M̀ KÉ BÁƁÒ VƆ̀SÌ ƁĚ DYÉƐ NYUƐ

Báɓòɔ̀ mɔ̀ céè-ɖɛ̀-kpò mɛ́nɛ́ɛ́ poìn dyí 66 ɓě. Ɔ ge mú wáká sɔ̃́. Wáká dyúáɖò mɔ̀ Híìbúɖúù kè Áwàɖàùn-Cèè-Ðɛ̀ ɓě (mɔɔ “Dèè-Wùɖù Sùà”) ké ɔ sɔ̃́ nììnɔ̀ mɔ̀ Gíɖíì-Cèè-Ðɛ̀ ɓě (mɔɔ “Dèè-Wùɖù Ðìè”). Báɓò-cèè-ɖɛ̀ ɖò-ɖò ɓěɔ̀ ge mú ɖé wuɖu-kpà kè vɔ̀sì ɓě mú. Wa dyi Báɓò vɔ̀sì ɓě céè ní, nɔ̀ɓà kĩ́ín-kĩ́ín kɔà ɓó céè-ɖɛ̀ɔ̀ nyɛ́nɛ́ gboíɛɛ mɔ̀ wuɖu-kpàɔ̀, ké nɔ̀ɓà dyɛ̀ hwɔ ɓó dyíɛɛ mɔ̀ vɔ̀sì mɔɔ vɔ̀sì ɓěɔ̀. Ɔ hwɔìn kà Jɛ́nɛ́sì 1:1 xwíníín mɔ̀, Jɛ́nɛ́sì wuɖu-kpà 1 kèɛ̀ vɔ̀sì 1.