Nyɛ́ céè ma Báɓòɔ̀ kɛ́?

“Mózè céè ma ɖɛ séín ɓɛ́ [Jɛ̀hóvà] cɛ̃ ma kà kɛɛ ɓíɖíi.”

Ɛ́séɖɔ̀ 24:4

“Dànyá ɓéɖé ma dya-dya ɖò. Ti ɔ pɛ̃́ ma ɓó ɔ kɔ̃-pɛ̃́-ɖɛ̀ɔ̀ kɔ̃ dyiɛɛ, ɔ dya ma ɖɛ ɖò, ké ɔ céè ma ɖɛ ɔ dya ma kà kɛɛ ɓíɖíi.”

Dànyá 7:1

“Ti ɓɛ́ à kpa ma Gèɖèpɔ́ɔ̀-wùɖùɔ̀ ɖé ɓě gboɛɛ, ɓě wɔ̃́ɔ ma, ké ɓě kpɔ̃ɔ ma dyi. Kpɔ̃ɔ ɓě kpɔ̃ɔ ma kà dyiɛɛ, ɓě seɛ ma dyi kpɔ̃ kà ɓɛ́ ɔ mɔ̀ɔ̌ kà nyɔǔn-dyùɛ̀ wuɖu kɛ, kɛɛ ɓě kpɔ̃ɔ ma dyi kà ɔ mɔ̀ɔ̌ kà Gèɖèpɔ́ɔ̀ wuɖu kɛ. Ké ɔ mɔ̀ ɔ wuɖu jǎà.”

1 Tɛ̀sàɖónìà 2:13

“Ðɛ séín ɓě céè ɖé Gèɖèpɔ́ɔ̀-cèè-ɖɛ̀ ɓěɔ̀ múɛɛ, Gèɖèpɔ́ɔ̀ mɔ̀ nyɔ cɛ̃ wa. Ké wa nɔ̀mɔ̀ dyíin ɓó nyɔǔn jǎà-ɖɛ̀ ɓěɔ̀ tɛ̀mɛ̀ìn jè.”

2 Tímétè 3:16

“Wuɖu ɓě nì kà kɛɛ se ɖé nyɔǔn-dyùɛ̀ mɔ́ɔ́-ɖɛ̀ mú sɔ̀ìn, kɛɛ Zùù Hwɛ̀ǐn-hwɛ̀ǐnɔ̀ mɔ̀ nyɔ nì ma wa nàǐn, ti ɓɛ́ wa nì ma wuɖu ɓě sɔ̀àìn ɖé Gèɖèpɔ́ɔ̀ gboɛɛ cɛ̃iń nyɛ.”

2 Píɖɛ̀ 1:21