Ðɛ́ mɔ̀à Báɓòɔ̀ cuò-wùɖù kɛ́?

“Ní muá nyɛ́ín-nyɛ́ín ɓó m̀ kè màaɔ̀ pṹa poùn, ɔ kè ɓó nì xwíníín-dyù kè ɔ nììn xwíníín-dyù pṹa. Nì mu ɔ ɓò-kéɖéɔ̀ mú bunuìn, kɛɛ ɔ mu nììn dúɔ̀ dyi wàìn.”

Jɛ́nɛ́sì 3:15

“Dyììn ɖé nì xwíníín-dyù ɓěɔ̀ múɛɛ, ɖéɛ̀ ɓóɖó-dù séín nì ɓóɖó-kpàɔ̀ kɔ̃ɛɛ mu jĩ́á-jè dyéìn. Nì mu jĩ́á-jè séín ɓěɛ̀ dyéìn, sepóɛɖé m̀ ɖǎ ní wuɖuɔ̀ nyu jè.”

Jɛ́nɛ́sì 22:18

“Nì kã́á-ɓòɖòɔ̀ mɛ dyi. Wa mɛ nyu nì mɔ́ɔ́-ɖɛ̀ nɔ̄ ɓóɖó-kpàà kɔ̃, kà ɔ nyuà nìɛ̀ ɖé dyɔún wɛ̃.”

Máfíò 6:10

“Gèɖèpɔ́ɔ̀ mɔ̀ nyɔ tòà gìɖìǐɛɛ mu Sétɔ̃̀ ɓě ɓo xwíɖíi dyi wàìn ɓó kàǔn.”

Wóɖómà 16:20

“Ti Gèɖèpɔ́ɔ̀ muɛ nyuùn ɓɛ́ Kɛ́ɖɛ́ì ké ɖɛ séín kɔ̃in nìɛɛ, nìí, Kɛ́ɖɛ́ì mɔ̀à dyú-gààɔ̀ kɛɛ mu Gèɖèpɔ́ɔ̀ mɔ̀ nyɔ nyuà ké ɖɛ séín nìà ɔ xwíɖíiɛɛ xwíɖíi nììn, ɓɛ́ Gèɖèpɔ́ɔ̀ ké nyɔǔn séín wuɖuí kɔ̃̀ gàná cá.”

1 Kɔ̀ɖéíntĩ̀ɔ̀ 15:28

“Gèɖèpɔ́ɔ̀ ɖáìn ma Ééɓòɖòhɛ̃́ɛ̀ kè ɔ nyúà-dyúɔ̀ ɖɛ ɓěɔ̀ nyɛ́nɛ́ín . . . ɓɛ́ ɔ mɔ̀à Kɛ́ɖɛ́ì ɖòùn wɛ̃. Kɛɛ ɔ jǔ ké Kɛ́ɖɛ́ì dyi ɓě kɔ̃̀ǐn, nìí, ɓě mɔ̀ǎ Ééɓòɖòhɛ̃́ɛ̀ nyúà-dyú ɓěɔ̀.”

Gàɖézìà 3:16, 29

“Ɓóɖó-kpàɔ̀ kã́á-ɓòɖòɔ̀ ɖǎ à wuɖuí-kɔ̃̀-nyɔ̀ɔ̀ kè Kɛ́ɖɛ́ì ɓɛ́ ɔ ɖoɓo ma kà kɛɛ kɔ̃̀ɔ̀-ɖɛ̀ jǔ, ké ɔ mu ɔ wuɖuí kɔ̃̀ùn kánáá pū.”

Wɛ̀ɖɛ̀ɓèɖésĩ̀ɔ̀ 11:15

““Wa po ma ɖɔ-sɛ̀ vɛ̀nɛ̀ɔ̀ ɓíɖíi. Ɔ mɔ̀à sɛ sùàɔ̀ ɓɛ́ wa ɖáìn Nɔɔ́-nàmàǔn mɔɔ Sétɔ̃̀ ɓɛ́ ɔ mɔ̀ nyɔ cáà ɓóɖó-kpà gànáà kɛ. Wa po ma ɔ kè ɔ ínjà ɓěɔ̀ ɓíɖíi nɔ̄ ɓóɖó-kpàà kɔ̃.”

Wɛ̀ɖɛ̀ɓèɖésĩ̀ɔ̀ 12:9

“Ɔ kpɔ̃ ma ɖɔ-sɛ̀ ɓɛ́ ɔ mɔ̀à sɛ sùàɔ̀, ɓɛ́ ɔ mɔ̀à Nɔɔ́-nàmàǔn, ɓɛ́ ɔ mɔ̀à Sétɔ̃̀ kɛ. Ké ínjàɔ̀ sã ma ɔ, ɓɛ́ ɔ ké ma zɔ̃ táázĩ̀ìn ɖò ɖé dyɔ̀ɔ̌ɔ̀ mú nyu.”

Wɛ̀ɖɛ̀ɓèɖésĩ̀ɔ̀ 20:2