Ðɛ́ Báɓòɔ̀ cɛ̃ ɓá ɖé dyúa jè dyíɛ́?

“Dyí-sɛ́ɖɛ́ìn-nyɔ̀ ɓěɔ̀ mu ɓóɖóɔ̀ wuɖuí kɔ̃̀ùn, ɓɛ́ wa kéɛ mú cĩ́ kánáá pū.”

Wɛ́ɖɛ́ 37:29

“Kà ɓóɖó-kpàà nyu zɔ̃̌ɔ̀ nìɛ̀ kɛɛ, kǎà ɔ nì ke kánáá pū.”

Ìkíɖísìásì 1:4

“Bounɓo Ðɛɓíɔ́ mu gĩɔ jè dyi zĩ̀ìn, ké ɔ mu nyɔǔn-dyù mícɛ̃̀ séín dyéɖéín dyi sámáùn.”

Àzédyà 25:8

“Ti Gèɖèpɔ́ɔ̀ mu dyiìn nyɛɛ, nyɔ ɓɛ́ ɔ kpè dyéɖéín dyiɛɛ dyéɖé mu kaàùn, ké nyɔ ɓɛ́ ɔ sṹɛɛ ɖùǔ mu kaàùn. Ké nyɔ ɓɛ́ ɔ ɓo kɔ́ɖɔ́ɛɛ ɓo ɓěɔ̀ mu dyí pɛ́ɛ̀ìn, ké ɔ mu dyií dyi wãìn kà déɖé nyuà kɛ. Ké nyɔ mɔ̀ nyɔ ɓɛ́ ɔ mɔ̀ ma ɓoo-ɓoo kɛɛ wɔ̃ mu kaàùn, ké ɔ mu múà-kùɖǔ-kuɖu nyuùn. Ké ní-dyèɖè mu ɓóɖóún sɔ̀ùn, ɓɛ́ ɔ ké ní-dyù jǔ ɖé gbǎùn-fúɖúáɔ̀ kɔ̃.”

Àzédyà 35:5, 6

“Ɔ mu wa mícɛ̃̀ séín dyéín dyi sámáùn. Mɛ́-mɛ́ ɖò se nìɛ̌ mu ɖe. Kpé-po-po ɖò se nìɛ̌ mu ɖe. Vĩ̌-vĩ̌ ɖò se nìɛ̌ mu ɖe. Nyɔ-ɖɛ-puà-puà ɖò se nìɛ̌ mu ɖe. Sepóɛɖé ɖɛ ɓě nì ma kĩ́ín nyɛɛ ɖǎ dyi zi.”

Wɛ̀ɖɛ̀ɓèɖésĩ̀ɔ̀ 21:4

“Wa mu ɖé gbǒ ɓě poùn, ké wa muɛ mú cĩ́ìn. Wa mu ɖé géɖéè ɓě ɓáùn, ké wa muɛ ɓo ɖiìn. Wa se waà gbǒ ɓěɔ̀ poɛ́ mu, ɓɛ́ nyɔ kà kò ɖò ké wa mú cĩ́. Wa se waà ɓáá-ɖɛ̀ ɓáa mu, ɓɛ́ nyɔ kà kò ɖò kéɛ ɓo ɖi. Kà cu-gɔ̃̀ nyuà hwèɖèɛ̀n nyɛɛ, kǎà ní nyɔ ɓěɔ̀ mu nììn, sepóɛɖé ní nyɔ ɓě ɓɛ́ ḿ ɖǎà gã kɛɛ, wa mu waà sɔ̃ɔ̀ kũ̀à ɓěɔ̀ múà múin kpáìn kánáá pū.”

Àzédyà 65:21, 22