WƐ́ÐƐ́ 8
Jɛhova Mɔ̀ À Vìè-Naín
(Wɛ́ɖɛ́ 91)
1. Jɛ-ho-va mɔ̀ à vìè-naín,
À dè ɔ hwòɖò kɔ̃ tee.
Ɔ pìɔ̀-kpàɔ̀ ɓáìn ɓó à kɔ̃in;
Ðéɛ xwíɖíi, ɖé à mɛ vìè.
Ɔ mu ɔ jàà-nyɔ̀ ɓèɔ̀ dyí gmɔ̀ùn,
Ɔ mɔ̀ jàà ké à dyuòɛ̀ dyí jɛ́ɛ́.
Jɛ-ho-va mɔ̀ to-pèɖèìn-naín,
Ɔ mɔ̀ jàà-nyɔ̀ ké ɔ sɛ́ɖɛ́ìn dyi.
2. Nyɔ táá-zĩ̀ìn ɓè mu dyi kpáùn
Kè nyɔ pàɖà ɓó à wáún.
Kɛɛ jàà-nyɔ̀ kè gìɖìi-nyɔ̀ ɓèɔ̀
Se ɓó dyi sèɛ̀ mu fɔɔ.
Ɔ jèɛɛ, à ní ɖá à ké fɛ̃̀ìn;
Ðɛ gbà ɖò se à gbo kpáa mu.
Ɔ mu à gà-ɖɛ̀ xwaún póìn,
À mu Geɖe-pɔɔ pìɔ̀-kpàɔ̀ xwíɖíi nììn.
3. Ɔ mu à dyí gmɔ̀ùn kánáá pu
Ðé xwáɖá-gbà-mú séín ɓè,
Kè nà-dì ɓè nì ɓó máaún,
Ɔ kè sé-kpìì ɓè xwaún.
Dyéɛ, ɖɛ ɖò se à fã̀ùn poɛ́ mu,
Ké à se dà ɖò fã̀à peɖeɛ́ mu.
Jɛ-ho-va mɔ̀ à vìè-naín,
Ɔ mu à dyí gmɔ̀ùn ti séín ɓaɖa.
(Ké ɖeɛɛ, dyé Wɛ́. 97:10; 121:3, 5; Àzé. 52:12.)