Jɛ̀hóvàà Ɓǎto Jǔ Jǔ

1. Nyɛ́ mɔ̀ nì ɓǎ-toɛ́ Bɔ̌ɔ̀?

Nyɛ́ ɓɛ́ìn m̀ gbo tã́ìn nyɛ́?

Nyɛ́ mɔ̀ ɓǎ-to nì hwòɖǒ dèìn múin nyɛ́?

Nyɛ́ dyuò m̀ dyí jǎà kɛ́?

Ɔ mɔ̀ nyɔ nyu nì wuɖuɛ,

Ɔ mɔ̀ nyɔ taɓa m̀ hwìɖǐǐɛ,

Ɔ sè m̀ kíɖíí tee, ké ɔ sɛ́ɖɛ́ìn dyí,

Ké ɔ cĩ́ jǎàɔ̀ mú tee.

2. Nyɛ́ mɔ̀ nì ɓǎtoɛ́ Bɔ̌ɔ̀?

Nyɛ́ ɓɛ́ìn nì zèè-ɔ̀ dyúa nyànàà?

Nyɛ́ ɓɛ́ìn nyuɛ ní ɓɛ́ m̀ ké múàǔn kpáá?

Nyɛ́ kɔ̃̀ nyɛ́nɛ́ m̀ dyuò dyíɛ́?

Ɔ mɔ̀ nyɔ dè m̀ dyaa,

Ɔ mɔ̀ nyɔ nyu nì wuɖuɛ,

Ɔ sè m̀ kíɖíí tee, ké ɔ nyu jǎà,

Ké ɔ cɛ̃ jǎà ti séín.

3. À jè nì ɖé m̀ xwaún,

À nì m̀ ɓaàǔn O Bɔ̌ɔ̀,

À mɛ xwɛ̃́ìn m̀ bũ̌in ɖé ɖɛ̀ɓɛ̀ǐn-ɖɛ̀ɓɛ̀ǐn mú,

M̀ kɔ̃̀ ɖé à jè gbo,

À mɔ́ m̀ bũ̌in xwɛ̃́ìn dyi,

À gbo-kpɔ̃ìn-kpɔ̃ìnɔ̀ mɛ nì.

M̀ kè ɓǎ-to kà kò ɖò se hwɛìn,

M̀ kò ɓó wa séín gbo.