WƐ́ÐƐ́ 50
Ɓaà-Wùɖù Ɓó Ḿ Mìɔùn Xwáɖáún Zà Jè
(Máfíò 22:37)
1. Nyuɛ ɓɛ́ jǎà kè hwòɖǒ-fɔ̀nɔ̀-fɔ̀nɔ̀
M̀ ɓéɖéɛɛ ké ní hwòɖǒɔ̀ múin dyíìn.
Nyuɛ ɓɛ́ nì wɔ̃ɔ̀ ké ní Kã́áɔ̀
Ɓaìn ɖé wɛ́ɖɛ́-wùɖù mú ti séín.
2. Nyuɛ ɓɛ́ ní ɓoɔ̀ kè ní sɔ̃ɔ̀
Ké nì gma ɓěɔ̀ séín kíɖíí sí.
Nyuɛ ɓɛ́ ḿ ké ní kɔ̃̀ɔ̀-ɖɛ̀
Séín ɓěɔ̀ m̀ xwa nyí fɔɔ cá.
3. Nyuɛ ɓɛ́ ní cĩ́-cĩ́ɔ̀ kè nì
Mɔ́ɔ́-ɖɛ̀ ké gbo muìn ti séín.
Nyuɛ ɓɛ́ ní nyuu-ɖɛ̀ séín ɓěɔ̀
Ké nì hwòɖǒ dyi dè, Ó Ɓɔ̌ɔ̀.
(Dyé Wɛ́ɖɛ́ 40:8; Jɔ̃́ɔ́ 8:29; 2 Kɔ̀. 10:5 ɖekè)