Kà m̀ ké Baɓo cɛ̃́ɛ́-ɖɛ̀ ɓèɛ̀ kpáná kɔ̃ún dyéɛ nyuɛ

Ɔ Dyɛ̀ Sɔ̀à Nɛɛ̀ Kɔ̃ɛ

M̀ kè Jɛhova Zàse ɓèɔ̀ ɖò mɛ cɛ̃́ ɖɛ: Diè nyɔ nyíà m̀ bòɖòsóò nìà kɛ dyi ɓó Baɓoɔ cɛ̃́ jè, mɔɔ ɖoɓo Baɓo-cɛ̃́-cɛ̃́ɔ̀ jè ɖé à pá mɔ̀à jw.org kɛɛ kɔ̃.

WÁKÁ KĨ́ÍN-KĨ́ÍN

Zà wuɖu-kpà ɖò-ɖò ɓèɔ̀ kè dyi-diè-ɖɛ̀ ɓèɔ̀ (A) ɔ kè vɔ̀sì ɓè (B) ɓɛ́ wa nɛ́àìn fɔ̀nɔ̀-hwòɖò jɛ́ɛ́ ɓèɔ̀ jìì kɔ̃ɛɛ wuɖuún. Dèɛ̀ dyéɖé gbo kà wa céè “zà . . . wuɖuún” ɓó vɔ̀sì ɖíɛ́ ɓè gboɛ.

WÁKÁ SƆ̃́ NÌÌN

Wuɖu kĩ́ín ɓè (C) nìà Ðe Ðɛ Múin Cá xwíɖíiɛɛ zaìn ɖɛ ɓè kɔ ɓó dyíɛɛ jè kɔ̃in. Zà-wuɖu-da ɓèɔ̀ (D) zà fɔ̀nɔ̀-hwòɖò jɛ́ɛ́ ɓèɔ̀ da. Zà vɔ̀sì ɓèɔ̀ wuɖuún, ké jù dyi-diè-ɖɛ̀ ɓèɔ̀ gɔ̃̀, ké dyé víɖò ɓèɔ̀ dyi (E).

Gmɔ̀ dyi-dyé-ɖɛ̀ ɓèɔ̀ kè wa mɛ-dèìn-wùɖù ɓèɔ̀ dya kóɖó-kóɖó (F), ké poɛ̀n hwìɖìi kà m̀ ké Nyɔ Ðíɛ́ Ɓè Ðá (G) gɔ̃̀ jùɛ.

Céè-dyèɖè ɓè ɓɛ́ wa zà ɖɛ ɓè mɔ̀ F kè G da ɖé cɛ̃́ɛ́-ɖɛ̀ ɖòɛ̀ wáká sɔ̃́ nììnɔ̀ múɛ.

WÁKÁ HWƐ̀ÌN-GBƆƆ̀

Sṹìn-xwíníín kè Ðɛ-kɔ̃in-kpa-kpa (H) kpɔ̃ cɛ̃́ɛ́-ɖɛ̀ɔ̀ kɔ̃in. Céè wé kɔ̃̀ ɓaɖa ɓɛ́ cɛ̃́ɛ́-ɖɛ̀ɔ̀ hwɛ̀ gbɔɛ. Dyí-sɔ́-ɖɛ̀ (I) ɓéɖé ɖɛ ɓè ɓɛ́ m̀ ké kũ̀à kɔ̃ nyuɛ. Cɛ̃́ Ðɛ Pàɖà (J) ɓéɖé ɖɛ tɔ̀ɔ̀ ɓè ɓɛ́ m̀ ɓɛ́ìn wuɖuún zàà mɔɔ dyi dyéɛ kɛ.

Céè-dyèɖè ɓè ɓɛ́ wa zà ɖɛ ɓè mɔ̀ H kè I ɔ kè J da ɖé cɛ̃́ɛ́-ɖɛ̀ ɖòɛ̀ wáká hwɔ̀ìn gbɔɔ̀ múɛ.

Céè-dyèɖè ɓè ɓɛ́ wa zà ɖɛ ɓè mɔ̀ A kè B ɔ kè C da ɓó céè-ɖɛ̀-mì ɖò kɔ̃ ɖé Baɓoɔ múɛ.

Kà m̀ ké Baɓo vɔ̀sì ɓè dyéɛ nyuɛ

Ðɛ tɛ̀mɛ̀ìn Baɓo-zaìn-kɔ̃in ɓèɛɛ mɔ̀, Baɓo-cèè-ɖɛ̀ɔ̀ (A) kè wuɖu-kpàɔ̀ (B) ɔ kè vɔ̀sì mɔɔ vɔ̀sì ɓèɔ̀ (C). Ɔ hwɔìn kà, Jɔ̃́ɔ́ 17:3 mɔ̀ Jɔ̃́ɔ́-cèè-ɖɛ̀ɔ̀ kè ɔ wuɖu-kpà 17 kè vɔ̀sì 3.