Bɔ̃̀ Ɓó Hwɔɔ̀ Kɔ̃-Mu-Nyɔ̀ Ɓè Bìì

ÀTƐ́NƐ̀ ƁÈ Àtɛ́nɛ̀ ɓèɔ̀ nì ɓó ɓó ɓè gbo kpá jè. Nyu wa wuɖu dyììn ɖé waà náún-po-wùɖù ɓèɔ̀ kíɖíí-sí-sí mú ɓá nì hwòtimoɔ̀ páún po jè kè dɛ̀ nyɔ ɓè kɔ̃̀ wa ké zĩ̀ìn nyɛ kè kò-náún-dyi-dè jè ɔ kè ɖɛ tɔ̀ɔ̀ ɓè jè dyí.

NÍƆ-KPÁ-KPÁ Ɔ sèìn dyɛ ɖɛ kà kò ɖò, kɛɛ kò-náún ɓè ɓó níɔ-kpá-nyɔ̀ ɓèɔ̀ bììɛɛ mu dà jɛ́ɛ́ɔ̀ nììn ɓó wuɖu-wáɖáìn-náúnɔ̀ dyúa. Níɔ-kpá-nyɔ̀ ɓèɔ̀ mɛ kò ɓó hwɛ̀ wáɖáá-wùɖù ɓó níɔ-kpá-nyɔ̀ ɓèɔ̀ bììɛɛ ké gbɔ dè Sáɖádè gànà-kṹún. Wa ɖò-ɖò mɛ dyà ɖɔ-kpàa ɖò kè níɔ-kpá-ɖɔ̀ nɔ̀mɔ̀ dyíin ɖò ɓó níɔ kpá jè.

NYÍÍ-ÐƐ̀ ƁÈ Dyììn ɖé wíɖí pàɖà peɖe-peɖe múɛɛ, wa ɖà ɖɛ ɓè páún po ɓó kò-náún pàɖà ɓè kè mú-wùɖùìn-ɖɛ̀ ɓè kè víɖò-kũ̀à-gbo-po-ɖɛ̀ ɓè ɔ kè kũ̀à tɔ̀ɔ̀ ɓè nyu, ɓɛ́ kɔ̃̀vɛ̃́sĩ̀ɔ̀ nìà kɛ gbo-mu-mu ké múà-ɖɛ̀ jù kè ɓɛ́ ɔ ké à gbo kpá ɓɛ́ à ké Jɛhova bũ̀in xwɛ̃́ìn. Nì nyíí-ɖɛ̀ɔ̀ tò gbo-kpá-kpá ɓó ɖɛ ɓèɔ̀ jè pɛ́ɛ̀ jè ké ɔ tò gbo-kpá-kpá ɓó wuɖu-wáɖá-kũ̀àɔ̀ jè ɖé ɓóɖó-kpàà dà séín. Ɓɛ́ m̀ ké nì nyíí-ɖɛ̀ɔ̀ tòɛ̀ ɓɛ́ìn nyɛɛ, gbɔ̀ɖɔ̀ɔ̀ ɓè nì ɖé hwɔɔ̀ kɔ̃ɛɛ ɓéɖé wuɖu mɔ̀à nyíí-ɖɛ̀ kɛɛ wa kɔ̃. M̀ ɓɛ́ìn nì nyíí-ɖɛ̀ɔ̀ tòɛ̀ ɖúú kɔ̃ dyììn ɖé donate.jw.org kɔ̃ mu-mu mú. À kpáìn ɓè nyíí-ɖɛ̀ séín ɓèɔ̀ múàùn dyi cá. Nyɔ-Dyúa-Nì-Nyɔ̀ ɓèɔ̀ po ɓè zùo ɓó ɓèɛ̀ nyíí-ɖɛ̀ ɓèɔ̀ tò jè ɓó Kã́á-ɓòɖò kũ̀àɔ̀ nyu jè.

WƐ́-NYƆ̀ GBO-KPÁ-NAÍN Ɔ mɛ nì m̀ hwìɖìi kà ɖɛ nìà kɛ mɔ̀ ɓó cɛ̃-cɛ̃-ɖɛ̀ ɖòùn jèɛ.

XWÁÐÁÚN-SÈ-ÐƐ̀ DYÉÌN-NAÍN Ðɛ séín ɖò sè xwáɖáún wɛ̃ɛ mɛ mu ɖé Xwáɖáún-Sè-Ðɛ̀ Dyéìn-Naínɔ̀. Ɔ jù ké nì kɔ̃̀ɔ̀-ɖɛ̀ ɖò dyi xwáɖáún sè ní, mu ɖé xwáɖáún-sè-ɖɛ̀ dyéìn-naínɔ̀, ɓɛ́ m̀ ké nì kɔ̃̀ɔ̀-ɖɛ̀ɔ̀ mɛ dè. Dyú ɓè sè xwáɖáún ké wa se dɛ̀ waà wóɖóìn-nyɔ̀ nìɛ dyuòɛɛ, kpá wa ɖé xwáɖáún-sè-ɖɛ̀ dyéìn-naínɔ̀. Kɛɛ, ɓɛ́ à séín ké fũ̀à-fṹá nyɔ dyí-dè-dè dyí ɓàɖàìn nyɛɛ, gmɔ̀ nì dyú ɓèɔ̀ gbo ké m̀ kè wa mɛ nì dà dyúáɖò.

KÒ-NAÍN Kɔ̃̀ nyɔ tɔ̀ɔ̀ ɓè jè gbo. Ɔ mɛ nì m̀ hwìɖìi kà nyɔ ɓè kɔ̃̀ jè m̀ mɛ dè kò-náún dyiɛɛ mɛ mɔ̀ nì xwéɖé-dùɔ̀ nyɔ ɖò kè nyɔ ɓè ɓɛ́ m̀ kè wa kè nìà hwòtimo dyúáɖòɔ̀ mú ké ɓè nìà hwɔɔ̀ kɔ̃ muɛń nyɛ kè nyɔ ɓè ɓɛ́ m̀ kè wa tã́ìn gbò dyúáɖòɔ̀ xwíɖíi mɔɔ nì Baɓo-cɛ̃́-nyɔ̀ ɓè. Ɓɔ́ ɖɛ ɓè kò-náún ɓè m̀ se dyi dèɛ̀ níɛɛ kɔ̃ poɛ.

GBO-KPÁ-SƆ̃̀-TÒ-TÒ Ɔ jù ké m̀ dyi mɔ́ ɓɛ́ m̀ ké gbo-kpá-sɔ̃̀ tò ɓó kũ̀à ɓè nì kɔ̃̀vɛ̃́sĩ̀ɔ̀ kɔ̃ɛɛ nyu jè ní, mu ɖé Bɔ̃̀ kè Gbo-Kpá-Sɔ̃̀-Tò-Tò páún-po-nyɔ̀ ɓèɔ̀ gbo.