Kpáìn Dɔ́ɔ́-Dè-Wùɖù Gbɔ-Dè-Dè Múàùn Dyi

Dɔ́ɔ́ mɔ̀ hwìè ɖò kɔ̃̀ mú nyɔ ɓɛ́ìn Geɖepɔɔ-wùɖùɔ̀ wáɖáa nc̀mɔ̀ dyíin cá ɖé múà múɛ. Kɛɛ, à dyɔɔ̀ ɓɛ́ìn tɛɖɛɛ ɓá dɔ́ɔ́-dè-wùɖù gbɔ dè jè dyí ɔ jù ké à dyi kà à ké Baɓo fɔ̀nɔ̀-hwòɖò ɖò dɔ́ɔ́ɔ mú dyàìn nyuɛɛ jè hwòɖò gbo po mìɔ ní. Ɓɔ́ hwòɖò dyií gbàìn mìɔ ɓá ɖɛ nì mu cɛ̃ìn ɓɛ́ m̀ ké Geɖepɔɔ-wùɖùɔ̀ wáɖá kɛɛ jè dyí, kɛɛ vɔ̃ ɓɛ́ m̀ kéɛ tɛ̀mɛ̀ìn kà m̀ kɔ̃̀ ɖé nyɔɔ̀ jè gboɛ. (Máf 22:39; Fè 2:4) Ɔ jù ké ɔ ti nììn dyi nyànà ɖé dɔ́ɔ́ɔ mú ɓɛ́ m̀ ké nì hwìɖìi-taɓa-taɓaɔ̀ jè cɛ̃ ní, kũ̀à-mú-nyùìn-ɖɛ̀ pàɖà ɓè nì ɓó ɓɛ́ wa ɓɛ́ìn m̀ gbo kpáa kɛ.

Xwɛ̀ kũ̀à-mú-nyùìn-ɖɛ̀ ɓè nìà kɛ ɓɛ́ìn m̀ gbo kpáa ɓɛ́ m̀ ké Geɖepɔɔ-wùɖù wáɖá ɓá ɖɛ ɖò ɓɛ́ ɔ wóɖó xwáɖáún ɖé dɔ́ɔ́ ɖò múɛɛ jè dyíɛ́?

DYÉ VÍÐÒ MƆ̀À, “NƐƐ̀ SAMA Ɔ MÙÈ-NƐ̀Ɛ̀”—DƆ́Ɔ́-DÈ-WÙÐÙ GBƆ-DÈ-DÈ KƐƐ DYI, NÌÍ, ƁƐ́ ƁÈ KÉ DYI-DIÈ-ÐƐ̀ KƆÀ ƁÓ DYÍƐƐ GƆ̃̀ JÙ:

Ðɛ́ mɔ̀ nyuu-ɖɛ̀ tã ɓè ɓɛ́ wa ɓɛ́ìn à gbo kpáa ɓɛ́ à ké à dɔ́ɔ́-dè-sɛ̀ɖɛ̀ɔ̀ kɔ̃ po kɛ́?