Ɓáɖáá-Dyí-Gmɔ̀-Nyɔ̀ Ɓè Ɓɛ́ Wa Nyu Kũ̀à Ɓó Jɛhovaa Nyɔ Ɓèɔ̀ Nɔ̀mɔ̀ Dyíin Dyé Jèɛ

Nyɔ pàɖà ɓéɖé hwìɖìi-poìn-ɖɛ̀ se dyí sɛ́ɖɛ́ìn ɓá nyɔ ɓè ɓéɖé kpéɛɛ jè dyí. À ɓɛ́ìn wa kàìnǹ? Nyɔùn ɖà wa kpé ɓèɔ̀ kũ̀à mú nyùɛ̀n hwèɖèìn se-dyí-sɛ́ɖɛ́ìn-kà, ɓɛ́ wa ké wa mìɔùn kpáná dyí nyu. (Mák 7:3) Ɔ po à múáùn ɓɛ́ à kéɛ dyé kà wa tɛ̀mɛ̀ìn ɛ́ɖɔ̀ ɓè nì ɖé dyí-poìn-kpòòɔ̀ múɛɛ ɖɛ, ɓɛ́ wa ké waà kpéɔ̀ kũ̀à mú nyùìn ɓó Jɛhovaa nyɔ ɓèɔ̀ nɔ̀mɔ̀ dyíin dyé jèɛ.—Ɛs 10:3; Máf 20:25, 26.

Ɔ sèìn nyɔ ɓè ɓéɖéà kpé ɖé ɓóɖó-kpàà wáká kɔ̃ɛ, kɛɛ ɛ́ɖɔ̀ ɓè nyɔ-kɔ̃in-gmɔin-nyɔ̀ jùɛ mɔ́ɔ́ sɔ̀ìn ɖé Jɛhova kè ɔ nyɔ ɓèɔ̀ mú-ɖɛ̀ɓɛ̀-ɖɛ̀ɓɛ̀ mú. (Jɔ̃́ 21:16; 1Pí 5:1-3) Dyììn ɖé Jízɛ̀ɛ̀ hwìè-da-zàìn-zàìn múɛɛ, ɓáɖáá-dyí-gmɔ̀-nyɔ̀ ɓè nìà kɛ kpá wuɖu-wáɖá-nyɔ̀ ɖò-ɖò séín gbo, ɓɛ́ wa kéɛ hwìɖìi poìn kà wa mɔ̀ Jɛhovaa xwéɖé-dù mɔ̀à ɔ ɓiè-nyɔ̀ ɓèɔ̀ kɛɛ nyɔ ɖòɛ, kè kà wa ké Jɛhova bũ̀in xwɛ̃́ìn nyu teeɛ. Wa fṹá ɓɛ́ wa ké Jɛhovaa ɓáɖáá ɓèɔ̀ gbo kpá ɖé zùùn, kè ɓɛ́ wa ké wa gbo kpá ɔ jù ké cɛ-cɛ-wɛ̀ ɖò mɔɔ gà-ɖɛ̀ ɖò dyi kpáín. Ɔ jù ké m̀ dyi gbo-kpá-sɔ̃̀ mɔ́ ní, zaìn hwìɖìi ɓɛ́ m̀ ké ɛ́ɖɔ̀ ɖò gbo wùɖù ɖé nì dyí-poìn-kpòòɔ̀ mú?—Jĩ́ 5:14.

DYÉ VÍÐÒ MƆ̀À, ƁÁÐÁÁ-DYÍ-GMƆ̀-NYƆ̀ ƁÈ ƁƐ́ WA KƆ̃̀ ƁÁÐÁÁ ƁÈƆ̀ JÈ GBOƐ KƐƐ DYI, NÌÍ, ƁƐ́ ƁÈ KÉ DYI-DIÈ-ÐƐ̀ ƁÈ KƆÀ ƁÓ DYÍƐƐ GƆ̃̀ JÙ:

• Xwɛ̀ Màwíɖíánà nyu ma ɛ́ɖɔ̀ ɓèɔ̀ gbo-kpá-sɔ̃̀ tò-tò kpáná kũún dyéɛ kɛ́?

  Nì gɔ̃̀-jù-wùɖùɔ̀

• Xwɛ̀ Ìɖíà nyu ma ɛ́ɖɔ̀ ɓèɔ̀ gbo-kpá-sɔ̃̀ tò-tò kpáná kũún dyéɛ kɛ́?

  Nì gɔ̃̀-jù-wùɖùɔ̀

• Xwɛ̀ dyí-dyé-ɖɛ̀ ɓè nìà kɛ nyu nì hwòɖòɔ̀ nyuɛ ɓá kũ̀à ɓè ɓɛ́ ɛ́ɖɔ̀ ɓèɔ̀ nyuɛɛ jè dyíɛ́?

  Nì gɔ̃̀-jù-wùɖùɔ̀