Jàà-Nyu-Nyu Kè À Hwìɖìi-Poìn-Ðɛ̀ Ɓè

À ní tɛ̀mɛ̀ìn jàà-nyu-nyu ɖé ɖɛ ɓè à cɛ̃ kɛɛ mú ɖòùn, kɛɛ à tɛ̀mɛ̀ìn jàà-nyu-nyu ɖé ɖɛ ɓè à poìn jè hwìɖìiɛɛ mú ɖekè. (Wɛ́ 19:14) Ɔ jèɛɛ, Baɓoɔ po à kpéí ɓɛ́ à ké ɖɛ ɓè mɔ̀ jàà, ké nyɔùn ɓɛ́ìn kpéín dyéɛ, kè ɖɛ ɓè sɛ́ɖɛ́ìn dyí, kè ɖɛ ɓè se kɛɛ ɖò ɓéɖéɛ kè mú-ɖɛ̀ɓɛ̀-ɖɛ̀ ɓè, ɔ kè ɖɛ ɓè zi dyíin nɔ̀mɔ̀ùn wɛ̃ɛ jè hwìɖìi poìn. (Fè 4:8) Jàà kɛɛ, à se ɖɛ gbà jè hwìɖìi-poìn-poìn ɓɔ́í poɛ ɓɛ́ìn ti séín. Kɛɛ, nyɔ-mìɔùn-dyí-kpɔ̃-kpɔ̃ ɓɛ́ìn à gbo kpáa, ɓɛ́ à ké ɖɛ gbà jè hwìɖìi poɛ̀n ɓɔ́, ɓɛ́ à ké ɖɛ mɔ̀ ɖɛ nɔ̀mɔ̀ dyíin nyɛɛ jè hwìɖìi poìn. Jàà-nyu-nyu kánáá pu ɖé à hwìɖìi-poìn-ɖɛ̀ ɓè múɛɛ mu à gbo kpáùn, ɓɛ́ à ké jàà nyu ɖé à nyuu-ɖɛ̀ ɓè mú kánáá pu.—Máà 7:21-23.

Ðé vɔ̀sì ɓè kɔà ɓó dyíɛ ɖò-ɖò xwíɖíiɛɛ, céè ɖɛ mɔ̀ hwìɖìi-poìn-ɖɛ̀ ɓɛ́ à mɛ ɓàɖàìn dyíɛɛ ɓíɖíi:

Wó 12:3

Ðúù 12:15

Máf 5:28

Fè 3:13