Ní Gbo-Kpá-Sɔ̃̀ Ɓó À Nyɛ́nɛ́ín Nyɛ̀nɛ̀ɔ̀ Jè

Nyɔ ɓè dè Jɛhova Zàse ɓè kpeɖe dyéɖé gbo. (1Kɔ̀ 4:9) À ɓɛ́ìn à mìɔùn dyi dièɛ̀, ɓɛ́ à ké níin, ‘Ní wĩín-wùɖù kè ní nyuu-ɖɛ̀ ɓè nyí Jɛhova ɓàìn-ɓàìnǹ?’ (1Pí 2:12) À se mɔ́ ɓɛ́ à ké ɖɛ séín ɖò ɓɛ́ ɔ muɛ nyuùn ɓɛ́ nyɛ́nɛ́ín nyɛ̀nɛ̀ ɓɛ́ Jɛhova Zàse ɓè ɖà ɓéɖé ɓó zɔ̃ pàɖà xwíníín nyɛ ké mú gbɔɔ̀ kɛɛ nyu.—Ìkí 10:1.

Ðé ɖɛ ɓè kɔà ɓó dyíɛ múɛɛ, céè ɖɛ Kɛ́ɖɛ́ì ɖeín-sí-nyɔ̀ ɖò mɛ nyuɛ, kè Baɓo hwìè-da-zàìn-wùɖù mu gbo-kpá-kpá tòùn wɛ̃ɛ ɓíɖíi:

• Nyɔ ɓɛ́ ɔ se jàà-po-nyɔ̀ kɛɛ kpɔ̃ m̀ ɖɛ gbà nyu jè dyoɖo-kà

  Nì gɔ̃̀-jù-wùɖùɔ̀

• Nì mú-po-ɖɔ̀ mɔɔ nì hwòtimo mɔɔ nì taàɔ̀ se xwa nɔ̀mɔ̀

  Nì gɔ̃̀-jù-wùɖùɔ̀

• Ɓóɖóɔ̀ gma ɖò nì kà ɔ se dyí sɛ́ɖɛ́ìn mɔɔ ɔ kàmà dyi kpɔ̃uń wɛ̃

  Nì gɔ̃̀-jù-wùɖùɔ̀

Xwɛ̀ ɖɛ-múin-ɖe-nyɔ̀ ɓè nìà Céè-Ðɛ̀ Céè-Kpòòɔ̀ múɛɛ nyu gbo-kpá-sɔ̃̀ tòɛ̀ ɓó à nyɛ́nɛ́ín nyɛ̀nɛ̀ɔ̀ jè kɛ́?

DYÉ VÍÐÒ MƆ̀À, JÀÀ MÚ-ÐƐ̀ƁƐ̀-ÐƐ̀ƁƐ̀ KÈƐ̀ KPÉÍN-DYÉ-DYÉ SƆ̃-XWÍÐÍI-DÈ-DÈ KƐƐ DYI, NÌÍ, ƁƐ́ ƁÈ KÉ DYI-DIÈ-ÐƐ̀ KƆÀ ƁÓ DYÍƐƐ GƆ̃̀ JÙ:

Ðɛ́ nɔ̀mɔ̀ m̀ hwìɖìi ɓá kũ̀à ɓè ɓɛ́ kpooɔ̀ nyuà ɓɛ́ ɔ kéà ɖɛ ɓè mɔ̀ jàà kɛɛ páún po kɛɛ jè dyíɛ́?