DÙÀ-DÙ 8-14
JÓƁÒ 34-35
Wɛ́ɖɛ́ 30 Kè Ɓaà-Ɓaà | Ðɛ-Gbɔ-Dèìn-Wùɖù Ɓè (Mín. 1)
1. Ɔ Dyi Nì Kà Dyí-Sɛ́ɖɛ́ìn-Sɛ́ɖɛ́ìn Se Cĩ́-Cĩ́ Mú Nììn
(Mín. 10)
Ɔ mɛ nì m̀ hwìɖìi kà se-dyí-sɛ́ɖɛ́ìn-ɖɛ̀ se ɖé Jɛhova gbo sɔ̀ìn nyɛ (Jóɓ 34:10; wp19.1-E 8 ¶2)
Ɔ ɓɛ́ìn nìɛ̀ kà hwòɖò-kɔ̃in-nyìnììn-nyɔ̀ ɓèɔ̀ ní pɛ́ɛ̀ waà nyuu-ɖɛ̀ ɓèɔ̀ jèɛ; kɛɛ, wa se Jɛhova dyí vìèɛ̀ ɓɛ́ìn (Jóɓ 34:21-26; w17.04-E 10 ¶5)
Hwìè zi dyíin nɔ̀mɔ̀ùn ɖò kɔ̃̀ mú ɓɛ́ à ɓɛ́ìn nyɔ ɓè dyé se-dyí-sɛ́ɖɛ́ìn-ɖɛ̀ dyíɛ gbo kpáa kɛɛ mɔ̀ wa Jɛhova jè tɛ̀mɛ̀ìn-tɛ̀mɛ̀ìn (Jóɓ 35:9, 10; Máf 28:19, 20; w21.05-E 7 ¶19-20)
2. Zùùn Kɔ́mɔ́-Ðɛ̀ Ɓè
(Mín. 10)
Jóɓ 35:7—Ðɛ́ mɔ̀ ma Ɛ̀ɖíhù wuɖuɔ̀ xwíníín ti ɔ dièà Jóɓò dyi, ɓɛ́ ɔ dyià níiń: “Ðɛ́ nì dyí-sɛ́ɖɛ́ìn-sɛ́ɖɛ́ìnɔ̀ nyu Geɖepɔɔ dyíɛ́?” (w17.04-E 29 ¶3)
Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?
3. Baɓo Wuɖuún-Zà-Zà
(Mín. 4) Jóɓ 35:1-16 (th cɛ̃́ɛ́-ɖɛ̀ 10)
4. Dɔ́ɔ́ Gbɔ-Dè-Dè
(Mín. 3) SƆ̀ GBÒ GBO MU GBÒ GBO. Cɛ̃ Baɓo cɛ̃́-cɛ̃́ɔ̀ jè. (lmd cɛ̃́ɛ́-ɖɛ̀ 10 zà-wuɖu-da 3)
5. Dɔ́ɔ́ Gbɔ-Dè-Dè
(Mín. 4) NYƆ-MÌƆÙN-SƆ̃-KƆ̃ WUÐU-WÁÐÁ-WÁÐÁ. Tɛ̀mɛ̀ìn nyɔ ɖò ɓɛ́ ɔ ɓéɖé dyú mɛ́nɛ́ɛ́ ɓèɛɛ dyí kà ɔ ké ɖɛ ɓè ɓɛ́ìn wóɖóìn-nyɔ̀ ɓè gbo kpáa kɛ da dyéɛ nyu ɖé jw.org kɔ̃ɛ. (lmd cɛ̃́ɛ́-ɖɛ̀ 1 zà-wuɖu-da 4)
6. Nyɔ Ɓè Ðeín-Nà-Nyɔ̀ Mú-Nyu-Nyu
Wɛ́ɖɛ́ 58
7. Nì Hwòɖò Mɔ́ Ɓɛ́ M̀ Ké ‘Geɖepɔɔ-Wùɖùɔ̀ Cɛ̃’ M̀ Mìɔùn Sɔ̃ Kɔ̃ɔ̀?
(Mín. 15) Dɔ́ɔ́.
Pɔ́ɔ̀ po ma Tímétè náún, ké ɔ ɖá: “Cɛ̃ Geɖepɔɔ-wùɖùɔ̀; ɔ cɛ̃ jè mɛ kpɔ̃ m̀ hwòɖò.” (2Tí 4:2) Wa nyùìn ma Gíɖíì-wùɖù kɔ̃̀ xwíníín-mú-zà-zà mɔ̀à “ɔ cɛ̃ jè mɛ kpɔ̃ m̀ hwòɖò” kɛɛ kũ̀à mú tiɔ̀ ɖíɛ́ ɓè ɓaɖa, ɓɛ́ wa ké ma sójà ɖò mɔɔ ɖɛ-dyí-gmɔ̀-nyɔ̀ ɖò ɓɛ́ ɔ nì ɓɛ́ɖɛ́ kɔ̃ ti séín ɓó ɖɛ ɖò nyu jèɛɛ jè cɛ̃. Wuɖuɔ̀ dè à hwòɖòɛ̀-mɔ́ɔ́-ɖɛ̀ mɛ kà à mɛ nì ɓɛ́ɖɛ́ kɔ̃ ti séín ɓó Geɖepɔɔ wuɖuɔ̀ wáɖá jè ɔ jù ké à kè nyɔ ɓè dyi dɔ́ɔ́ dèɛ̀n nììn nyɛ.
À ɖɛ̀ɓɛ̀ìn-ɖɛ̀ɓɛ̀ìn ɓó Jɛhova bììɛ, kè zùo-po-hwòɖò à ɓéɖéà ɓó ɖɛ séín ɓè ɓɛ́ ɔ ɖàà à bìì nyuɛ jèɛɛ po à kpéí, ɓɛ́ à ké ɔ kpeɖe nɔ̀mɔ̀ dyíin ɓèɔ̀ jè nyɔ tɔ̀ɔ̀ ɓè gbo cɛ̃.
Zà Wɛ́ɖɛ́ 71:8 wuɖuún. Nìí, diè nyɔ ɓèɔ̀ dyi:
Ðɛ́ mɔ̀ ɖɛ nɔ̀mɔ̀ dyíin ɓè ɓá Jɛhova jè dyí, ɓɛ́ nì mu mɔ́ùn ɓɛ́ m̀ ké nyɔ tɔ̀ɔ̀ ɓè gbo cɛ̃ kɛ́?
À ɖɛ̀ɓɛ̀ìn-ɖɛ̀ɓɛ̀ìn ɓó nyɔ ɓè bììɛɛ po à kpéí ɖekè, ɓɛ́ à ké wuɖuɔ̀ wáɖá nyɔ-mìɔùn-sɔ̃-kɔ̃.
Po VÍÐÒ nìà kɛ kũ̀à gbo, Kà Nyɔ Hɔ̃dɛ̀ɖɛ̀ Ɓè Nyu Ma Jààɔ̀ Dyéɛ Kɛ. Nìí, diè nyɔ ɓèɔ̀ dyi:
Xwɛ̀ nyɔ-mìɔùn-sɔ̃-kɔ̃ wuɖu-wáɖá-wáɖá nyu ma nyɔ hɔ̃dɛ̀ɖɛ̀ ɓè gbo kpáa, ɓɛ́ wa ké ma jààɔ̀ dyé kɛ́?
Xwɛ̀ cɔ́cì-nyɔ̀ sùà ɓèɛ̀ nyu ma kpáná dyéɛ sɔ̀ìn ɖé jààɔ̀ cɛ̃́-cɛ̃́ múɛ́?
Xwɛ̀ ɖɛ̀ɓɛ̀ìn-ɖɛ̀ɓɛ̀ìn ɓó nyɔ ɓè bììɛɛ po à kpéí, ɓɛ́ à ké wuɖu wáɖá nyɔ mìɔùn sɔ̃ kɔ̃ kɛ́?
Xwíníínɔ̀ nyɛ́ kɔ̃̀ jè nì hwòɖò ɖá nyɔ-mìɔùn-sɔ̃-kɔ̃ wuɖu-wáɖá-wáɖá mɔ̀à hwìè nɔ̀mɔ̀ dyíin ɖò kɔ̃̀ mú nyɔ ɓɛ́ìn nyɔ tɔ̀ɔ̀ ɓè gbo kpáa, ɓɛ́ wa ké Jɛhova dyí dyuò kɛ́?
8. Dyí-Poìn-Kpòò Baɓo Cɛ̃́-Cɛ̃́
(Mín. 30) bt-E wuɖu-kpà 4 gbɔ̀ɖɔ̀ɔ̀ nìà mí 33 kɔ̃ɛ