DÙÀ-DÙ 6-12

WƐ́ÐƐ́ 127-134

Wɛ́ɖɛ́ 134 Kè Ɓaà-Ɓaà | Ðɛ-Gbɔ-Dèìn-Wùɖù Ɓè (Mín. 1)

KƆ́MƆ́-ÐƐ̀ ƁÈ SƆ̀ÌN ÐÉ GEÐEPƆƆ WUÐUƆ̀ MÚƐ

1. Wóɖóìn-Nyɔ̀ Ɓè—Ɓè Kɔ̃̀ Ɓèɛ̀ Nyíí-Ðɛ̀ Kpa Ðɛɔ̀ Jè Gbo Kánáá Pu

(Mín. 10)

Wóɖóìn-nyɔ̀ ɓè ɓɛ́ìn Jɛhova hwòɖò kɔ̃ dèɛ̀ kà ɔ mu wa gbo kpáùn ɓɛ́ wa ké waà xwéɖé-dùɔ̀ jè gbo kɔ̃̀ɛ (Wɛ́ 127:1, 2)

Dyú ɓè mɔ̀ nyíí-ɖɛ̀ sɔ̀ìn ɖé Jɛhova gbo (Wɛ́ 127:3; w21.08-E 5 ¶9)

Tɛ̀mɛ̀ìn dyú ɖò-ɖò ɖɛ ɓá ɖɛ wa ɖò-ɖò kɔ̃̀ wa ké dyuòɛɛ wa dyí (Wɛ́ 127:4; w19.12-E 27 ¶20)

Ɓà ɖò nì bòɖòsóò mɔ̀à “Ní Baɓo Cɛ̃́ɛ́-Ðɛ̀ Ɓè” kɛɛ kũ̀à mú nyùɛ̀n ɓɛ́ ɔ ké ɔ dyú-gbɔɔ̀ sɔ̃́ ɓèɔ̀ ɖɛ tɛ̀mɛ̀ìn. Dyú ɓèɔ̀ nì kà wa mu dyuɛ kè hwɛ̀ ɖò péé nyùɛ̀n nììn ɖé Páɖédà múɛɛ jè hwìɖìi nàìn. — Jɛhova kpá múàùn ɔ jù ké wóɖóìn-nyɔ̀ ɓè dyi ɔ hwòɖò kɔ̃ dè ké wa dyi ɖɛ wa ɓɛ́ìn nyuɛ kɛɛ nyu ɓɛ́ wa ké waà dyù ɓèɔ̀ gbo gmɔ̀ níɛ

2. Zùùn Kɔ́mɔ́-Ðɛ̀ Ɓè

(Mín. 10)

Wɛ́ 128:3—Xwíníínɔ̀ nyɛ́ kɔ̃̀ jè wɛ́ɖɛ́-céè-nyɔ̀ɔ̀ poàìn dyú ɓè kè ɖí ɓè ɓɛ́ ɔ́ɖè-gɔ̃̀ ɖò ɓaɖaà kɛɛ dyíɛ́? (it-1-E 543)

Nì gɔ̃̀-jù-wùɖùɔ̀
Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

Nì gɔ̃̀-jù-wùɖùɔ̀

3. Baɓo Wuɖuún-Zà-Zà

(Mín. 4) Wɛ́ 132:1-18 (th cɛ̃́ɛ́-ɖɛ̀ 2)

TÒ M̀ MÌƆÙN ÐÉ WUÐU-WÁÐÁ-KŨ̀ÀƆ̀ MÚ

4. Dɔ́ɔ́ Gbɔ-Dè-Dè

(Mín. 3) NYƆ-MÌƆÙN-SƆ̃-KƆ̃ WUÐU-WÁÐÁ-WÁÐÁ. (lmd cɛ̃́ɛ́-ɖɛ̀ 1 zà-wuɖu-da 3)

5. Dɔ́ɔ́ Gbɔ-Dè-Dè

(Mín. 4) NYƆ-MÌƆÙN-SƆ̃-KƆ̃ WUÐU-WÁÐÁ-WÁÐÁ. Nyɔɔ̀ cɛ̃ jàà-po-ɖɛ̀ ɖò jè ɓɛ́ ɔ kè Baɓoɔ se gbo muìn nyɛ. (lmd cɛ̃́ɛ́-ɖɛ̀ 5 zà-wuɖu-da 4)

6. Nyɔ Ɓè Ðeín-Nà-Nyɔ̀ Mú-Nyu-Nyu

(Mín. 5) lff cɛ̃́ɛ́-ɖɛ̀ 16 zà-wuɖu-da 4-5. Cɛ̃ ɖɛ-páún-po-po ɓè m̀ ɖà nyu ɓó nì ɖɛ-cɛ̃́-nyɔ̀ɔ̀ ɖɛ cɛ̃́ jè ɓó ti m̀ seà ɓó nìɛ̀ muɛɛ jè ɔ gbo. (lmd cɛ̃́ɛ́-ɖɛ̀ 10 zà-wuɖu-da 4)

KƐ́ÐƐ́Ì ÐEÍN-SÍ-KÀ CĨ́-CĨ́

Wɛ́ɖɛ́ 13

7. Wóɖóìn-Nyɔ̀ Ɓè—Ɓè Nì Kũ̀à-Mú-Nyùìn-Ðɛ̀ Nɔ̀mɔ̀ Dyíin Nìà Kɛ Kũ̀à Mú Nyùɛ̀nǹ?

(Mín. 15) Dɔ́ɔ́.

Jɛhovaa kpooɔ̀ ɖà ɖɛ pàɖà ɓè páún po ɓɛ́ ɔ ké wóɖóìn-nyɔ̀ ɓè gbo kpá ɓɛ́ wa ké waà dyú ɓèɔ̀ Jɛhova jè tɛ̀mɛ̀ìn. Kɛɛ, kũ̀à-mú-nyùìn-ɖɛ̀ zi dyíin nɔ̀mɔ̀ùn ɖò ɓɛ́ wóɖóìn-nyɔ̀ ɓè ɓéɖéɛɛ mɔ̀ waà ɓo-bɛ̃̀ nɔ̀mɔ̀ dyíinɔ̀.—Dì 6:5-9.

Jízɛ̀ nyùɛ̀n ma kũ̀à mú ɓɛ́ ɔ ké ma ɔ ɖeín-nà-nyɔ̀ ɓèɔ̀ ɖɛ tɛ̀mɛ̀ìn.

Zà Jɔ̃́ɔ́ 13:13-15 wuɖuún. Nìí, diè nyɔ ɓèɔ̀ dyi:

Xwíníínɔ̀ nyɛ́ kɔ̃̀ jè nì hwòɖò ɖá Jízɛ̀ɛ̀ ɖɛ-tɛ̀mɛ̀ìn-tɛ̀mɛ̀ìn dyììn ɖé ɔ nyuu-ɖɛ̀ múɛɛ nɔ̀mɔ̀ ma kà dyíin nyɛ́?

Nì gɔ̃̀-jù-wùɖùɔ̀

Kà m̀ mɔ̀à wóɖóìn-nyɔ̀ɛɛ, nì nyuu-ɖɛ̀ ɓèɔ̀ taɓa ɖɛ ɓè m̀ cɛ̃à nì dyú ɓèɔ̀ gboɛɛ ɓá ɓo ɖeín. Nì ɓo-bɛ̃̀ nɔ̀mɔ̀ dyíinɔ̀ dè ɖɛ ɓè m̀ tɛ̀mɛ̀ìn nyɛɛ dya, ké ɔ ɓɛ́ìn nì dyú ɓèɔ̀ kpéí poɛ ɓɛ́ wa ké ɖùù tò.

Fótò-poìn-dyí: Wáká ɓè sɔ̀ìn víɖò mɔ̀à “À Dyú Ɓèɔ̀ Ðɛ-Tɛ̀mɛ̀ìn-Tɛ̀mɛ̀ìn Dyììn Ðé Nyuu-Ðɛ̀ Mú” múɛ. 1. Gàsíà xwéɖé-dùɔ̀ dèɖè dya ɖé waà hwòtioɔ̀ mú, ké wa ɖà ti dyé wa ké dyí-poìn-kpòòɔ̀ dyí-poìn-poìn ɖò mú mu. 2. Xwéɖé-dùɔ̀ dèɖè dya ɓó téɓéɖè ɖò gbɔ ti wa ɖà dyí-poìn-poìnɔ̀ mú sɔ̀ɛ. Wa nì dɔ́ɔ́ dèɛ̀n ké wa nì ɖɛ-wè ɖiɛń. 3. Ðíí-gàà Gàsíà táà ɔ ɖɛ-cɛ̃́-cɛ̃́ɔ̀ dyi ɓɛ́ ɔ kè ɔ dyú-màà ɓèɔ̀ ɖò gbo wùɖù. 4. Ðíí-gàà kè ɖíí-màà Gàsíà nyùìn ma Baɓoɔ kũ̀à mú, ɓɛ́ wa ké waà dyú-màà ɓèɔ̀ ɖò gbo kpá.

Po VÍÐÒ nìà kɛ kũ̀à gbo, À Dyú Ɓèɔ̀ Ðɛ-Tɛ̀mɛ̀ìn-Tɛ̀mɛ̀ìn Dyììn Ðé Nyuu-Ðɛ̀ Mú. Nìí, diè nyɔ ɓèɔ̀ dyi:

Ðɛ́ mɔ̀ cɛ̃́ɛ́-ɖɛ̀ kpa ɖɛ ɓè ɓɛ́ Ðíí-gàà kè Ðíí-màà Gàsíà tɛ̀mɛ̀ìn ma waà dyú-màà ɓèɔ̀ kɛ́?

Nì gɔ̃̀-jù-wùɖùɔ̀
Xwɛ̀ víɖò nìà kɛ nyu m̀ kpéí poɛ ɓɛ́ m̀ ké ɓo-bɛ̃̀ nɔ̀mɔ̀ dyíin dè tee ɓó nì dyú ɓèɔ̀ bììɛ́?

Nì gɔ̃̀-jù-wùɖùɔ̀

8. Dyí-Poìn-Kpòò Baɓo Cɛ̃́-Cɛ̃́

(Mín. 30) bt wuɖu-kpà 20 ¶13-20