ZÁGÌÐÌƆ̀ 28–DÙÒ 4

• Nɔ́ 11:17—Xwɛ̀ hwòɖò-kɔ̃in-nɔ̀mɔ̀-nɔ̀mɔ̀ nyu à kpáná dyíɛ́? (g20.1-E 11, gbɔ̀ɖɔ̀ɔ̀)

  Nì gɔ̃̀-jù-wùɖùɔ̀

• Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

  Nì gɔ̃̀-jù-wùɖùɔ̀

Sepoɛɖe à se mú hwɛ̀ jèɛɛ, à mu ɖɛ ɓè xwa bĩìn ɖé wùɖù-wùɖù mú. (Jĩ́ 3:8) Kɛɛ, ɔ jù ké à dyi fũ̀à-fṹá-ɖɛ̀ ɓè ɓɛ́ wa sɔ̀ìn ɖé se-dyí-sɛ́ɖɛ́ìn-ɖɛ̀ cɛ̃-cɛ̃ múɛɛ jè hwìɖìi poìn ní, nìí, à mu ɖɛ ɓè ɓɛ́ wa muɛ nyuùn ɓɛ́ à hwòɖò ké ɖé ɖei kpá kɛɛ cɛ̃-cɛ̃ dyí ɓàɖàìn. Wuɖu ɓè ɓɛ́ wa ɓɛ́ìn gìɖìì nìà ɖé dyí-poìn-kpòòɔ̀ múɛ ɓɔ́í poɛ kɛɛ ɖíɛ́ ɓè kèà kɛ̀:

• Ɓɔ́ɖɔ́-ɓɔ́ɖɔ́ zi wɔ̃ kɔ̃. Wùɖù-kà nìà kɛ mɔ̀ nyɔ mìɔùn ɓàìn-ɓàìn ké ɔ ɓɛ́ìn dyéìn-kpèɖè kè hwɛ̀nɛ̀ dyàà.—Nɔ́ 27:2

• Se-wùɖù. Wuɖu nìà kɛ se se-tɔ́mɔ́-tɔ́mɔ́ wáɖáá pu, kɛɛ ɔ mɔ̀ wuɖu ɓɛ́ ɔ cá nyɔ ɖò kɛ. Se tííwè ɓɛ́ìn à nyɛ́nɛ́ dyíin nyìnìɛ̀ìn ké ɔ ɓɛ́ìn nyuɛ ɓɛ́ nyɔ ɓè ké se à hwòɖò kɔ̃ dè.—Ìkí 10:1

• Nyɔ-nyɛ́nɛ́-zeɖe-zeɖe. Wùɖù-kà nìà kɛ mɔ̀ nyɔ ɖò ɖɛ gbà kɔ̃ún cɛ̃-cɛ̃ ɓɛ́ ɔ se jàà ké ɔ ɓɛ́ìn jàà ɓá waà cĩ́-cĩ́ɔ̀ jè dyíɛɛ dyí zàìn mɔɔ waà sáná-ɖɛ̀ ɓè píé dyàà. (1Tí 5:13) Ɔ ɓɛ́ìn jɛ-jɛ kè mú-ge-ge ɓè dyàà

• Dyoɖo-wùɖù. Wùɖù-kà nìà kɛ mɔ̀ wuɖu ɓè ɓɛ́ à se dyí kpɔ̃ɔ ɓɛ́ìn ké à cɛ̃ nyɔ ɖò ɓɛ́ ɔ po à dyoɖoún wɛ̃ɛ gboɛ. (Ìfí 4:26) Ɔ puà à ní.—Nɔ́ 29:22

Po VÍÐÒƆ̀ kũ̀à gbo ‘Ɓè Po’ Gìɖìì Ɓɔ́í-Po-Ðɛ̀ Ɓèɔ̀ Wáká—Wáká-Ðò. Nìí, diè nyɔ ɓèɔ̀ dyi:

• Ðɛ́ m̀ cɛ̃́ɔ́ má ɓá kà ɔ nyu xwa fɛ̃́ìn ɓɛ́ à wĩín-wùɖù ké gìɖìì nìà dyí-poìn-kpòòɔ̀ múɛ ɓɔ́í po kɛɛ jè dyíɛ́?

  Nì gɔ̃̀-jù-wùɖùɔ̀

Ɓɛ́ m̀ ké kà gìɖìì nyu ma nìɛ̀ ɖeɛɛ dyé ní, dyé víɖò mɔ̀à “Vɔ̃ Gìɖìì Jè” kɛɛ dyi.