KÁNÁ-VƐ̀NƐ̀ 18-24

• Nɔ́ɔ́ 27:21—Xwɛ̀ ɓàìn-ɓàìn ɓɛ́ìn mú-dɔ̃̀-dɔ̃̀ jùɛ ɓó à bìì kɛ́? (w06 9/15 19 ¶12)

  Nì gɔ̃̀-jù-wùɖùɔ̀

• Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

  Nì gɔ̃̀-jù-wùɖùɔ̀

Jɛhova ɖà ɖíí Kɛ́ɖɛ́ì ɖeín-sí-nyɔ̀ ɓè nì ɓóɖó-kpàɔ̀ dà séín nyɛɛ à nyí, dɛ̀ ɓɛ́ à ɓɛ́ìn ɓàto ɓè ɓéɖé ɖɛ̀ɓɛ̀ìn-ɖɛ̀ɓɛ̀ìn nyɛɛ dyéɛ kɛ. À kè nyɔ pàɖà ɓè ɓɛ́ìn ɓàto jùɛ ɖé dyí-poìn-kpòòɔ̀ mú dyɛo, kɛɛ waà jĩ̀ xwɛ̀ mɔ̀ à ɓàto xwɛ̃́ìn bũ̀in ɓè kɛ́? Ɓɛ́ m̀ kè nyɔ ɖò ké ɓàto kui-kui jù ní, ɓè mɛ wɔ̃́in wɔ̃̀ìn wuɖuún dyi ké ɓè mɛ deìn dèìn hwòɖò kɔ̃ ké ɓè mɛ wuɖuìn wùɖùìn gbo ɖé hwòɖò wáɖáá mú ké ɓè mɛ cɛ̃ ɓèɛ̀ gbo-kpá-ɖɛ̀ ɓè jè ɔ kè ɓè mɛ tɛ̀mɛ̀ìn kà ɓè kɔ̃̀ ɓè muèɔ̀ jè gboɛ. Wáɖáá kɛɛ, ɓàto kui-kui kpɔ̃-kpɔ̃ kè wà ɓéɖé-ɓéɖé tee kɛɛ ɖú ti kè kpé dyí.

Zà Nɔ́ɔ́ 17:17 wuɖuún. Nìí, diè nyɔ ɓèɔ̀ dyi:

• Ðɛ́ kɔ̃̀ jè ɔ kpaà ɖɛ ɓɛ́ à kéà ɓàto xwɛ̃́ìn bũ̀in ɓè kpɔ̃ kàùn hwɛ̀ nyɔ-gà-dyéìn-dyéìn vɛ̀nɛ̀ɔ̀ kéà dyi kɛ́?

  Nì gɔ̃̀-jù-wùɖùɔ̀

Zà 2 Kɔ̀ɖéíntĩ̀ɔ̀ 6:​12, 13. Nìí, diè nyɔ ɓèɔ̀ dyi:

• Xwɛ̀ vɔ̀sì ɓè nìà kɛ kũ̀à gbo-po-po kpá à gbo ɓɛ́ à ké ɓàto ɓè kpɔ̃ kɛ́?

  Nì gɔ̃̀-jù-wùɖùɔ̀

Po ÐƐ-ÐÒƐ̀-NYU-KÀ VÍÐÒƆ̀ kũ̀à gbo “Ðɛ Séín Kɔ̃̀ Ti”—Ɓàto-Kpɔ̃-Kpɔ̃ Ðú Ti Dyí. Nìí, diè nyɔ ɓèɔ̀ dyi:

• Ðɛ́ m̀ cɛ̃́ sɔ̀ìn ɖɛ-ɖòɛ̀-nyu-kà tɛ̀mɛ̀ìn-tɛ̀mɛ̀ìn víɖòɔ̀ mú ɓá ɓàto kpɔ̃ jè dyíɛ́?

  Nì gɔ̃̀-jù-wùɖùɔ̀

M̀ ɓɛ́ìn ɓàto kpɔ̃-kpɔ̃ gbɔ dèɛ̀ dyììn ɖé wɔ̃in-kíɛ̀-kíɛ̀ mɔɔ nyɔɔ̀ nyíɔún-zà-zà mú ké tɛ̀mɛ̀ìn dyììn ɖé nyɔɔ̀ jè gbo-kɔ̃̀-kɔ̃̀ mú. Ku hwòɖò ɓɛ́ ɓè ɓàto jù-jùɔ̀ ké dyúa mu kà ɓè sɔ̃́ɔ muà da hwèɖèìn nyɛ. Kpáná mu ɖé sɔ̀ìn nyɛ mu ɓàto jù-jù ɓɛ́ ɔ mu nììn ɓó sè-ná-séɛ̀ tiín nyɛɛ jùùn.