DÚ 10
Ðɛ́ Mɔ̀ Mana Ɓě Ɓɛ́ Wa Fòìn Nyɔ Ɓě Ɓɛ́ Wa Tòà Gèɖèpɔ́ɔ̀ Ðùǔ Gbo Kɛ́?
Nyɔ ɓě ɖǎà mɛ́ɛ, vò-vò mu gĩɔ wóɖóùn ɖà ɓóɖó-kpàà kɔ̃. Àpɔ́sò 24:15
Poìn mana ɓě ɓɛ́ nì muà múàǔn dyi kpáìn ɖé dyuà, ɔ jǔ ké m̀ dyi Gèɖèpɔ́ɔ̀ ɖùǔ gbo tò níɛɛ, jè hwìɖǐi. M̀ mu dyi kánáùn kánáá pū. Ðɛ gbà nyu-nyɔ̀ ɖò se nìɛ̀ mu ɖe, ké m̀ mu nyɔǔn séín hwìɖǐi taɓaa ɓɛ́ìn.
Nyɔ-ɖɛ-puà-puà, kè wìì-ɖɛ̀, kè mícɛ̃̀ ɖò se nìɛ̀ mu ɖe. Nyɔ ɖò se súá-kpáa mu ɓɛ́ ɔ ké mɛ́ ɖe.
M̀ mu nì ɓǎto ɓě kè nì xwéɖé-dùɔ̀ hwìɛ̀ nììn. Cĩ́-cĩ́ mu dyíin nɔ̀mɔ̀ mìɔ ɖé Páɖédǎ mú.
Fã̀à peɖe-peɖe ɖò se nìɛ̀ mu ɖe. Nyɔǔn mu múàǔn kpáùn jǎà.