Wa Nyu Kũ̀à Kóɖó-Kóɖó Ɓó À Bìì

Dyí-poìn-kpòò kɔ̃in-té-nyɔ̀ ɓè kè waà gmàà ɓè tɛ̀mɛ̀ìn ɖɛ̀ɓɛ̀ìn-ɖɛ̀ɓɛ̀ìn hwòɖòɛ̀-ɖé-hwɛ̀-kà ɓó nyɔ ɓè wa nyuà bìì kũ̀à kɛɛ bìì. Kà à séín ɖò nìà kɛɛ, kàà wa mɔ̀ùn mɔ́ ɖɛ ɓè, ké tiɔ̀ ɖíɛ́ ɓè ɓaɖaín, wa sa, ké wa hwòɖò kpá ɖé ɖei, ké fũ̀à-fṹá dè wa dyí. (Jĩ́ 5:17) Ɔ ní ná dyɛo, kɛɛ wíkì séín ní, ɖɛ kpɔ̃ wa hwòɖòɛ mɔ̀ ɖíí ɓè nìà ɖé dyí-poìn-kpòò ɓɛ́ wa nìà gboi téɛń nyɛ múɛɛ kpéí-po-po. Dyí-poìn-kpòò kɔ̃in-té-nyɔ̀ ɓè kpa ɖɛ jɛ́ɛ́ ɓɛ́ wa ké “kpéín-dyé-dyé . . . dyéɛń zi.”—1Tí 5:17.

Ti àpɔ́sò Pɔ́ɔ̀ poɛ ma gbɔ ɓɛ́ ɔ ké ma ɖé Wóɖóùn mu, ɓɛ́ ɔ ké ma dyí-poìn-kpòò nì ma ɖéɛɛ “nyíí-ɖɛ̀ sɔ̀ìn ɖé Zùù Hwɛ̀ìn-hwɛ̀ìnɔ̀ gboɛɛ” nyíɛɛ, ɔ nì ma hwìi gmɔ̀ùn ‘ɓɛ́ wa nììn hwìɖìi-taɓa-taɓa ké ɔ kpéí po, ɓɛ́ ɔ nììnɔ̀ ké wa kpéí po ɖekè.’ (Wó 1:11, 12) M̀ ɖà kà m̀ ɓɛ́ìn nì dyí-poìn-kpòò kɔ̃in-té-nyɔ̀ɔ̀ kè ɔ gmàà kpéí poɛ ɔ jù ké ɔ dyi nyɔ́nɔ́ ɓéɖéín nyɛ jè hwìɖìi poìnǹ?

DYÉ VÍÐÒ MƆ̀À, KÀ DYÍ-POÌN-KPÒÒ KƆ̃IN-TÉ-NYƆ̀ ƁÈ NYU CĨ́Ɛ ÐÉ KƆ́NƐÍN NYƐ, KƐƐ DYI, NÌÍ, ƁƐ́ ƁÈ KÉ DYI-DIÈ-ÐƐ̀ ƁÈ KƆÀ ƁÓ DYÍƐƐ GƆ̃̀ JÙ:

• Hwìè nyɛ́ ɓè kɔ̃̀ mú dyí-poìn-kpòò kɔ̃in-té-nyɔ̀ ɓè kè waà gmàà ɓè tɛ̀mɛ̀ìn ɖɛ̀ɓɛ̀ìn-ɖɛ̀ɓɛ̀ìn hwòɖòɛ̀-ɖé-hwɛ̀-kà ɓó dyí-poìn-kpòòɔ̀ bììɛ́?

  Your answer

• Xwɛ̀ m̀ mìɔùn ɖà waà dúún-ku-kuɔ̀ kpáná kɔ̃ún dyéɛ́?

  Your answer

• Xwɛ̀ à ɓɛ́ìn wa kpéí poɛ kɛ́?

  Your answer