“Po Wíɖí Ðò Wáká”

Àpɔ́sò Pɔ́ɔ̀ tò ma náún-po-wùɖù ɖò kà à mɛ ɓɔ́ hwòɖòɛ̀-wɔ̃́ín-nyíí-ɖɛ̀ ti séín ɖò gboi sèɛ̀ kɛ. Kɛɛ, à mɛ “po wíɖí ɖò wáká.” (1Kɔ̀ 16:2) Náún-po-wùɖù sɔ̀ìn ɖé Geɖepɔɔ gbo nìà kɛɛ kíɖíí sí-sí kpá à gbo, ɓɛ́ à ké jàà ɓiè-ɓiè sɔ̃ xwíɖíi dè, kè ɓɛ́ à ké múà ɓéɖé. Kɛbì à nyíí-ɖɛ̀ ɓèɔ̀ mɛ hwɔìn ɖɛ tííwè ɖé à gboɛɛ, Jɛhova hwòɖò dèìn a kɔ́mɔ́-ɖɛ̀ ɓè à nyùàìn kũ̀à mú ɓɛ́ à kéà ɔ dya dè hwòɖòɛ̀-ɖé-hwɛ̀-kà kɛɛ múin cá.—Nɔ́ɔ́ 3:9.

DYÉ VÍÐÒ MƆ̀À, NÌ ZÙO ƁÓ WÍÐÍ ÐÒ WÁKÁ PO JÈ KƐƐ DYI, NÌÍ, ƁƐ́ ƁÈ KÉ DYI-DIÈ-ÐƐ̀ ƁÈ KƆÀ ƁÓ DYÍƐƐ GƆ̃̀ JÙ:

• Ðɛ́ mɔ̀ kpáná ɓɛ́ ɔ nì ɖé à nyíí-ɖɛ̀ tò jè dyí-sɔ́-sɔ́ múɛ́?

  Nì gɔ̃̀-jù-wùɖùɔ̀

• Xwɛ̀ nyɔ ɖíɛ́ ɓè nyu ké wa “po wíɖí ɖò wáká” kɛ́?

  Nì gɔ̃̀-jù-wùɖùɔ̀