ˈSaa Lagɔ yɩbhä bhä ˈnɩ?
Lagɔ yɩbhä nɩɩ, -a nɩ -bhölɩnɩ ˈkwädlɩkwädlɩnɩ ˈtɩɩglɩnɔɔ -ɲɛ ˈmäna ˈsɔ ˈmö -mä ˈbhlɩ a -bhlɩɩ ˈmö, mäˈä dʋdʋ ˈwʋ!
-N yi -kamä -naɲɩ nimï ˈyɩbhä nɩɩ, ‘sɛɛ -lii ˈla ˈkä bhä ˈyli ˈwlʋnɩ ˈnɩ?’ Biblë lɛ naa, Lagɔ ˈa ˈKämanɔɔ muu ˈkää -lii ˈla ˈyli ˈwälanɩ. Lagɔ yɩbhä nɩɩ, nɩkpa ˈwuë nɩ yɩbhlɩnɩ ˈsaa -lɛ ˈɔ ˈKämanɔɔ ˈn ˈsaa ɔ yɩbhää -aa dɔˈwʋ.—Psaume 37:11, 29; Isaïe 9:7.
Lagɔ yɩbhä nɩɩ, -a nɩ ghlɩ bhʋlʋbhlʋ -li a -lii.
Sɛɛ dɩba -ɔ -waa ˈɔ yuëa yɩbhäˈɛ nɩɩ, wa nɩ ghlɩ -li a -lii, -sɩbhä -aa dɩba -ɔ -wʋä -mä ghäyɩ ˈwʋ yɩbhää nɩɩ, -a nɩ -wʋ ˈkwädlɩkwädlɩnɩ ˈmäna ˈmö. (Isaïe 48:17, 18) Ɔ lɛ naa, “sɛɛ Lagɔ yɩbhää, nɩkpɛ a -mɔɔ zʋä -sɩbhää, ɔ yi ˈkwädlɩkwädlɩnɩ -bhölɩ ˈyize.”—1 Zaah 2:17.
Lagɔ yɩbhää nɩɩ sɛɛ nɛnɔɔ dlɩ yɔwʋ, -a nɩ nɛmö -sɩbhä.
Biblë lɛ nɩɩ, -aˈa ˈwälaɲɔɔ yɩbhä “ɔ -kaɲɩ sɛɛ -a ˈkää nɛmö ˈcɩa” nzɩ -a ˈkä “ ˈɔ ˈyio bhli.” (Isaïe 2:2, 3) Ɔ yi a-a “nɩkpa -lɛ -sɛ ˈn wa yiɛ ɔ -nʋa ˈzʋ” nzɩ wa ˈkä ˈsaa ɔ yɩbhää nɩkpa sʋlʋnɩ mäˈä dʋdʋkpäta ˈwuë ˈwʋ.—Tietiewaa 15:14.
Lagɔ yɩbhä nɩɩ -a nɩ -wʋnɩ ˈwʋ -mä ɔ bʋbɔbʋbʋ ˈmö.
Zoova ˈa -tiamö a bʋbɔbʋbʋ ˈnɩɛ nɩkpa ˈylimö dlinɩ, maa wʋ kä ˈŋlɩ ˈn nɩkpa -wʋnɩɛ ˈwʋ. (Zaah 13:35) -Wa ˈcɩa ɔ zɩˈɛ ˈŋwlɩ -ɲɛ ɲɩbhɛlɩ ˈsɔ, sɛ wa ˈkää ˈwʋ -wʋnɩ -mä Lagɔ a bʋbɔbʋbʋ ˈmö ˈnɩ? -A yɩbhä nɩɩ, a nɩ ghlɛnɩ blosu ˈlɛ ˈmö a ˈkʋa yɩbhlɩnɩ.