ˈCƖƐCƖƐKÏBHË 4
-Mɔ -lɛ ɔ Zezwii Klii ˈnɩ?
1. Sɛɛ Zezwii ˈa zɩkpaa tɛɛ ɔ ˈnɩ?
-Yɩ kä ɔ ˈŋlɩ ˈn nɩkpa yinɩ ɔ Zezwii ˈnɩ?—MATIE 11:29; MAAKÖ 10:13-16.
Zezwii ˈnɩɛ -aa sɛ -wʋ, lagɔzuzukwë ɔ glɩnɩ a-a -mä zlɩ ˈmö ˈn ɔ yiɛ bhäla mäˈä dʋdʋ ˈwʋ yi. (Zaah 8:23) Zezwii ˈmö Lagɔ ˈwälaa tɛɛ. Mɔɔ kwänɩɛ Lagɔ ˈn ɔ yiɛ -lii -miˈla ˈwuë ˈwäla. Ɔ ˈyize ˈmö Zoova ˈwälaa ɔɲɩgäsɛ. Nza wa lɔɔ Lagɔ ˈa “yuu -bhʋlʋ -kpɔ” ɔ ˈwälaa ɔɲɩgäsɛ. (Zaah 1:14) Lagɔ -kä bhïlaa yi, Zezwii ˈmö ɔ ghlɛnɩ a-a ˈmö, nza wa lɔˈɛɛ “Lagɔ a ŋli a wɛlɩ.”—-A zɛlɩ Proverbes 8:22, 23, 30 -ɲɛ Kɔlɔɔsɩ 1:15, 16 ˈsɔ ˈmö.
2. ˈSaa kä ɔ ˈŋlɩ ˈn Zezwii yi ɔ mäˈä ˈpɩwʋ yi ˈnɩ?
Malii, Zwiiföylikwi -ɔɔɔ -bhlɛ tɛkäsɛ ɲɩbhɛlʋ a dɛ ghlɛnɩɩ, ˈmö Lagɔ ghlɛnɩɛ ˈmö ˈn ɔ yiɛ ˈɔ yuu mäˈä dʋdʋ ˈwʋ -lɛmö. Zaa Zezwii a dɩba ˈnɩ -bhö -aa sɛ a nɩkpɛ. (Lwiikö 1:30-35) Zezwii yi a-a mäˈä ˈpɩwʋ (1) ɔ -kaɲɩ Lagɔ a -gömö a gbëawɛlɩ sʋlʋnɩ, (2) ɔ ˈkä ˈsaa Lagɔ yɩbhää nʋ nzɩ -a ˈkäˈɛ -abhlɩ -sɩbhä ˈɔ gbäpöö -gänɩmö, -a -kä ˈklɩyɩyɛ ˈmö -wʋ aˈbhë -kë, ˈn (3) ˈɔ zɩkpaa -aaa ˈɲiɲloli ˈmö -kä, ɔ ˈka -aa ˈwlumö ˈwäla, ɔ -kaɲɩ ˈɲiɲloli a “galɛ ˈmö -sɛ.”—-A zɛlɩ Matie 20:28 ˈmö.
3. Sɛ yɩ -wʋ ɔ ˈmö, ˈn Zezwii kä ɔ ɔ ˈkä -aa ˈwlumö ˈku ˈnɩ?
-Lu wa ˈpɛnɩɛ wa ˈkä nɩkpɛ ˈkwie ŋli -sɛ, ˈmö wa laa zetina. (Exode 21:29, 30) Lagɔ ˈwäla a-a nɩkpɛ, ɔˈɔɔ a-a ˈyɩbhä nɩɩ, ɔ ˈku, ˈn ɔ gɔ. Sɛɛ -a -yi ɔ sɛ ˈnɩ? Ɔ ˈɲɛ a-a tɛkänɩkpɛ Adaa ˈdɩ nɩɩ, ɔ -kä ˈsaa Biblë laa “ˈɲiɲloli” nʋ, ˈku ɔ ˈkää ˈku. Zaa Adaa ˈnɩ a-a ˈɲiɲloli nʋʋ, ɔ ˈnaa ˈkä a-a ˈku. (Genèse 2:16, 17; 5:5) Biblë lɛ nɩɩ, Adaa mɔɔ “-lɛmöä” ˈkwie mäˈä ˈpɩwʋ. Mɔɔ ˈpïlanɩɛ ˈɔ yuëa ˈwuë ˈɲiɲlolinʋnwɛ ˈn ɛ ˈpɛnaa ma-a -lɛ ˈkwie mɛ. Nza nɩkpɛ kää ɔ ˈkä -aˈa ˈɲiɲloli a ˈwlumö ˈku, ɔ -kaɲɩ ˈkwie Adaa -lɛmöä ˈwlumö -sɛ.—-A zɛlɩ Ghlɔɔmö 5:12 -ɲɛ Ghlɔɔmö 6:23 ˈsɔ ˈmö.
-Mɔ ˈkä ɔ -aa ˈwlumö ˈku, ɔ -kaɲɩ ˈkwie a galɛ ˈmö -sɛ ˈnɩ? -A -kä ˈkuu, -aɲɩgäsɛ ˈa ˈɲiɲloli a ˈwlumö -a ˈpɛnɩɛ. Nɩkpɛ -ɔ -gwälɩnɩɛ ˈɲiɲloli ˈmö ˈnɩɛ bhɛnɩ ɔ ˈkä ɔ ˈbhɩa ˈa ˈɲiɲloli a ˈwlumö ˈpɛnɩ.—-A zɛlɩ Psaume 49:7-9 ˈmö.
4. -Yɩɲɩ za Zezwii ˈku ɔ ˈnɩ?
Sɛɛ -a kää ˈɲiɲloli ˈmö, Zezwii ˈnɩɛ -sɩbhä ˈɲiɲloli ˈmö -kä. Zaa, ɔˈɔɔ a-a -kä ɔ ˈkä ˈɔ ˈɲiɲloli a za ˈku. Ɔˈɔɔ -bhlɛ tɛkäsɛ ˈɲiɲloli nʋ. Maa -mumuë ˈa ˈɲiɲloli a za Zezwii ˈkuä. Lagɔ -wa ɔ -waɲɩɛ teɲii, nza ɔ tiee ˈɔ yuu ɔ ˈkä -aa ˈwlumö ˈku. Zezwii -wamöɲɩˈɛ teɲii, nza ɔ ˈzʋä ɔ dɩba ˈklʋkpamö, ˈn ɔ yiɛ -aˈa ˈɲiɲloli a za ˈku.—-A zɛlɩ Zaah 3:16 -ɲɛ Ghlɔɔmö 5:18, 19 ˈsɔ ˈmö.
A nɩ ylɛ video -Yɩ kä ɔ ˈŋlɩ ˈn Zezwii yi ɔ ˈku ˈnɩ?
5. ˈSaa Zezwii -wʋ ɔ zɩˈɛ nʋ dɔˈwʋ ˈnɩ?
Zezwii -wʋ a-a mäˈä dʋdʋ ˈwʋ, ɔ yɛmanɩ a-a guzuwa, ɔ -sɛ a-a wa yɛɛ ˈku ˈwë glu, ˈn ɔ yi a-a -wa yɩɛ ˈklɩ ˈwʋ. ˈSaa ɔ ˈkää zɩkö -wa zoo ˈklʋkpamö ˈwlu nʋʋ, ˈmö ˈɔ zɩzɛlii tulaa. (Matie 15:30, 31; Zaah 5:28) Zezwii ˈkuä ˈwë, Lagɔ -sɔɔ glu ˈn ɔ yoo lagɔzuzukwë ˈwʋ ˈzʋa. (1 Piɛlɩ 3:18) Zezwii yiɛ -mä Lagɔ a luukɛ ˈwʋ sɛ glɩ, ɔ ˈkä -mä glɩ -këë, Zoova ˈkɔ dʋdʋkpäta ˈwuë a ˈKämanɩɲɔ ˈwʋ ˈzʋa. (Ebleewaa 10:12, 13) Mɔɔ ˈKämanɩaˈaa zɩˈɛ -mä zlɩ ˈmö. Ɛ ˈtɩtɩ a -tɩtɩ ˈla ˈmö ˈɔ ˈwʋ-bhlinɩwaa biaa -mä bhlɩɩ ˈwuë -gömö.—-A zɛlɩ Daniel 7:13, 14 -ɲɛ Matie 24:14 ˈsɔ ˈmö.
Zezwii yiaˈa -pa ˈɔ ˈKämanɔɔ ˈmö ghlɛnɩ ɔ ˈkä ˈklɩyɩyɛ -ɲɛ -lii ˈwuë -yɩ yɔlɔaɲɩɛ ˈsɔ ˈyli bhɩa. Nɩkpa ˈwuë -wa ˈtɛɛnɩɛ Zezwii dlɩ, ˈn -wa zoo ˈklʋkpamö yi ˈmäna ˈmö -bhölɩnɩ, -mä ˈbhlɩ a -bhlɩɩ ˈmö.—-A zɛlɩ Psaume 37:9-11 ˈmö.