-A -kä lagɔwɛlɩɩ ˈɲɛɛ yi a sɛ -a bhɛnɩɛ -a ˈkä gbä
La Tour de Garde 1er avril
“ˈBɔgʋ -ce ˈlɛ ˈmö -a -wʋä zɩˈɛ nɩkpa ˈwuë ˈɲɛ dɔˈwʋ mäˈä ˈpɩɔ nɩ ˈyli. [ˈƝɔ ˈbɔgʋ kpʋ -ce wa laa Sɛ a ˈlibhï bhä Biblë ˈwʋ ˈnɩ? ˈN ˈyɩbhänɔ kïbhëä -a -wʋä -lɛ wʋ -gömö ˈwʋ. Sɛ Biblë sɛɛ kïbhëa ˈla zɛmö, tulanɔɲɩ ˈylimö -mä 2 Timotee 3:16, nzɩ -n ˈkɔ ˈdɩ ˈɲɛ nɩɩ, ɔ -kä ˈtɛɲɩ kä, ɔ nɩ zɛlɩ ˈɔ ˈbɔgʋʋ kpʋ -ce ˈla ˈmö.] Nɩkpa ˈkɔkɔmlɛ ˈnɩɛ dlɩ ˈwʋ -kä nɩɩ, Biblë sɛ sasɛ saˈa a kïbhï ˈla zɛmö. [Nimïyɩbhäkïbhï -yɩ -wʋa -mä La Tour de Garde a tɛkäkïbhëa ˈmö, tulanɔɲɩ ˈylimö.] Peliodikö ˈlɛ, sɛɛ -n ˈkää -mä -naˈa Biblë ˈmö nimïyɩbhäkïbhï a zɛmösɛna ghlɩɩ -sɩbhä ɛ tulanɩɛ ˈylimö.”
Réveillez-vous ! Avril
“Sɛɛ -mä ˈligbï ˈmö a -li a -bɛ zigbonɩɛ ˈmö, ˈn yɩ ˈɲɛɛ nɩkpa a ˈkɔkɔmlɛ dlɩpänɔɔ, nza -a yeaɲɩɛ zɩˈɛ ˈylimö ˈyɩɛ. Bhlaˈmö a dɔˈwʋ, ˈyuëlowluwaa mʋa ˈkämanɩ a-a ˈwa ˈligbï, maa ɛ ˈkä bhɩɛ nɩɩ yɩ a-a -sɩbhä -wʋ. -Sɩkaa a dɔˈwʋ, ˈyuëa mʋa ˈkämanɩa. -Na dɔˈwʋ, sɛɛ ˈyuëlowluwaa kä a-a wa ˈkä ˈwa ˈyuëa ˈmözlɔmanɩ, -sɩbhä wa zʋ bhä -a? [ˈTatinɔ ˈyi ɔ ˈkä -gömö -sɛ.] Biblë a dɔˈwʋ, ˈyuëa a ˈmözlɔmanɩ zlɔmanɛ, dɛsɛ ɛ kää. [zɛlɩ Proverbes 29:17 ˈmö.] Sɛɛ Biblë gbää wa nɩ zlɔmanɩ ˈyuëa ˈmö a wɛlɩ ˈmö peliodikö nɩ -sɛnɩɛ ˈmö.”