Nimïyɩbhäkïbhï a Zɛmösɛna

◼ -A -ɲɛ nɩkpɛ -kä Biblë ˈcɩɛ dɔˈwʋ -wʋ, ˈsaa ˈkä ɔ ˈŋlɩ -kä ˈn -a ˈkä ɔ Biblë a ˈcɩacɩʋ ˈnigba ˈnɩ?

Nɩkpɛ -n -ɲɛ -wʋä Biblë ˈcɩɛ dɔˈwʋ ˈnɩˈaa lagɔwɛlɩ a dɔˈwʋ ˈyukusɛ mö dɔˈwʋ -wʋʋ, -n bhɛnɩ -n ˈkä ˈnɛgösɛ -n -ɲɔɔ ˈsɔ a Biblë a ˈcɩɛcɩʋ ˈnigba. (Mat. 10:11) -N ˈkää ˈyli köbha: Ɔ zʋ bhä ˈgïle a ˈkää ˈmö ˈcɩɛ ˈklʋkpamö -a? Ɔ ylɩ bhä ˈkïbhï a ˈkää ˈcɩɛ ɔɲɩ -bhlʋ yɔwʋ ˈwë -n ˈkä bhäla yi -a? Ɔ yɛ bhä tɛkäsɛ -zɩkpa ˈmö a ˈwluyɩbhäyɩbhɩɩ -mimii ˈwʋ ˈmämö -a? ˈSaa ɔ cɩɛɛ ɔ ˈɲi bhä -mumuë -a? Ɔ yɛ bhä Biblë a ˈpäpägböö a ˈklʋkpamözʋzwɛ tɛɛ -a? Ylɩɩ ˈɔ ylʋbö -ɲɛ ˈsaa ɔ bhɛnɩɛ ɔ ˈkä nʋ ˈsɔ ˈwʋ. Yɩbhlɩnɩ sɛ nɩɩ nɩkpa ˈwuë ˈnɩɛ sɛ -bhlʋ -kpɔ ˈwʋ ˈpäpänɩ wa ˈkä ˈyukusɛ mö lagɛwɛlɩɩ a dɔˈwʋ. -N -kä ˈcɩɛcɩʋ ˈla ˈnigba, tɔ ˈwʋ ylɛ ˈlɩlɩlɩ. Maa, sɛ -n ˈkää zʋ nzɩ ɔ ˈkä zɩkö ˈcɩɛcɩʋ ˈwʋ ˈsɔ tɛɛnɩ ɔ -kä yɩbhää, -sɩbhä -n nɩ zʋ.​—1 Tim. 2:4.