“-A nɩ nɛmönɩ -mä Zoova ˈa gböö ˈmö”

-A ˈkä Zoova ˈa gböö ˈmö nɛmönɩ, mii sɛɛ zɛmö nɩɩ -aɲɩgäsɛ -a ˈkä ˈwʋ ŋlu ɔ -kaɲɩ -su, -a ˈkä ˈɔ ˈdɩmözʋwɛlɩɩ -gänɩ. Nɩkpa a -bɛ -waɲɩ ˈgbäpöö -a ˈkää -gänɩɩ, -wa nɛmönɩ a-a Zoova ˈa gböö ˈmö ˈn wa ˈtɛɛnɔ a-a dlɩ psaume a ˈcɛlɩɲɔ a sa, wa wɛlɩ wʋ -mä Biblë ˈmö.

-Aˈa sɛ -a nɛmönɩɛ Lagɔ ˈa gböö ˈmö, -sɩbhä ma-a ˈkää ˈŋlɩ -kä -a ˈkä -tiamö a -jɔlʋ ghlɩ

119:1-8

Zozwie, Zoova ˈmö ɔ ˈtatinɩ a-a ˈyi ɔ ˈkɔ -su, mii tula nɩɩ ɔ ˈtɛɛnɔ a-a teɲii dlɩ. Ɔ -yi a-a sɛ nɩɩ ɔ -kä ɔ ˈkä ˈmäna ˈmö -bhölɩnɩ ˈn ˈɔ nʋnʋlii ˈwuë ˈkä ˈwʋ plɩ a dɔˈwʋ, ɔ kä a-a ɔ ˈkä -tiasɛ Zoova dlɩ ˈtɛɛnɩ

Lagɔ ˈa wɛlɩɩ mii -ɲɩaɲɩɛ ˈmötɛɛnɔɔ ˈn -a plɩɛ mäˈä ˈpɩwʋ a -lizoku -yɩ ghlɩɲɩɛ ˈwlu

119:33-40

Zelemii -wʋ a-a teɲii ˈklɩ ˈyɩ dɔˈwʋ, ɔ ˈtɛmanɩ a-a ˈyli yɔwʋ ˈn ɔ ˈtɛɛnɩ a-a Zoova dlɩ. ˈƆ zɩkpa ˈmö, ɔˈɔ a-a -lii ˈkädɩ sɛ tɛlɩ maa ˈɔ lagɔlibho ˈkä ˈyukusɛ mö cuu, ˈmö ɔ tɛlɩ a-a sɛ

Lagɔ ˈa wɛlɩɩ -a -yiɛ, mii kää ˈŋlɩ ˈn -aˈa dila ˈtɛɛ ˈwʋ ˈn -a ˈɲɛɛ nɩkpa lagɔwɛlɩɩ

119:41-48

Pɔɔlʋ ˈkä nɩkpa a ˈki ˈwuë lagɔwɛlɩɩ ˈɲɛ a dɔˈwʋ, ɔˈɔ a-a tɛkäsɛ aˈbhë ŋänɩ. Ɔ -yi a-a sɛ nɩɩ Zoova yo a-a kwänɩ, nza ɔ ˈtɛmanɩɛ ˈyli yɔwʋ ˈn ɔ yiɛ -gɔmla ˈkɔdɔ Felisɩ lagɔwɛlɩɩ ˈɲɛ

N -kä -mumuë lagɔwɛlɩɩ ˈɲɛ dɔˈwʋ -wʋ, ki -miɲɩ ˈmö n ˈkä ɔ tula nɩɩ, n ˈtɛɛnɩ Lagɔ dlɩ ˈnɩ?

• -Suku

• Libho

• Na ˈligbë ˈmö a -nʋa

• -Mumuë