Nɩkpaa -waa -zu ˈmö ɔ ghlɛnɩɛ ˈmö ˈɔ yiɛ nɩkpa ˈkɔkɔmlɛ lile ˈɲɛ

ˈYlʋbaa wa laa 32 ˈmö Z.G., dɛɛ Paakö a ˈfɛtɩɩ -wʋä ghlɛ dɔˈwʋ, zɩzɛ Zezwii ˈpää, Biblë a ˈbɔgwɩɩ -mʋäna -kpɔ wa laa Vazi ˈmö, ˈɔ zɩzɛ ˈwuë a glaˈmö, ɛ ˈyize a wɛlɩɩ ˈmö wa ghlɩɛ -mä.

Zɩzɛ ˈla ˈmö ɔ ghlɛnɩɛ ˈmö, ˈɔ yiɛ -lu -bhlʋ sɛ ˈgïla, ˈmö ɔ -gänɩɛ -bhlɛ zɩˈɛ ˈyize.

14:16-21

• Zezwii ˈa ˈwʋ-bhlinɩwaa, ˈfɔlɔbhï ngbï ˈn zibhïya ˈsɔ a ˈyize ˈmö wa -su a-a, maa ɔ -lɛ nɩɩ, wa nɩ ˈɲɛ nɩkpa ˈkɔkɔmlɛ lile.

• Zezwii ˈlibhïä ˈfɔlɔɔ -ɲɛ zibhï ˈla ˈsɔ ˈwʋ, ɔ bhibhee ˈwë, ˈɔ yiɛ ˈɔ ˈwʋ-bhlinɩwaa dilanɩ ˈn wa yiˈɛɛ wabhlɩ nɩkpa a -bʋbʋ dilanɩ.

• -Yɩ sɛɛ zuzu -gömö aˈbhë, mɩɛ nɩɩ, wa li -këë ˈn lilea yiɛ ˈwʋ tʋʋ. Zezwii, ˈɔ ˈwʋ-bhlinɩwaa -waa -zu, ˈmö ɔ ghlɛnɩɛ ˈmö ˈn ɔ yiɛ nɩkpa a mila a -bɛ lia.

  

• Zezwii nʋ a-a -pa nɩɩ, ˈpɩwʋ a ˈylibhɩɛtɛɲɩɩ ˈmö, ɔ yi libhonʋɲɔ -lɛ -sɛ, ɔ ˈkää ˈmö ghlɛnɩ nzɩ ɔ ˈkä ɔ -nʋa ‘lile dilanɩ, lilitɛɲɩ -kä ghlɛ.’​—Mt 24:45

• 1919 a ˈylʋba ˈmö, -lɛ Zezwii ˈgïlaa lagɔdaayuë -wa sa-a -lɛ a -zɩkpa ˈtikëyi sɛ, wa laa “Sasɛ libhonʋɲɔ -ɔ ˈnɛɛ,” wa ˈkä “ˈɔ libhonʋwaa” -muëˈla lile ˈɲɛ.

• Lagɔdaayuëa -wa sa-a -lɛ a -zɩkpa ˈtikëyi ˈla, ˈmö ɔ ghlɛnɩɛ ˈmö ˈn ɔ -gänɩɛ ˈsaa ɔ ˈgïlaa tɛkäklɩtɩɛwaa a ˈtɛɲɩ ˈmö sɛ.

-Zɩkpaa Zezwii ghlɛnɩɛ ˈmö ˈn ɔ ɲɛɛ ɔ -nʋa ˈwugɔmʋsɛ a lilea, sɛ n ˈkä ɔ tula nɩɩ, n yɩbhlɩni nɩɩ mɔɔ ˈgïlaa sɛ, ˈn n kä wa ˈklʋkpa?