-A nɩ kä ˈslɛlɛ -mä -aˈa lagɔwɛlɩbialibhoo ˈmö: Ghlɛnɩ sasɛ nimïyɩbhäkïbhï ˈmö

ˈSAA KÄÄ ˈŊLƖ ˈN YƖ KÄÄ DƐSƐ: “Nɩkpɛ a dlɩ zɛmö a wɛlɩɩ ˈkä -bhɩɛ ˈɲibhë -a ˈbhʋɔɔ ˈmö a ˈɲu,” zaa, nimïyɩbhäkïbhï ˈkä -bhɩɛ ˈsɔlu wa ˈlunɩɛ ˈmö. Yɩ bhɛ ˈn -a -yiɛ nɩkpɛ a dlɩpäsaa. (Pr 20:5) Yɩ yi ˈŋlɩ -kä, wa -yiɲɩ ˈyukwli -pʋnɩ. -A -kɔɔ -sɩbhä a ˈkïbhë ˈwʋ ˈyɩbhänɩ, sɛ ɔ ˈkää gbä -yiɲɩ kwänɩ, -a yi ˈɔ dlɩpäsaa -yi. -Sɩbhä Zezwii zʋä. Sɛ -a ˈkɔ ɔ ˈtitanɩ ˈnɩ?

SƐ -A ˈKÄÄ ZƲ:

• ˈYɩbhɔ nimï -n ˈkä ˈɔ dlɩpäsaa -yi. Nimïyɩbhäkïbhï a ˈki a -bɛ, ˈmö Zezwii ˈyɩbhänɩɛ ˈɔ ˈwʋ-bhlinɩwaa ˈwʋ, ­ɔ ˈkä sɛ wa pää dlɩ -yi. (Mt 16:13-​16; be-F 238 § 3-5) Sɛ -n ˈkʋa ɔ nimï ˈyɩbhä, -n ˈkä ˈwa dlɩpäsaa -yi ˈnɩ?

• ˈKibhë -a ˈkɔɔ dlɩ ˈmö zlɔmanɩ. Zezwii ˈkä Piɛlɩ a dlɩpäsaa ˈmö zlɔmanɩ a za, ˈkibhï ɔ ˈyɩbhänɔɔ ˈwʋ. ˈN ɔ yiɛ Piɛlɩ zɛmösɛna a ˈki ˈsɔ ˈylimö tulanɩ, ɔ ˈkä -a nɛnɩɛ -lɛ -sɛ, nzɩ ɔ ˈkäa sasɛ wɛlɩɩ ɔ -wɔɔ ˈɲɛ dɔˈwʋ ˈmö ˈnʋ. (Mt 17:24-​26) Sɛ -n ˈkɔ ɔ nimï ˈyɩbhä nzɩ -n ˈkɔ kwänɩ ɔ ˈkä -naˈa wɛlɩɩ ˈmö ˈnʋ?

• Bhɩzɩ -ɔ -pʋnɩmöä ˈyukwli. Moyizɩ ˈa gböö a ‘ˈcɩaɲɔ -bhlʋ bhïlaa sasɛ,’ ˈn Zezwii yoo bhɩzɩ. (Mk 12:34) -N -kä nɩkpɛ ˈkïbhë ˈwʋ ˈyɩbhänɩ, ɔ -kaa zɛmö -sɛ ˈwë, sɛ -n ˈkɔ ɔ bhɩzɩ ˈnɩ?

A NƖ YLƐ VIDEO WA LAA -A NƖ NƲ ZEZWII ˈA LIBHO Ɔ NƲ A-A: -A NƖ BIA LAGƆWƐLƖƖ, A TƐKÄPƖƆƆ ˈN A NƖ YƖLƖ KÏBHÏ ˈLƐ YƆWƲ:

• Wɛlɩ ˈlɛ kä abhlɩ gbëaa ˈmö maa, -yɩ kä ɔ ˈŋlɩ ˈn yɩ -lɛ ɔ ˈcɩawɛlɩɩ a -mi ˈnɩɛ dɛsɛ -kä ˈnɩ?

• -Yɩ kä ɔ ˈŋlɩ ˈn -a ˈnɩ ɔ -kä -a ˈkɔ wɛlɩ ˈla dlɩ -gömö -sɛsɛnɩ cuu nzɩ -a ˈkä -lɛ ˈbhlenɩ?

A NƖ YLƐ VIDEO ˈLA A ˈSƆNAPƖƆƆ ˈN A NƖ YƖLƖ KÏBHÏ NƖ YƆWƲ:

• Sɛɛ lagɔdaayuu ghlɛnɩ ɔ sasɛ nimïyɩbhäkïbhï ˈmö ˈnɩ?

• ˈƆ ˈcɩacɩasaa a ke -ma -a bhɛnɩ ɔ -a ˈkä -gänɩˈɛ?