ˈCɩɛcɩɛ-kïbhëa 16

A sɛɛ a gbää a ˈkä Lagɔ bʋbɔ

ˈSaa a ˈkä bhä nʋ, nzɩ a ˈkä Lagɔ a bheyi ˈzʋ ˈnɩ? (1, 2)

Sɛ a ˈkä bhä anyɩ Lagɔ yowʋ ˈnyɛ ˈnɩ? (1)

-Zlɩmɛ a ˈkä bhä badizee ˈnɩ? (2)

Sɛ a ˈkä bhä ˈmötɛɛnɔ ghlɩ, a ˈkä ˈkwädlɩ Lagɔ dlɩ ˈtɛɛnɩ ˈnɩ? (3)

1. A kä a ˈkä Lagɔ a bheyi zʋ nʋʋ, -mä Biblë ˈmö a -tiawɛlɩɩ ˈmö a kää a ˈkä sasɛ yɩbhlɩnɩ. (1 Timotee 2:3, 4) -Lii a ˈcɩɛ daˈa a nɩ ˈtɛɛnɩ dlɩ, (Ebleewaa 1:6) a kä a ˈkä ˈa ˈnyinylolii a gbʋ kɛˈmö -sɛ, (Tietiewaa a wɛlɩɩ 17:30, 31) nzɩ a ˈkä ˈa -wʋwʋsazokwëa kɛˈmö -sɛ. (Tietiewaa a wɛlɩɩ 3:19) A Lagɔ a -wawʋ, yeanyɩ -mä ˈsunɩ, nzɩ a ˈkä anyɩ Lagɔ yowʋ ˈnyɛ. A ˈkä anyɩ Lagɔ yowʋ ˈnyɛ miɛ nɩɩ, dɛ -bhlʋ dɛɛ nɩkpɛ ˈnɩɛ -wʋ, -lɩbhä a möä ˈn a bhibhenɩɛ -lɛ Lagɔ, ˈn a nyɔɔ ˈdɩ nɩɩ anyɩ a nyɔɔ yowʋ, nzɩ a ˈkä ˈsaa ɔ yɩbhää nʋ.—Matie 16:24; 22:37.

2. A -kä anyɩ Lagɔ yowʋ ˈnyɛ ˈwëë, a kä a ˈkä badizee. (Matie 28:19, 20) -Mä ˈa batɛmöö ˈmö -mä a tulanɩɛ nɩkpa ˈylimö nɩɩ, a yɛ anyɩ Zoova yowʋ ˈnyɛ. Nɩkpa kädɩɩ -wa ˈnɛɛnɩɛ ˈylimö -wa bhɛnɩɛ wa ˈkä wanyɩ Lagɔ yowʋ ˈnyɛɛ, wa ˈyize ˈmö wa badizee, maa ɛˈɛ -bhö ˈyuë ˈpɩpɩɩ muë. Wa -kä badizee nʋʋ, -mä ˈnyu ˈmö -mä wa mlänɩɛ tɛkäsɛ ˈwlu ˈwëë, ˈn wa ˈwlʋä bhäla -mä.a—Maakö 1:9, 10; Tietiewaa a wɛlɩɩ 8:36.

3. A -kä anyɩ Lagɔ yowʋ ˈnyɛ ˈwëë, Zoova ˈyɩbhää nɩɩ, a sɛɛ a gbä a-a a ˈkɔ bʋbɔ, ˈa nɛmönɛmösaa nɩ tulanɩ -sɩbhä ˈylimö. (Psaume 50:14; Ecclésiaste 5:4, 5) Maa Sataa ˈnaa ˈkä nglu a ˈkä Zoova bʋbɔ. (1 Piɛlɩ 5:8) Maa a nɩ ˈgïa a dilaa Lagɔ ˈyi -mä bhibhebhibhiu ˈmö. (Filiipö a -nʋa 4:6, 7) A nɩ ˈcɩɛ ˈkwädlɩ lagɔwɛlɩɩ. (Psaume 1:1-3) A nɩ -glɛ ˈkwädlɩ -zɩkpa ˈmö a -nʋa ˈwʋ. (Ebleewaa 13:17) A -kä -lii ˈla ˈwuë nʋʋ, mɩɩ kanyɩɛ ˈmötɛɛnɔɔ ˈnyɛ, nzɩ a ˈkä Lagɔ dlɩ tɛɛnɩ ˈyize. A -kä -sɩbhä ˈzʋ, ˈsaa Lagɔ yɩbhää a nɩ nʋʋ, ˈmö a ˈkää ˈkwädlɩkwädlɩnɩ nʋ.

[Kpʋ zɛmö ˈa ˈkïbhëa]