-Lu ˈlululu -a ˈkäˈa -sɩkaa ˈmö ghlɛnɩ -a ˈkä ˈdɩsɛsʋ tɛɛ

Tɛɛnɩ ˈylʋba wa laa 2016 a zavie ˈmö, La Tour de Garde nɩkpa ˈwuë bhɛnɩɛ wa ˈkä ˈmö zɛlɩ, a ˈgbëbhlenɩkpʋ ˈklʋ a kïbhëa -a nʋä “Que dit la Bible” ˈmö wa ˈkäa ˈkwädlɩ -lɛ ˈzʋ. -Sɩbhä a -lu ˈla wa zʋä -mä ˈlili ˈwʋ, wʋ -kaɲɩ kwänɩ -a -ɲɛ nɩkpa ˈkä ˈdɩsɛsʋ -wʋ ˈbhöönɩɛ -mä Biblë ˈmö tɛɛ nza wa cɛlɩɛ ˈkïbhëa ˈla. Sɛɛ kpɩɩ -wʋä -sɩbhä wʋ -wʋä. -Lɛ kpʋ ˈla ˈklʋ, sɛɛ nɩkpɛ pää dlɩ a ˈkïbhëa -n ˈkɔɔ ˈwʋ yɩbhänɩ, Biblë a gbɛlʋ -wʋ ˈkaa zɛmösɛɛ ˈn ˈkïbhï -mimii a ˈkää ˈmö ghlɛnɩ nzɩ a ˈkä ˈdɩ -sɛ, yɩ ˈwuë yɩ cɛlɩ -mä.

ˈDɩsɛsʋ -wʋ ˈbhöönɩɛ -mä Biblë ˈmö, -wʋ -bhöä ˈmäna ˈwʋ, -wʋ ˈkää ˈŋlɩ -kä -n ˈkä nɩkpa Biblë ˈcɩa, ˈmö wʋ glɩnɩɛ. -Lu ˈla -wʋ ˈwlʋä ˈlili ˈwʋ zɛmö, -a nɩ ghlɛnʋ ˈmö nzɩ -a ˈkä nɩkpa -wa yɩbhää wa ˈkä lagɔwɛlɩɩ ˈmö ˈnʋ kwänɩ.​—Mt 5:6.

SƐ -A ˈKƲÄ ˈMÖ GHLƐNƖ:

1. Nimïyɩbhäkïbhï a glaˈmö a -naa -bhlʋ a dɔˈwʋ, sɛɛ ˈligbëlowli ˈpää dlɩ, ˈyɩbhänɔ -sɩbhä a ˈkïbhë ˈwʋ

2. -Pʋnɔ ˈyukwli nzɩ sɛ ɔ gbää -n ˈkɩ ˈmö ˈnʋ

3. Kïbhëa -a nʋä “Que dit la Bible” a zɛmö a Biblë a gbɛlʋ wa zʋä -lɛ, zɛlʋ ˈmö. -N -kä ˈmö zɛlɩ ˈwë, ˈyɩbhɔ nimï sɛ ɔ ˈpää dlɩ. ˈN ɔ -kä ˈtɛɲɩ -kää, dɛ wa zʋä “Ce que la Bible dit encore à ce sujet?” a kïbhëa -a -wʋä -lɛ, a nɩ yɩlɩ a yɔwʋ

4. ˈƝɛ peliodikö

5. Sɛɛ -n ˈkää zʋ -n ˈkäa ˈwʋ ˈsɔ yiɲɩ nzɩ a ˈkä nimïyɩbhäkïbhë ˈsɔna yɔwʋ ylɩɩ, zʋ -sɩbhä