Sɛɛ -n ˈkää ˈzʋ nzɩ -naˈa bhïlawɛlɩɩ ˈkä nɛnɩ

ˈN -a -kä sasɛ ˈmö -sɛnɩ -mä ˈwluyɩbhäyɩbhʋ ˈwʋ, lagɔzɩkpa ˈmö a -nʋa ˈmö yɩ pää swɩ ɲɛmʋ ˈmö. (Gh 14:19) ˈN yɩ nʋˈɛ -wa sɛnɩɛ wɛlɩ ˈla ˈmö -li a -lii ˈwlu. (Pr 15:23, 28) Zaa, ˈwluyɩbhäyɩbhɩ ˈwuë ˈwʋ, -a kä -a ˈkä bhïlamö, ɛ yi ˈwʋ -bhlʋ aˈbhë -kë. Zlɩ -mɛmɛɛ ˈmö, -a -kä sɔ ghäyɩ ˈpää, wa ˈnaa -kaɲɩ wɛlɩ ˈwʋ ˈpä. -Sɩbhä a za, -a nɩ gïganɩ ˈkïbhï a -bɛ ˈwlu.

Bhïlawɛlɩ -yɩ nɛnɩɛ . . .

• yɩɛ dlɩ ˈyli kla, ˈmö yɩ ˈnuoo, ˈn yɩɛ ˈmö ˈbhʋɔ. ˈLɩlɩlɩ a dɔˈwʋ, -aa ˈsaa -a ˈkää bhïla ˈnɩɛ -kä yɩ ˈkä segɔdia 30 ˈwʋ ˈmɩɛ

• -aɲɩgäsɛ a sɛ -a bhɛnɩɛ -a ˈkä gbä, -a -kii sɛ tɛlɩ, mii nɛnɩɛ

• ˈsaa -mɔmɔɔ yɛ a-a bhïla ˈwë, tɩ ˈwʋ ˈsɔ bhïlanɩ

ˈN wa -kamö tɛɛ wɛlɩ ˈwʋ ˈpä . . .

• nimïyɩbhäkïbhëa a zɛmösɛna ˈmö -n nɩ ˈɲɛ cuu

ˈN -mɔmɔɔ -kä nimïyɩbhäkïbhëa a zɛmösɛna ˈɲɛ ˈwë, -n bhɛnɩ -n ˈkä . . .

• sɛɛ Biblë ˈa gbɛlʋ wa zʋä -mä -glɛɛ ˈkïbhëa -a -wʋä ˈcɩɛ dɔˈwʋ ˈwʋ, bhïla yɩ wɛlɩ

• sɛɛ ˈkïbhëa ˈla bhɛnɩɛ a -kaɲɩ -li a -lii ˈwlu nʋ -mä -aˈa zɩkpa ˈmö, bhïla yɩ wɛlɩ

• sɛɛ -a bhɛnɩɛ -a ˈkä ˈsaa -a cɩɛ libho ˈmö nʋnɩ, bhïla yɩ wɛlɩ

• -lii -yɩ plɩɛ dɛ -mämaa ˈwʋ -n -yiɛ, sɛɛ yɩ pɩɛnɩɛ kïbhëa -a -wʋä cɩɛ dɔˈwʋ ˈwʋ, bhïla yɩ wɛlɩ