-A nɩ -gänɩ Zezwii ˈa gbäpöö ˈtɩɩ

-A -kä ˈklɩyɩyɛ ˈmö -wʋ, wa -kaɲɩˈɛ -gblɩ, -a nɩ -gänɩ Zezwii ˈa gbäpöö. (1P 2:​21-​23)Wa nɛpɔ a-a Zezwii, dɛ wa ˈyɩɔ ˈklɩ aˈbhë, ɔˈɔɔ ɔɲɩ a kpa -sɛ. (Mk 15:29-​32) ˈSaa kwänɔɔ bhä ˈn ɔ yi ɔ ˈmlɩ ˈkunɩ ˈnɩ? Ɔ yɩbhä a-a ɔ ˈkä ˈɔ dlɩ ˈwuë ˈmö ˈsaa Zoova yɩbhää nʋ. (Zh 6:​38) “ˈMäna ˈkäda Lagɔ ˈkɔ a-a bhäla ˈlɩbha” ˈmö ɔ pä a-a ˈwʋ dlɩ.​—Eb 12:2.

ˈN wa -kaɲɩ ˈzwɩ zia -aˈa Lagɔ a dlɩtɛɛnɩtɛnɛ a za, sɛ -a ˈkä ɔ ˈzʋ ˈnɩ? -Tiamö a Klɩtɩɛwaa, nɩkpɛ -kʋä ‘-lizoku ˈwlu ˈnʋ, wa ˈnɔɔ -lizoku ˈwlu nʋmö.’ (Gh 12:14, 17) Sɛɛ Zezwii ˈkunɩɛ ˈmlɩ, -a -kä -sɩbhä ˈɔ gbäpöö -gänɩ, ˈmäna nɩ lɩbhaɲɩ. Ɛˈɛ -bhö ɲɩasɛ, maa mii nɛnɩɛ Lagɔ dlɩ yɔwʋ.​—Mt 5:​10-​12; 1P 4:​12-​14.

A NƖ YLƐ VIDEO WA LAA RIEN N’EST PLUS IMPORTANT QUE LE NOM DE JÉHOVAH, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• Dɛɛ -aa ŋlʋdaayu Pötzingera Gertrud -wʋ a-a ɔ ˈyize ˈɔ de -mä-jie ˈmö, sɛ ɔ nʋnɩ ɔ ˈnɛɛnɩsɛ ˈɔ ˈtɛɲɩ libhoo ˈmö ˈnɩ?

• Mää wa kwä -daayu Martin Pötzinger -ɲɛ ɔ ˈlɛŋlɛ ˈsɔ, ˈklɩ a -mɛ wa ˈyɩ ɔ -mä ˈnɩ?

• ˈSaa kwänuë ɔ ˈn wa yi ɔ ˈmlɩ ˈkunɩ ˈnɩ?