-N yɩ ɔ Lagɔ ˈa -wʋwʋsaa a ki ˈylɩmö -a?

-Titii a fɩfɩɩ a ˈylimönanɔɔ, -mä zlɩ ˈmö a -zɛlɩ, ˈn ˈɲudɔlʋ -wʋ ghlɛnɩɛ -gägö jijoˈwʋ, -n -kɩɩ ˈwʋ yɩlɩ, -n yɩ bhä -aˈa ˈwälaɲɔɔ a libhoo ɔ nʋä ˈylɩmö -a? Zoova, -mä ˈɔ -bhɛbhɛlii ˈmö -mä ɔ tulanɩɲɩɛ ˈɔ -wʋwʋsaa a ki ˈylimö. (Gh 1:20) -Lii Lagɔ ˈwälaa, -a -kɩɩ dlɩ kɛ ˈpänɩ, ˈɔ ˈmötɛɛnɔɔ, ˈɔ -wawʋʋ, ˈɔ ˈnɛɛnɔɔ, ˈɔ kɛgänɔɔ ˈn sɛ ɔ -wʋä -kpöö ˈwʋ, ˈmö -a yɩɛ ˈylɩmö cuu.—Ps 104:24.

Zoova ˈa -bhɛbhɛlii -mi -n yɩ ɔ zila ˈwuë ˈmö ˈylɩmö ˈnɩ? -Mä glɔ ˈmö, -a yɩ zɩɩ -ɲɛ swi ˈsɔ ˈylɩmö. ˈN -a -kä teɲii Zoova ˈa -bhɛbhɛlii ylɛ, -a -kɩɩ dlɩ kɛ ˈpänɩ, -a ˈnaa ˈkäa teɲii dlɩpänɔɔ ˈmö -wʋ, -lii -yɩ kää dɛsɛ Zoova a ˈyila ˈklʋ, mö -a ˈkää -aˈa dila ˈwʋ glɛ. ˈN -aˈa Lagɔ a dlɩtɛɛnɩtɛnɛ yi ˈmö ˈtumanɩ. -A yi dlɩ ˈwʋ -kä nɩɩ, ɔ -yiɲɩ ˈkwädlɩkwädlɩnɩ -su. (Mt 6:25-32) A -kä ˈyuë -kä, A nɩ kwänuë wa ˈkä Zoova ˈa -wʋwʋsaa a ki -yɩɛ -sɩbhä a sɛ -wʋ ˈylɩmö. Sɛɛ Lagɔ ˈa -bhɛbhɛlii zʋʋɲɩɛ ˈmäna dlɩ zɛmö ˈyize, -sɩbhä -a ˈdionɔɔ yɔwʋ ˈyize. —Ps 8:3, 4.

A NƖ YLƐ VIDEO WA LAA ˈYLIMÖNANƖLII LAGƆ ˈWÄLAA -YƖƐ -SƖBHÄ A SƐ -WƲ, MII TULAA ˈƆ ˈGHÏLINƆƆ: LƖLƐ ˈN SƐƐ -LU A KPÖKPAA -WƲÄ, ˈN A NƖ YƖLƖƖ NIMÏYƖBHÄKÏBHÏ ˈLƐ YƆWƲ:

• -Lu a kpökpaa -kä yulu, a -kä -zɛ, -yɩ kä ɔ ˈŋlɩ ˈn -a yɩbhlɩnɩ ɔ wʋ kpökpaa ˈnɩ?

• -A -kä -lu ylɛ -këë, ˈn -a -kä pɩɔ -mumuu ˈyli ˈplɩnɩ, -yɩ kä ɔ ˈŋlɩ ˈn wʋ kpökpaa zigbonɩ ɔ ˈmö ˈnɩ?

• -Mä zlɩ ˈmö a -lii ˈwuë, -yɩ kä ɔ ˈŋlɩ ˈn yɩ ˈnɩ ɔ kpökpaa ˈwʋ -gbɔ ˈnɩ?

• Dɛɛ -n glɩɛ, Lagɔ ˈa -bhɛbhɛlii -miɲɩ kpökpaa nɛnɩ ɔ teɲii ˈylimö, -n ˈyɩ ɔ ˈylɩmö ˈnɩ?

• -Yɩ kä ɔ ˈŋlɩ ˈn -a ˈkä ɔ ˈtɛɲɩ ˈwʋ ˈlibhï nzɩ -a ˈkä ˈpɩwʋ a -lii Lagɔ ˈwälaa sasɛ ylɛ ˈnɩ?