“-Mä lagɔzɩkpö ˈmö, -sɛ nɩkpa -wa ˈkää ˈyukugänɩwa ˈzʋ”

Ti 1:5-9

Sɛˈɛ Pɔɔlʋ ˈɲɛɛ Tiitɩ ˈdɩ nɩɩ, ‘-mä -gwlɩɩ -gömö, Zezwii a -nʋa a -zɩkpö -yɩ -wʋä -mä, ɔ nɩ -sɛ yɩ ˈyugänɩwa.’ Biblë ˈmö a wɛlɩ ˈla, ˈmö pɩɩ a ˈwʋdɩdɩwaa -gänɩ zɩˈɛ, ˈn wa sɛɛ lagɔzɩkpö ˈmö a ˈyukugänɩwaa.

-MUË -GÄNƖƐ -AˈA ˈWLUGÏGANƖZƖKPAA ˈYUKU

Tɛkäklɩtɩɛwaa a saa, -muë -gänɩɛ -aˈa ˈwlugïganɩzɩkpaa ˈyuku, -sɩbhä wa zʋä zɩˈɛ. Mʋa tiee pɩɩ a ˈwʋdɩdɩwaa ˈn wa möä -mä lagɔzɩkpö ˈmö, ˈwa ˈzʋa -mumuë ˈyukugänɩwaa ˈwʋ, ˈn -mumuë ˈyukugänɩwaa a ˈyliwʋwaa ˈwʋ.

PƖƖ A ˈWƲDƖDƖWAA

ˈWʋdɩdɩwaa -kä nɩkpɛ ˈyukugänɩɲɔ ˈwʋ ˈzʋa yii, sɛɛ ˈyukugänɩwa -muëˈla ˈɲʋa ˈdɩ, wa kä wa ˈkɩ sasɛ yɔwʋ yɩlɩ, wa ˈkä Lagɔ bhibhë ˈwë, nzɩ wa ˈkɔa bhäla ˈyukugänɩɲɔ ˈwʋ ˈzʋa.

WA ˈZƲAA ˈYUKUGÄNƖWA ˈWƲ

Wa yi lagɔdaayuë ˈyukugänɩwa ˈwʋ ˈzʋa ˈwë aˈbhë -kë, sɛɛ Biblë gbää wa nɩ -wʋ, wa kä wa ˈkä -sɩbhä -wʋ ˈyize.