-Li a -li -a nʋä, wa ˈnaa ˈkɩ ˈkwädlɩ ˈwʋ dlʋ

-Li a -li a -mi nɩkpɛ ˈnaa ˈkää ˈkwädlɩ ˈwʋ dlʋ, Zoova a -nʋa ˈwuë bhɛnɩ wa ˈkɩ nʋ. Dɩba -ɔ -wa ˈɔ yuëa, wa -kä -li a -lii nʋ, ɔ ˈniɛ ˈwʋ dlʋ. Saa -bhlʋ -kpɔ ˈla, -sɩbhä Zoova -wʋä. -Aˈa libhoo ˈwuë -a nʋä ˈn sɛ -a tulaa nɩɩ -a -wɔɔ, ɔ ˈnaa ˈkɩ -zɩ ˈwʋ dlʋ. (Mt 6:20; Eb 6:10) ˈLɩlɩlɩ a dɔˈwʋ, -aa ˈwuë, -aaa ˈmö ˈmlɩnɩ, ˈn ki -a -wʋä ˈmö, bhʋlʋbhlʋ yɩ -wʋä. Maa, -a -kä ˈmö ˈtɛmanɩ ˈn -a -kä Zoova ˈa libhoo nʋ, -a bhɛnɩ -a ˈkä ˈmäna ˈmö -wʋ. (Ga 6:4; Kɔ 3:23) ˈYlʋbö ˈlɛ ˈwuë ˈmö, lagɔdaayuë a mila a -bɛ, ɲɩbhɛlɩ -ɲɛ ˈŋwlɩɩ ˈsɔ, mʋa nʋä -mä Betɛlɩ libho. -N yi bhä -naɲɩ dlɩ -sɛ, -n ˈkä -mä Betɛlɩ libho nʋmö -a? -N ˈnɩ ˈmö -bhɩɔ, -n bhɛnɩ ɔ -n ˈkä -mɔmɔɔ swɩ ɲɛmʋ ˈmö ˈpä, nzɩ ɔ ˈkä -mä libho nʋä mö -a? -N bhɛnɩ ɔ -n ˈkä -ɔ -wʋä -mä Betɛlɩ kwänɩ, ɔ ˈkä ˈkwädlɩ -mä libho nʋ ˈyize -a?

A NƖ YLƐ VIDEO WA LAA -BHƖƆ ˈMÖ -N ˈKÄ -MÄ BETƐLƖ LIBHO NƲÄ MÖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• ˈSaa ˈkä ɔ nɩkpɛ -mä ˈsunɩ ɔ ˈkä -mä Betɛlɩ libho nʋä mö ˈnɩ?

• -Wa möä -mä Betɛlɩ libho nʋä, ˈɲupälɩ wa ghlɩɛ a dɔˈwʋ, sɛ wa gbä ɔ ˈnɩ?

• Nɩkpɛ a -mɔ yɩbhää ɔ ˈkä -mä Betɛlɩ libho nʋ, sɛ ɔ kä bhä -wʋ ˈnɩ?

• -N -kä -n ˈkä -mä Betɛlɩ libho nʋä mö, sɛ -n ˈkä ɔ ˈzʋ ˈnɩ?