Sɛ a -wa ɔ Lagɔ ˈa wɛlɩɩ?

Biblë ˈmö, -mä Lagɔ ˈa dlɩpäsaa -ɲɛ ˈɔ wɛlɩɩ ˈsɔ -wʋä. Mɔ glɩnɩɛ ɛ ˈwälaɲɔɔ. (2P 1:20, 21) Sɛɛ Lagɔ ˈkää zɩkö ˈɔ ˈKämanɔɔ ˈmö ghlɛnɩ nzɩ ɔ ˈkä tula nɩɩ, mɔɔ kää ɔ ˈkä nɩkpa -gömö ˈkämanɩ a wɛlɩɩ, sɛɛ Biblë pɩɛniɛ ˈwʋ paaɲɩ swɩ ɲɛmö nɩɩ, nɩkpaa ˈwuë yi -li a -lii ghlɩɩ, wa yi ˈmäna ˈmö -wʋ. Biblë tulaˈɛ nɩɩ, -aa dɩba Lagɔ -ɔ -wʋä -mä ghäyɩ ˈwʋ -waɲɩ teɲii.—Ps 86:15.

ˈSaa kää ˈŋlɩ ˈn lagɔwɛlɩɩ kää bhʋlʋbhlʋ dɛsɛ -aa dɔˈwʋ, yɩˈɩɛ ˈmö ˈmlɩnɩ. Maa, -a yi ɔ tula nɩɩ, ˈɲɛɲɛlu ˈla -wʋ kää dɛsɛ nɛnɩɲɩ dlɩ yɔwʋ -a? -A yu ɔ ˈmö zɛlɩ ˈn sɛ wʋ gbää, -a yi ɔ -mä -aˈa zɩkpa ˈmö -gänɩ -a? -Aˈa nʋnʋlii nɩ tula nɩɩ, -aˈa dlɩpäsaa -ɲɛ Psaume a ˈcɛlɩcɛlɩɲɔ a dlɩpäsaa ˈsɔ mönɩ yɔwʋ, -ɔ -nʋä nɩɩ: “Yɩɛ, sɛɛ -naˈa gböö nɛnɩɩɛ teɲii dlɩ yɔwʋ!”—Ps 119:97.

A NƖ YLƐ VIDEO WA LAA BIBLË KƲA A-A TEƝII DLƖ SƐ: ˈPƖƆ (WILIAMÖ TƐDALƖ) ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  -Yɩ kä ɔ ˈŋlɩ ˈn Wiliamö Tɛdalɩ yi ɔ Biblë a ˈpɩɔ -bhlʋ gbʋ -mumuu ˈmö ˈcɛlɩnɩ ˈnɩ?

• Sɛ ɔ ˈtɛmanɩɛ ˈyli yɔwʋ ɔ ˈkä Biblë ˈcɛlɩ a za, sɛ yɩ yɩa ɔ teɲii ŋli ˈnɩ?

• Tɛdalɩ ˈa Biblë ɔ ˈcɛlɩɛ, sɛ wa ˈzʋzʋnɩ ɔ ˈmö ˈn wa -ɲɛ yi ɔ ˈwi ˈmö Agletɛɛ-bhölɩɩ ˈmö plɛ ˈnɩ?

• -A ˈwuë, sɛɛ -a ˈkä ɔ bhʋlʋbhlʋ tula nɩɩ, Lagɔ ˈa wɛlɩɩ kä teɲii -aa dɔˈwʋ dɛsɛ ˈnɩ?