-Mä lagɔbuduu ˈmö a -lu -bhlʋ -wʋ kää teɲii dɛsɛ, -wʋ zie ˈwʋ

25:9, 21, 22

Mɛnɩnɔ a -lokwlii glɩnɩ a-a -lu a -mu kää teɲii dɛsɛ, -wʋ zie -lii ˈwuë ˈwʋ, -mä lagɔbuduu ˈmö a dɔˈwʋ, ˈn dɛɛ Yizlaɛlɩ a -nʋa -bhölɩnɩ a-a kökä. -Sikalagɔzuzukuu -yɩ -wʋä -lɛ mɛnɩnɔ a -lokwlii ˈklʋ, yɩ jijoˈwʋ a -kpʋʋ, mʋʋ tula nɩɩ Lagɔ aˈbhë mɔɔ -wʋä -lɛ. -Mä ˈylʋba ˈmö, ˈwʋ -bhlʋ -kpöö, lagɔbʋbɔɲɔ ˈkɔdɔɔ plɛɛ -mä lagɔbuduu a kïbhëa ˈmö, wa laa Lagɔ a ˈyize a dɛ. Ɔ -kä nɩkpa ˈa ˈɲiɲlolii a za Lagɔ nɩma bʋbɔnɩ ˈwë, -lɛ ɔ plɛɛ -mä, ˈn ɔ mlɩɛ -lɛ mɛnɩnɔ a -lokwlii ˈklʋ väkö -ɲɛ bhila ˈsɔ ˈa dluu, nzɩ Lagɔ ˈkäa Yizlaɛlɩ a -nʋa ˈa ˈɲiɲlolii a gbʋ ˈyi ˈtatinɩ. (Lv 16:14, 15) Miɛ nɩɩ Zezwii, -ɔ glɩnɩɛ lagɔbʋbɔɲɔ ˈkɔdɔɔ, sɛ ɔ möä -lɛ Lagɔ ˈyila ˈklʋ, -mä zlɩ ˈmö, ˈn ɔ yoo sɛɛ ɔ bʋbɔnɔɔ ɔɲɩ ˈylimö tulanɩ, -sɩbhä yɩ sɛɛ zɛmö.—Eb 9:24-26

Zezwii bʋbɔnɩɛ ɔɲɩ Lagɔ -aa ˈwlumö, sɛ yɩ kää -aa -li a -lii ˈmö, -a nɩ köbhɩɩ ˈyli -mä gbɛlɩ ˈlɛ ˈmö:

BIBLË A GBƐLƖ

• 1Zh 1:8, 9

• Eb 9:13, 14

• Gh 6:23

-LI A -LII

• -A yi ˈkwädlɩkwädlɩnɩ -bhölɩ

• Lagɔ yi -aˈa ˈɲiɲlolii a gbʋ ˈyi ˈtatinɩ

• -aˈa ˈmlɩwʋnuëyii ˈnaa -kaɲɩa gbʋ köbha

Sɛɛ -a ˈkä ɔ ˈzʋ nzɩ -a ˈkä -li a -lii ˈla ghlɩ ˈnɩ?