Sɛɛ Zoova zlɔmanɩɛ -muë nʋä -lizoku ˈmö, -a -kɩɩ ˈmö -wanɩ, yɩ tula nɩɩ -a -wa Zoova

Wa -kä nɩkpɛ -mä lagɔzɩkpa ˈmö -sɛ, lagɔzɩkpa ˈmö a -nʋa ˈmö yɩ nʋä -li a -lii ˈwlu, ˈn nɩkpɛ ˈla ˈmö yɩ zlɔmanɩˈɛ ˈmö, sɛ ɔ nʋä -lizoku ˈn ɔ ˈniɛ yɩbhlɩnɩ a za. (1Kɔ 5:6, 11) Nɩkpɛ -kä -lizoku nʋ a sɛɛ Zoova zlɔmanɔɔ ˈmö, -a -kɩɩ ˈmö -wanɩ, yɩ tula sɛɛ -a -waa Zoova. Wa -kä nɩkpɛ -mä lagɔzɩkpa ˈmö -sɛ, nɩkpa ˈwuë -wa -binɔɔ, ɔ lowluwaa ˈn ˈyukugänɩwaa kökä, teɲii yɩ kälʋa yɔwʋ. Maa sɛɛ wa ˈkä ɔ tula nɩɩ, wa -wa Zoova ˈnɩ?

-Aaa ˈyɩbhä -a ˈkä Zoova ˈa ˈŋlɩ fɩ päla, ˈsaa nɛnɩɛ ɔ ˈyila ˈklʋ, mö -a yɩbhää -a ˈkä ˈkwädlɩ ˈklʋkpamö ˈzʋ ˈyize. (1P 1:14-16) -Mɔ wa -sɛ -mä lagɔzɩkpa ˈmö, -a yɩbhäˈɛ -a ˈkä tula nɩɩ -a -wɔɔ. Wa -kä teɲii nɩkpɛ ˈmö zlɔmanɩ, yɩ kälɩ yɔwʋ abhlɩ, maa bhäla, ‘ˈɔ zɩkpaa yi Lagɔ dlɩ yɔwʋ nɛnɩ, ɔ dlɩ zɛmö yi -sɩbhä a za -pälɛpälɛ -wʋ.’ (Eb 12:5, 6, 11) Nɩkpɛ a -mɔ wa -sɛ -mä lagɔzɩkpa ˈmö, ɛ -käˈɛ nɩkpɛ a -mɔ ˈbhööä ɔɲɩgäsɛ -mä -aˈa ˈwlugïgänɩzɩkpaa ˈmö, ˈn -a -ɲɔ -kä ˈwʋ -bhlinɩ, mi sɛɛ zɛmö nɩɩ Zoova ˈa ˈmözlɔmanɩzlɔmanɛ, -a ˈnɛɛ ˈmö -wanɩ. -A nɩ ligba nɩɩ, sɛɛ Zoova zlɔmanɩ a-a ˈɔ ŋëyi ˈmö, “-sɩbhä -bhëga a -bhëga ˈtɩɩ, ɔˈɔɔ -lɛ ˈwʋ ˈmɩɛ.” (Jr 30:11) -Mɔ wa -sɛ -mä lagɔzɩkpa ˈmö, -aˈa dlɩɩ ˈtɛɛ ˈwʋ nɩɩ ɔ yi ˈwʋ ˈsɔ -mä lazɔzɩkpa ˈmö yinɩ. Zaa, Zoova ˈa sɛ ɔ zlɔmanɔɔ ˈmö, mö -a ˈkää nimï -wʋ ˈyize, ˈn -a ˈkäˈɛ ˈyli yɔwʋ ˈtɛmanɩ nzɩ -a -ɲɛ Zoova ˈkäa ˈwʋ -wʋnɩ ˈyize.​—Is 1:16-18; 55:7.

A NƖ YLƐ VIDEO, -A NƖ -GÄNƖ ZOOVA -AˈA DLƖƖ ˈWUË ˈMÖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  ˈYuëlowluwaa -wa -lɛ Klɩtɩɛwaa, wa ˈyu -kä Zoova ˈa wɛlɩɩ kɛˈmö -sɛ, ˈsaa yɩ nʋa ɔ ˈwlu ˈnɩ?

• 

  ˈYuëlowluwaa -ɲɛ ˈwa ˈligbë ˈmö a -nʋa ˈwuë ˈsɔ, sɛɛ lagɔzɩkpa ˈmö a -nʋa ˈkʋa ɔ kwänɩ ˈnɩ?

• 

  Biblë ˈmö a wɛlɩɩ -mi ˈcɩaɲɩ ɔ nɩɩ Zoova -ɲɛ -aˈa -kosuu yɔwʋ a -nʋa ˈsɔ a dɔˈwʋ, Zoova mö -a kää -a ˈkä -wa teɲii yɩ kää dɛsɛ ˈnɩ?

• 

  Sɛɛ -a ˈkä ɔ tula nɩɩ Zoova a -wawʋ -a kää dlɩ zɛmö, wʋ -zi teɲii -aˈa ˈligbë ˈmö a -nʋa a -wawʋ -a kää dlɩ zɛmö ˈwʋ ˈnɩ?