A yɩbhä ɔ a ˈkä -wa biaa Lagɔ ˈa ˈKämanɔɔ a wɛlɩɩ a -suku plɛ -a?

-Waɲɩ ˈylʋbö tɛɛnɩɛ ˈylʋbö a 23 ˈwʋ, -këë 65 ˈwʋ, -n -wʋmö ɔ -mä wa jijoˈwʋ -a? Lagɔwɛlɩbialibhoo ˈmö -n nʋ bhä -mä -naˈa zɩkpa ˈmö -a? -N nɛnɩ ɔ ˈmö ˈtɩɩ -a? -N yɩbhä ɔ -n ˈkä mää lagɔwɛlɩbiawaa ˈnɩɛ -zu mö, nzɩ -n ˈkä -mä lagɔwɛlɩɩ bianɩ -a? Nimïyɩbhäkïbhï ˈlɛ a dɔˈwʋ, nn -n -kä ˈwʋ ŋlu, ˈbɔgʋʋ wa cɛlɩɛ ˈklʋ, ˈn wa möä -wa biaa Lagɔ ˈa ˈKämanɔɔ a wɛlɩɩ a -suku ˈmö, -n yɩbhä ɔ -n ˈkʋ ˈklʋ ˈcɛlɩ -a? Tɛɛnɩ tɛkäsukuyuëa a ˈtɛɲɩ ˈmö -këë zɩˈɛ, lagɔdaayuë a mila a -bɛ mʋa plɛ -suku ˈla. -Mumuë kä ˈŋwlɩ, -mumuë ˈnɩˈɛ ˈŋwlɩ -kä, ŋlʋdaayuë -mumuë ˈnɩˈɛ ghïla ˈwʋ ˈn wa yuä plɛ. A yɩɛ, ˈsaa -a yɩbhää miɛ nɩɩ, lagɔdaayuë a -bɛ waˈaa ˈŋwlɩ -kä nɩ plɛ -suku ˈla. A nɩ bhibhe Zoova ɔ ˈkaɲɩ kwänɩ nzɩ ˈsaa nɛnɔɔ dlɩ yɔwʋ a tʋ ˈkaɲɩa teɲii dlɩ zɛmö -wʋ ˈyize, a ˈkä ɔ Yowli ˈa gbäpöö -gänɩ. (Ps 40:8; Mt 20:28; Eb 10:7) Zaa, -lii ˈwuë a bhɛnɩɛ a ˈkä nʋ a ˈkäa ˈmö -bhɩɔ a ˈkä -suku ˈla plɛ a dɔˈwʋ, a nɩ nwi.

Lagɔdaayuë -wa plɛɛ -suku ˈla, wa bhɩɛ zɛmö ˈwë, lagɔlibhi a ki -mi wa bhɛnɩ a-a bhä wa ˈkä nʋ ˈnɩ? -Mumuë, mää wa gbää käbögbɩɩ -mä wa möä lagɔwɛlɩbialibhoo nʋnɩɛ ɛ -käˈɛ nɩɩ, wa ˈkä -mä ˈbhugugwlɩ ˈmö a nɩkpabhë a ˈyila ˈklʋ a lagɔwɛlɩbialibhoo nʋ. -Mumuë zʋʋ pɩɩ a ˈwʋdɩdɩwaa a zɛmö a -nʋa, -mumuë zʋʋ pɩɩ a ˈwʋdɩdɩwaa ˈn wa tiee -mumuë käböbhlɩɩ -gömö wa ˈkä -mä lagɔwɛlɩɩ bia. ˈSaa a bhɛnɩɛ a ˈkä nʋ Zoova ˈa libhoo a dɔˈwʋ, a -kɩ dlɩ kɛ ˈpänɩ dɔˈwʋ -wʋ, a nɩ ligbanɩ lagɔnɩkpɛ Ezayii ˈa wɛlɩɩ ˈwʋ, -yi nʋä: “-Amöä dɛˈɛ, tieaa!”​—Is 6:8.

A NƖ YLƐ VIDEO, LAGƆLIBHONƲWA WA TIEE KÄBÖBHLƖƖ -GÖMÖ WA ˈKÄ LAGƆWƐLƖƖ BIA: NƲ -DƖDƖLIBHO ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  Sɛɛ wa ˈzʋzʋnɩ ɔ ˈmö ˈn wa sɛ ɔ -lɛ lagɔlibhonʋwa wa tiee käböbhlɩɩ -gömö wa ˈkä lagɔwɛlɩɩ bia ˈnɩ?

• 

  Lagɔlibhonʋwa wa tiee käböbhlɩɩ -gömö wa ˈkä lagɔwɛlɩɩ bia, libho a -libho a -mʋ wa nʋ ɔ ˈnɩ?

• 

  Lagɔlibhonʋwa wa tiee käböbhlɩɩ -gömö wa ˈkä lagɔwɛlɩɩ bia, -li a -lii -mi ˈwa libhoo ˈwälanɩ bhä ˈyli ˈnɩ?